An-Nabaa

  1. Home
  2. Translation
  3. Azerbaijani: Vasim Mammadaliyev and Ziya Bunyadov
Change Language
Change Surah
Change Recitation

Azerbaijani: Vasim Mammadaliyev and Ziya Bunyadov

 Play All
# Translation Ayah
1 (Bu müşriklər) bir-birindən nə haqqında soruşurlar? عَمَّ يَتَسَاءلُونَ
2 Böyük bir xəbər (qiyamət günü) haqqında! عَنِ النَّبَإِ الْعَظِيمِ
3 Elə bir xəbər ki, onun barəsində ixtilafdadırlar. الَّذِي هُمْ فِيهِ مُخْتَلِفُونَ
4 Xeyr, onlar (qiyamətin haqq olduğunu) mütləq biləcəklər! كَلَّا سَيَعْلَمُونَ
5 Bir də (deyirəm) xeyr, onlar (qiyamətin haqq olduğunu) mütləq biləcəklər! ثُمَّ كَلَّا سَيَعْلَمُونَ
6 Məgər Biz yeri döşək etmədikmi?! أَلَمْ نَجْعَلِ الْأَرْضَ مِهَادًا
7 Dağları da dirək?! وَالْجِبَالَ أَوْتَادًا
8 Biz sizləri (erkək və dişi olmaqla) cüt-cüt yaratdıq. وَخَلَقْنَاكُمْ أَزْوَاجًا
9 Yuxunuzu da istirahət etdik. وَجَعَلْنَا نَوْمَكُمْ سُبَاتًا
10 Biz gecəni (hər şeyi bürüyən) örtük etdik. وَجَعَلْنَا اللَّيْلَ لِبَاسًا
11 Gündüzü isə dolanışlıq (ruzi qazanmaq) vaxtı etdik. وَجَعَلْنَا النَّهَارَ مَعَاشًا
12 Üstünüzdə yeddi (qat) möhkəm (göy) qurduq. وَبَنَيْنَا فَوْقَكُمْ سَبْعًا شِدَادًا
13 Sizin üçün çox parlaq bir çıxar (günəş) yaratdıq. وَجَعَلْنَا سِرَاجًا وَهَّاجًا
14 (Küləklərin sıxdığı) buludlardan şırıl-şırıl tökülən yağmur endirdik ki, وَأَنزَلْنَا مِنَ الْمُعْصِرَاتِ مَاء ثَجَّاجًا
15 Onunla dən və bitki yetişdirək, لِنُخْرِجَ بِهِ حَبًّا وَنَبَاتًا
16 Eləcə də (ağacları bir-birinə) sarmaşan bağlar. وَجَنَّاتٍ أَلْفَافًا
17 Həqiqətən, (haqla batili) ayırd etmə günü (əzəldən müəyyən edilmiş) bir vaxtdır! إِنَّ يَوْمَ الْفَصْلِ كَانَ مِيقَاتًا
18 Sur çalınacağı gün (qəbirlərinizdən çıxıb) dəstə-dəstə (məhşərə) gələcəksiniz. يَوْمَ يُنفَخُ فِي الصُّورِ فَتَأْتُونَ أَفْوَاجًا
19 (O gün) göy qapı-qapı (mələklərin yerə enməsi üçün göydə yarıqlar) açılacaqdır. وَفُتِحَتِ السَّمَاء فَكَانَتْ أَبْوَابًا
20 Dağlar yerindən qopardılıb (havada toz kimi uçaraq) ilğıma dönəcəkdir. وَسُيِّرَتِ الْجِبَالُ فَكَانَتْ سَرَابًا
21 Həqiqətən, Cəhənnəm (mələklərin hazır durub kafirləri gözlədiyi) pusqudur! إِنَّ جَهَنَّمَ كَانَتْ مِرْصَادًا
22 O, azğınların məskənidir. لِلْطَّاغِينَ مَآبًا
23 Onlar orada sonsuz müddət qalacaqlar. لَابِثِينَ فِيهَا أَحْقَابًا
24 Onlar orada nə bir sərinlik (görəcək), nə də içməyə bir şey tapacaqlar; لَّا يَذُوقُونَ فِيهَا بَرْدًا وَلَا شَرَابًا
