Al-Haqqa

  1. Home
  2. Translation
  3. Swahili: Ali Muhsin Al-Barwani
Change Language
Change Surah
Change Recitation

Swahili: Ali Muhsin Al-Barwani

 Play All
# Translation Ayah
1 Tukio la haki. الْحَاقَّةُ
2 Nini hilo Tukio la haki? مَا الْحَاقَّةُ
3 Na nini kitakujuulisha nini hilo Tukio la haki? وَمَا أَدْرَاكَ مَا الْحَاقَّةُ
4 Thamudi na A'di waliukadhibisha Msiba unao situsha. كَذَّبَتْ ثَمُودُ وَعَادٌ بِالْقَارِعَةِ
5 Basi Thamudi waliangamizwa kwa balaa kubwa mno. فَأَمَّا ثَمُودُ فَأُهْلِكُوا بِالطَّاغِيَةِ
6 Na ama A'di waliangamizwa kwa upepo mkali usio zuilika. وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ
7 Alio wapelekea masiku saba, na siku nane, mfululizo bila ya kusita. Utaona watu wamepinduka kama kwamba ni magongo ya mitende yalio wazi ndani. سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَى كَأَنَّهُمْ أَعْجَازُ نَخْلٍ خَاوِيَةٍ
8 Basi je! Unamwona mmoja wao aliye baki? فَهَلْ تَرَى لَهُم مِّن بَاقِيَةٍ
9 Na Firauni na walio mtangulia, na miji iliyo pinduliwa chini juu, walileta khatia. وَجَاء فِرْعَوْنُ وَمَن قَبْلَهُ وَالْمُؤْتَفِكَاتُ بِالْخَاطِئَةِ
10 Wakamuasi Mtume wa Mola wao Mlezi, ndipo Yeye Mola akawakamata kwa mkamato ulio zidi nguvu. فَعَصَوْا رَسُولَ رَبِّهِمْ فَأَخَذَهُمْ أَخْذَةً رَّابِيَةً
11 Maji yalipo furika Sisi tulikupandisheni katika safina, إِنَّا لَمَّا طَغَى الْمَاء حَمَلْنَاكُمْ فِي الْجَارِيَةِ
12 Ili tuyafanye hayo kuwa ni waadhi kwenu na kila sikio linalo sikia liyahifadhi. لِنَجْعَلَهَا لَكُمْ تَذْكِرَةً وَتَعِيَهَا أُذُنٌ وَاعِيَةٌ
13 Na litapo pulizwa barugumu mpulizo mmoja tu, فَإِذَا نُفِخَ فِي الصُّورِ نَفْخَةٌ وَاحِدَةٌ
14 Na ardhi na milima ikaondolewa, na ikavunjwa kwa mvunjo mmoja, وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً
15 Siku hiyo ndio Tukio litatukia. فَيَوْمَئِذٍ وَقَعَتِ الْوَاقِعَةُ
16 Na mbingu zitapasuka, kwani siku hiyo zitakuwa dhaifu kabisa. وَانشَقَّتِ السَّمَاء فَهِيَ يَوْمَئِذٍ وَاهِيَةٌ
17 Na Malaika watakuwa pembezoni mwa mbingu; na wanane juu ya hawa watakuwa wamebeba Kiti cha Enzi cha Mola wako Mlezi. وَالْمَلَكُ عَلَى أَرْجَائِهَا وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ
18 Siku hiyo mtahudhurishwa - haitafichika siri yoyote yenu. يَوْمَئِذٍ تُعْرَضُونَ لَا تَخْفَى مِنكُمْ خَافِيَةٌ
19 Basi ama atakaye pewa kitabu chake kwa mkono wake wa kulia, atasema: Haya someni kitabu changu! فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَؤُوا كِتَابِيهْ
20 Hakika nalijua ya kuwa nitapokea hisabu yangu. إِنِّي ظَنَنتُ أَنِّي مُلَاقٍ حِسَابِيهْ
21 Basi yeye atakuwa katika maisha ya kupendeza, فَهُوَ فِي عِيشَةٍ رَّاضِيَةٍ
22 Katika Bustani ya juu, فِي جَنَّةٍ عَالِيَةٍ
23 Matunda yake yakaribu. قُطُوفُهَا دَانِيَةٌ
