Al-Qalam

  1. Home
  2. Translation
  3. Hausa: Abubakar Mahmoud Gumi
Change Language
Change Surah
Change Recitation

Hausa: Abubakar Mahmoud Gumi

 Play All
# Translation Ayah
1 Ñ. Na rantse da alƙalami da abin da (marubũta) suke rubũtãwa. ن وَالْقَلَمِ وَمَا يَسْطُرُونَ
2 Kai, sabõda ni'imar Ubangijinka, bã mahaukaci kake ba. مَا أَنتَ بِنِعْمَةِ رَبِّكَ بِمَجْنُونٍ
3 Kuma, lalle, haƙĩƙa kanã da lãdar da bã ta yankewa. وَإِنَّ لَكَ لَأَجْرًا غَيْرَ مَمْنُونٍ
4 Kuma, lalle haƙiƙa kana a kan hãlãyen kirki, manya. وَإِنَّكَ لَعَلى خُلُقٍ عَظِيمٍ
5 Don haka, zã ka gani, sũ kuma zã su gani. فَسَتُبْصِرُ وَيُبْصِرُونَ
6 Ga wanenku haukã take. بِأَييِّكُمُ الْمَفْتُونُ
7 Lalle Ubangijinka Shi ne Mafi sani ga wanda ya ɓace daga tafarkinSa. Kuma Shi ne Mafi sani ga mãsu shiryuwa. إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ
8 Saboda haka kada ka bi mãsu ƙaryatãwa. فَلَا تُطِعِ الْمُكَذِّبِينَ
9 Sunã fatar ka sassauta, su kuma sũ sassauta. وَدُّوا لَوْ تُدْهِنُ فَيُدْهِنُونَ
10 Kada ka bi dukkan mai yawan rantsuwa, walãkantacce. وَلَا تُطِعْ كُلَّ حَلَّافٍ مَّهِينٍ
11 Mai zunɗe, mai yãwo da gulma. هَمَّازٍ مَّشَّاء بِنَمِيمٍ
12 Mai hana alhẽri mai zãlunci, mai zunubi. مَنَّاعٍ لِّلْخَيْرِ مُعْتَدٍ أَثِيمٍ
13 Mai girman kai, bãyan haka kuma la'ĩmi (bã ya son alhẽri). عُتُلٍّ بَعْدَ ذَلِكَ زَنِيمٍ
14 Sabõda yã kasance mai dũkiya da ɗiya. أَن كَانَ ذَا مَالٍ وَبَنِينَ
15 Idan ana karanta masa ãyõyinMu, sai ya ce: "Tatsũniyõyin mutãnen farko ne." إِذَا تُتْلَى عَلَيْهِ آيَاتُنَا قَالَ أَسَاطِيرُ الْأَوَّلِينَ
16 Zã Mu yi masa alãma a kan hanci. سَنَسِمُهُ عَلَى الْخُرْطُومِ
17 Lalle Mun jarrabe su kamar yadda Muka jarrabi mãsu gonar lambu, a lokacin da suka yi rantsuwa, wai lalle zã su girbe amfãninta, suna mãsu asubanci. إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا لَيَصْرِمُنَّهَا مُصْبِحِينَ
18 Kuma (suka yi niyya), bã su kõ tõgẽwa. وَلَا يَسْتَثْنُونَ
19 Wani mai kẽwayãwa daga Ubangijinka ya kẽwayã a kanta, (ya ƙone ta,) alhãli sunã barci. فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ
20 Sai ta wãyi gari (baƙa ƙirin) kamar dare. فَأَصْبَحَتْ كَالصَّرِيمِ
21 Sai suka kirãyi jũna, sunã mãsu yin asubanci. فَتَنَادَوا مُصْبِحِينَ
