At-Takwir

  1. Home
  2. Translation
  3. Divehi: Office of the President of Maldives
Change Language
Change Surah
Change Recitation

Divehi: Office of the President of Maldives

 Play All
# Translation Ayah
1 އިރުގެ އަލިކަން ފިލައި، ހިނގައިދާ ހިނދެވެ. إِذَا الشَّمْسُ كُوِّرَتْ
2 އަދި ތަރިތަކުން އަލިކަން ފިލައި، ބުރަބުރައިގެންދާ ހިނދެވެ. وَإِذَا النُّجُومُ انكَدَرَتْ
3 އަދި ފަރުބަދަތައް ލުހި، ފުނޑުފުނޑުވާ ހިނދެވެ. وَإِذَا الْجِبَالُ سُيِّرَتْ
4 އަދި މާބަނޑު ޖަމަލުތައް އަޅާނުލައި ދޫކޮށްލާ ހިނދެވެ. وَإِذَا الْعِشَارُ عُطِّلَتْ
5 އަދި ވަލު ޖަނަވާރުތައް (އެއްތަނަކަށް) އެއްކުރައްވާ ހިނދެވެ. وَإِذَا الْوُحُوشُ حُشِرَتْ
6 އަދި ކަނޑުތައް ރޯވެ، އަނދައިގަންނަ ހިނދެވެ. وَإِذَا الْبِحَارُ سُجِّرَتْ
7 އަދި ފުރާނަތައް، އޭގެ ހަށިތަކާ ގުޅިދާހިނދެވެ. وَإِذَا النُّفُوسُ زُوِّجَتْ
8 އަދި ދިރިއޮއްވައި ވަޅުލި އަންހެން ދަރިޔާއާ سؤال ކުރައްވާ ހިނދެވެ. وَإِذَا الْمَوْؤُودَةُ سُئِلَتْ
9 އޭނާ މަރައިލީ ކޮން ކުށެއްގެ ސަބަބުން ހެއްޔެވެ؟ بِأَيِّ ذَنبٍ قُتِلَتْ
10 އަދި ފަތްފުށްތައް ނިއުޅައިލައްވާ ހިނދެވެ. وَإِذَا الصُّحُفُ نُشِرَتْ
11 އަދި އުޑު ގެންދަވާ ހިނދެވެ. وَإِذَا السَّمَاء كُشِطَتْ
12 އަދި ނަރަކަ ރޯކޮށްލައްވާ ހިނދެވެ. وَإِذَا الْجَحِيمُ سُعِّرَتْ
13 އަދި ސުވަރުގެ ގާތްކުރައްވާ ހިނދެވެ. وَإِذَا الْجَنَّةُ أُزْلِفَتْ
14 ކޮންމެ نفس އަކަށްމެ، އެ نفس އެއް حاضر ކުޅަކަމެއް (އެހިނދު) އެނގޭނެތެވެ. عَلِمَتْ نَفْسٌ مَّا أَحْضَرَتْ
15 ފަހެ، ރޭގަނޑަށް ފާޅުކަންބޮޑު، ދުވާލު ވަންހަނާވާ، ހިނގަހިނގާ ހުންނަ ތަރިތައް ގަންދެއްވަމެވެ. فَلَا أُقْسِمُ بِالْخُنَّسِ
16 ފަހެ، ރޭގަނޑަށް ފާޅުކަންބޮޑު، ދުވާލު ވަންހަނާވާ، ހިނގަހިނގާ ހުންނަ ތަރިތައް ގަންދެއްވަމެވެ. الْجَوَارِ الْكُنَّسِ
17 އަދި ރޭގަނޑު އަނދިރިކަމާއިގެން ފަސްދީދާހިނދު، އެ ރޭގަނޑު ގަންދެއްވަމެވެ. وَاللَّيْلِ إِذَا عَسْعَسَ
18 އަދި ފަތިހުގެ އަލިކަން ފާޅުވާހިނދު، އެ ފަތިސް ގަންދެއްވަމެވެ. وَالصُّبْحِ إِذَا تَنَفَّسَ
19 ހަމަކަށަވަރުން، އެއީ މާތްވެގެންވާ رسول އަކު (އެބަހީ: جبريل ގެފާނު) ގެންނެވި ބަސްފުޅުކަން ކަށަވަރެވެ. إِنَّهُ لَقَوْلُ رَسُولٍ كَرِيمٍ
20 عرش ގެ ވެރިރަސްކަލާނގެ حضرة ގައި ބާރެއްގެ ވެރި ދަރަޖަވެރިޔެކެވެ. ذِي قُوَّةٍ عِندَ ذِي الْعَرْشِ مَكِينٍ
21 އެތާނގައި (އެބަހީ: އުޑުތަކުގައި) ކިޔަމަންވެވޭ އަމާނާތްތެރިޔެކެވެ. مُطَاعٍ ثَمَّ أَمِينٍ
22 އަދި ތިޔަބައިމީހުންގެ އެކުވެރިޔާއީ (އެބަހީ: محمد ގެފާނީ) މޮޔައަކު ކަމުގައި ނުވެއެވެ. وَمَا صَاحِبُكُم بِمَجْنُونٍ
23 އަދި ހަމަކަށަވަރުން، އެކަލޭގެފާނު (އެބަހީ: محمد ގެފާނު) ފާޅުވެގެންވާ އުދަރެހުން އެކަލޭގެފާނު (އެބަހީ: جبريل ގެފާނު) ދެކެވަޑައިގަތެވެ. وَلَقَدْ رَآهُ بِالْأُفُقِ الْمُبِينِ
24 އަދި غيب ގެ ކަންތައް ފޮރުވައި، ހިފަހައްޓަވާ ބޭކަލަކު ކަމުގައި އެކަލޭގެފާނު (އެބަހީ: محمد ގެފާނު) ނުވެއެވެ. وَمَا هُوَ عَلَى الْغَيْبِ بِضَنِينٍ
25 އަދި رحمة ން ބޭރުކުރައްވާފައިވާ شيطان އެއްގެ ބަސްކަމުގައިވެސް އެ قرآن ނުވެއެވެ. وَمَا هُوَ بِقَوْلِ شَيْطَانٍ رَجِيمٍ
26 ފަހެ، ތިޔަބައިމީހުން ތިޔަދަނީ ކޮންތާކަށް ހެއްޔެވެ؟ فَأَيْنَ تَذْهَبُونَ
27 عالم ތަކަށް ހަނދާންކޮށްދިނުމެއް ކަމުގައި މެނުވީ އެ قرآن ނުވެއެވެ. إِنْ هُوَ إِلَّا ذِكْرٌ لِّلْعَالَمِينَ
28 ތިޔަބައިމީހުންކުރެ ސީދާވެގަތުމަށް އެދޭ މީހަކަށްޓަކައެވެ. لِمَن شَاء مِنكُمْ أَن يَسْتَقِيمَ
29 عالم ތަކުގެ ވެރި اللَّه އިރާދަކުރެއްވުމުން މެނުވީ، ތިޔަބައިމީހުންނަކަށް (އެއްވެސް ކަމެއް) ނޭދެވޭނެތެވެ. وَمَا تَشَاؤُونَ إِلَّا أَن يَشَاء اللَّهُ رَبُّ الْعَالَمِينَ
Next Surah Al-Infitar
;