24 Waambiwe: Kuleni na mnywe kwa furaha kwa sababu ya mlivyo tanguliza katika siku zilizo pita. كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ
25 Na ama atakaye pewa kitabu chake katika mkono wake wa kushoto, basi yeye atasema: Laiti nisingeli pewa kitabu changu! وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيهْ
26 Wala nisingeli jua nini hisabu yangu. وَلَمْ أَدْرِ مَا حِسَابِيهْ
27 Laiti mauti ndiyo yangeli kuwa ya kunimaliza kabisa. يَا لَيْتَهَا كَانَتِ الْقَاضِيَةَ
28 Mali yangu hayakunifaa kitu. مَا أَغْنَى عَنِّي مَالِيهْ
29 Madaraka yangu yamenipotea. هَلَكَ عَنِّي سُلْطَانِيهْ
30 (Pasemwe): Mshikeni! Mtieni pingu! خُذُوهُ فَغُلُّوهُ
31 Kisha mtupeni Motoni! ثُمَّ الْجَحِيمَ صَلُّوهُ
32 Tena mtatizeni katika mnyororo wenye urefu wa dhiraa sabiini! ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ
33 Kwani huyo hakika alikuwa hamuamini Mwenyezi Mungu Mtukufu, إِنَّهُ كَانَ لَا يُؤْمِنُ بِاللَّهِ الْعَظِيمِ
34 Wala hahimizi kulisha masikini. وَلَا يَحُضُّ عَلَى طَعَامِ الْمِسْكِينِ
35 Basi leo hapa hana jamaa wa kumwonea uchungu, فَلَيْسَ لَهُ الْيَوْمَ هَاهُنَا حَمِيمٌ
36 Wala hana chakula ila usaha wa watu wa Motoni. وَلَا طَعَامٌ إِلَّا مِنْ غِسْلِينٍ
37 Chakula hicho hawakili ila wakosefu. لَا يَأْكُلُهُ إِلَّا الْخَاطِؤُونَ
38 Basi naapa kwa mnavyo viona, فَلَا أُقْسِمُ بِمَا تُبْصِرُونَ
39 Na msivyo viona, وَمَا لَا تُبْصِرُونَ
40 Kwa hakika hii ni kauli iliyo letwa na Mjumbe mwenye hishima. إِنَّهُ لَقَوْلُ رَسُولٍ كَرِيمٍ
41 Wala si kauli ya mtunga mashairi. Ni machache sana mnayo yaamini. وَمَا هُوَ بِقَوْلِ شَاعِرٍ قَلِيلًا مَا تُؤْمِنُونَ
42 Wala si kauli ya kuhani. Ni machache mnayo yakumbuka. وَلَا بِقَوْلِ كَاهِنٍ قَلِيلًا مَا تَذَكَّرُونَ
43 Ni uteremsho utokao kwa Mola Mlezi wa walimwengu wote. تَنزِيلٌ مِّن رَّبِّ الْعَالَمِينَ
44 Na lau kama angeli tuzulia baadhi ya maneno tu, وَلَوْ تَقَوَّلَ عَلَيْنَا بَعْضَ الْأَقَاوِيلِ
45 Bila ya shaka tungeli mshika kwa mkono wa kulia, لَأَخَذْنَا مِنْهُ بِالْيَمِينِ
46 Kisha kwa hakika tungeli mkata mshipa mkubwa wa moyo! ثُمَّ لَقَطَعْنَا مِنْهُ الْوَتِينَ
47 Na hapana yeyote katika nyinyi ambaye angeli weza kutuzuia. فَمَا مِنكُم مِّنْ أَحَدٍ عَنْهُ حَاجِزِينَ
48 Kwa hakika hii ni mawaidha kwa wachamngu. وَإِنَّهُ لَتَذْكِرَةٌ لِّلْمُتَّقِينَ
49 Na hakika Sisi bila ya shaka tunajua kwamba miongoni mwenu wapo wanao kadhibisha. وَإِنَّا لَنَعْلَمُ أَنَّ مِنكُم مُّكَذِّبِينَ
50 Na hakika bila ya shaka itakuwa ni majuto kwa wanao kataa. وَإِنَّهُ لَحَسْرَةٌ عَلَى الْكَافِرِينَ
51 Na hakika hii bila ya shaka ni haki ya yakini. وَإِنَّهُ لَحَقُّ الْيَقِينِ
52 Basi litakase jina la Mola wako Mlezi Mtukufu. فَسَبِّحْ بِاسْمِ رَبِّكَ الْعَظِيمِ
Next Surah Al-Ma'arij
;