22 Cẽwa ku yi sammakõ ga amfãnin gõnarku, idan kun kasance mãsu girbewa. أَنِ اغْدُوا عَلَى حَرْثِكُمْ إِن كُنتُمْ صَارِمِينَ
23 Sai suka tafi sunã shãwara a ɓõye (sunã cẽwa). فَانطَلَقُوا وَهُمْ يَتَخَافَتُونَ
24 "Lalle kada wani miskĩni ya shigar muku ita a yau!" أَن لَّا يَدْخُلَنَّهَا الْيَوْمَ عَلَيْكُم مِّسْكِينٌ
25 Kuma suka yi sammako akan (niyyar) rõwa, matuƙar iyãwarsu. وَغَدَوْا عَلَى حَرْدٍ قَادِرِينَ
26 Lõkacin da suka gan ta, sai suka ce: "Lalle, mun saki hanya (mun ɓace)!" فَلَمَّا رَأَوْهَا قَالُوا إِنَّا لَضَالُّونَ
27 "Ba haka ba, mũ dai, an hana mu ne." بَلْ نَحْنُ مَحْرُومُونَ
28 Mafificinsu (hankali) ya ce: "Ban gaya muku ba, yã kamata ku tsarkake Allah?" قَالَ أَوْسَطُهُمْ أَلَمْ أَقُل لَّكُمْ لَوْلَا تُسَبِّحُونَ
29 Suka ce: "Tsarki ya tabbata ga Ubangijinmu! Lalle, mu mun kasance azzãlumai." قَالُوا سُبْحَانَ رَبِّنَا إِنَّا كُنَّا ظَالِمِينَ
30 Sai suka fuskanci jũna, sunã zargin kansu. فَأَقْبَلَ بَعْضُهُمْ عَلَى بَعْضٍ يَتَلَاوَمُونَ
31 Suka ce: "Kaitonmu! Lalle, mũ ne muka kasance mãsu ƙẽtare iyãka." قَالُوا يَا وَيْلَنَا إِنَّا كُنَّا طَاغِينَ
32 "Mai yiwuwa ne Ubangijinmu Ya musanya mana da wani abu da yã fi ta. Lalle, mũ (ba mu yanke ƙauna ba) zuwa ga Ubangijinmu, mãsu kwaɗayi ne." عَسَى رَبُّنَا أَن يُبْدِلَنَا خَيْرًا مِّنْهَا إِنَّا إِلَى رَبِّنَا رَاغِبُونَ
33 Haka dai azãbar take, kuma lalle ne azãbar Lãhira ta fi girma, in da sun kasance zã su iya gãnẽwã. كَذَلِكَ الْعَذَابُ وَلَعَذَابُ الْآخِرَةِ أَكْبَرُ لَوْ كَانُوا يَعْلَمُونَ
34 Lalle ne mãsu taƙawa nã da a wurin Ubangijinsu, gidãjen Aljanna na ni'ima. إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ
35 Shin ko zã Mu sanya waɗanda ke bi da ɗa'a kamar mãsu laifi? أَفَنَجْعَلُ الْمُسْلِمِينَ كَالْمُجْرِمِينَ
36 Me ya sãme ku, yãya kuke yin hukunci (da haka)? مَا لَكُمْ كَيْفَ تَحْكُمُونَ
37 Ko kuna da wani littafi, wanda a cikinsa, kuke karantãwa? أَمْ لَكُمْ كِتَابٌ فِيهِ تَدْرُسُونَ
38 Cẽwã kunã da, a cikinsa lalle (duk) abin da rãyukanku suka zãɓa? إِنَّ لَكُمْ فِيهِ لَمَا تَخَيَّرُونَ
39 Kõ kunã (riƙe) da wasu rantsuwõyin alkawari a kanMu, har ya zuwa Rãnar ¡iyãma, cẽwa lalle ne kunã da abin da kuke hukuntã wa kanku? أَمْ لَكُمْ أَيْمَانٌ عَلَيْنَا بَالِغَةٌ إِلَى يَوْمِ الْقِيَامَةِ إِنَّ لَكُمْ لَمَا تَحْكُمُونَ