25 Qaynar sudan və irindən başqa!- إِلَّا حَمِيمًا وَغَسَّاقًا
26 (Dünyadakı əmələrinə) uyğun cəza olaraq. جَزَاء وِفَاقًا
27 Çünki onlar haqq-hesab çəkiləcəyinə ümid bəsləmirdilər (qiyamət gününə inanmır, onun əzabından qorxmurdular). إِنَّهُمْ كَانُوا لَا يَرْجُونَ حِسَابًا
28 Ayələrimizi də elə hey təkzib edirdilər. وَكَذَّبُوا بِآيَاتِنَا كِذَّابًا
29 Biz hər şeyi (bir-bir) sayıb (lövhi-məhfuzda) yazmışıq (və ya: əməl dəftərində yazıb təsbit etmişik). وَكُلَّ شَيْءٍ أَحْصَيْنَاهُ كِتَابًا
30 İndi (ey kafirlər!) dadın əzabı. Biz sizə əzabdan başqa bir şey artırmayacağıq! فَذُوقُوا فَلَن نَّزِيدَكُمْ إِلَّا عَذَابًا
31 Həqiqətən, müttəqilərin nicat yeri (Cənnət), إِنَّ لِلْمُتَّقِينَ مَفَازًا
32 Bağçalar və üzüm bağları, حَدَائِقَ وَأَعْنَابًا
33 Sinələri yenicə qabarmış (dolmuş, tumurcuqlanmış, gözəllikdə və məlahətdə bir-birinə bənzər) həmyaşıd qızlar. وَكَوَاعِبَ أَتْرَابًا
34 (Cənnət şərabı ilə) dolu qədəhlər gözləyir! وَكَأْسًا دِهَاقًا
35 Onlar orada (Cənnətdə) nə boş söz, nə də yalan eşidəcəklər. لَّا يَسْمَعُونَ فِيهَا لَغْوًا وَلَا كِذَّابًا
36 (Bu, müttəqilərə) Rəbbindən olan mükafat, artıqlaması ilə verilən bəxşişdir - جَزَاء مِّن رَّبِّكَ عَطَاء حِسَابًا
37 Göylərin, yerin və onların arasındakıların Rəhman olan Rəbbindən (göndərilən bəxşişdir). Onlar (məxluqat) Onun hüzurunda heç bir söz deməyə qadir olmazlar! رَبِّ السَّمَاوَاتِ وَالْأَرْضِ وَمَا بَيْنَهُمَا الرحْمَنِ لَا يَمْلِكُونَ مِنْهُ خِطَابًا
38 Ruhun (Cəbrailin) və mələklərin səf-səf duracağı gün Rəhmanın izin verdiyi kimsələrdən başqa heç kəs danışmayacaq, danışan da doğrunu deyəcəkdir! يَوْمَ يَقُومُ الرُّوحُ وَالْمَلَائِكَةُ صَفًّا لَّا يَتَكَلَّمُونَ إِلَّا مَنْ أَذِنَ لَهُ الرحْمَنُ وَقَالَ صَوَابًا
39 Bu, haqq olan gündür. Kim dilərsə, (iman gətirib ibadət və itaət etməklə) Rəbbinə tərəf qayıdan bir yol tutar! ذَلِكَ الْيَوْمُ الْحَقُّ فَمَن شَاء اتَّخَذَ إِلَى رَبِّهِ مَآبًا
40 Həqiqətən, Biz sizi yaxın bir əzabla (qiyamət gününün əzabı ilə) qorxutduq. O gün insan öz əlləri ilə etdiyi (yaxşı, pis) əməlləri görəcək, kafir isə: “Kaş (bu əzabı görməmək üçün) torpaq olaydım!” – deyəcəkdir. إِنَّا أَنذَرْنَاكُمْ عَذَابًا قَرِيبًا يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَابًا
Next Surah An-Nazi'at
;