40 Ka tambaye su, wãne, a cikinsu, ke lãmuncewã ga sãmun wannan (hukuncin)? سَلْهُم أَيُّهُم بِذَلِكَ زَعِيمٌ
41 Kõ sunã da abõkan tãrẽwa (ga wannan ra'ayi)? To, sai su kãwo abõkan tãrayyarsu, idan sun kasance mãsu gaskiya. أَمْ لَهُمْ شُرَكَاء فَلْيَأْتُوا بِشُرَكَائِهِمْ إِن كَانُوا صَادِقِينَ
42 Ranar da zã a kuranye ƙwabri, kuma a kira su zuwa ga yin sujũda, sai bã zã su iyãwa ba. يَوْمَ يُكْشَفُ عَن سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ
43 Su fito da idãnu ƙasƙantattu, wulãkanci yana rufe su. Lalle ne a dã sun kasance anã kiran su zuwa, yin sujũdar, alhãli kuwa sunã lãfiya lau, (suka ƙi yi). خَاشِعَةً أَبْصَارُهُمْ تَرْهَقُهُمْ ذِلَّةٌ وَقَدْ كَانُوا يُدْعَوْنَ إِلَى السُّجُودِ وَهُمْ سَالِمُونَ
44 Sabõda haka ka bar Ni da mai ƙaryata wanna lãbãri (Alƙur'ãni). Zã Mu yi musu istidrãji daga inda ba su sani ba. فَذَرْنِي وَمَن يُكَذِّبُ بِهَذَا الْحَدِيثِ سَنَسْتَدْرِجُهُم مِّنْ حَيْثُ لَا يَعْلَمُونَ
45 Ina jinkirtã musu, lalle kaidiNa mai ƙarfi ne. وَأُمْلِي لَهُمْ إِنَّ كَيْدِي مَتِينٌ
46 Kõ kana tambayar su wata la'ada ne, sabõda haka sũ, daga wannan tãrar, suke jin an nauyaya musu? أَمْ تَسْأَلُهُمْ أَجْرًا فَهُم مِّن مَّغْرَمٍ مُّثْقَلُونَ
47 Ko kuma sunã da ilmin gaibu ne, wãto sunã yin rubũtun (abin da suke faɗã daga gare shi) ne? أَمْ عِندَهُمُ الْغَيْبُ فَهُمْ يَكْتُبُونَ
48 Sabõda haka, ka yi haƙuri da hukuncin Ubangijinka, kada ka zama kamar Ma'abũcin kĩfi, alõkacin da ya yi kira, alhãli yana cike da hushi. فَاصْبِرْ لِحُكْمِ رَبِّكَ وَلَا تَكُن كَصَاحِبِ الْحُوتِ إِذْ نَادَى وَهُوَ مَكْظُومٌ
49 Ba dõmin ni'ima daga wajen Ubangijinsa tã riske shi ba, lalle ne da an jẽfa shi a cikin wõfintacciyar ƙasa, alhãli yanã abin zargi. لَوْلَا أَن تَدَارَكَهُ نِعْمَةٌ مِّن رَّبِّهِ لَنُبِذَ بِالْعَرَاء وَهُوَ مَذْمُومٌ
50 Sai Ubangijinsa Ya zãɓe shi, sa'an nan Ya sanya shi a cikin mutãnen kirki. فَاجْتَبَاهُ رَبُّهُ فَجَعَلَهُ مِنَ الصَّالِحِينَ
51 Kuma lalle, ne waɗanda suka kãfirta sunã yin kamar su kãyar da kai sabõ da kallonsu (kallon mãmãki), a lokacin da suke jin karãtun Alƙur'ãni, kuma sunã cẽwa, "Lalle ne shi mahaukaci ne!" وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ
52 Shi (Alƙur'ãni) bai kasance ba, fãce abin tunãtarwa ne ga duka dũniya. وَمَا هُوَ إِلَّا ذِكْرٌ لِّلْعَالَمِينَ
Next Surah Al-Haqqa
;