Al-Mursalat

  1. Home
  2. Translation
  3. Azerbaijani: Vasim Mammadaliyev and Ziya Bunyadov
Change Language
Change Surah
Change Recitation

Azerbaijani: Vasim Mammadaliyev and Ziya Bunyadov

 Play All
# Translation Ayah
1 And olsun bir-birinin ardınca göndərilənlərə (mələklərə, peyğəmbərlərə, yaxud küləklərə); وَالْمُرْسَلَاتِ عُرْفًا
2 And olsun şiddətlə əsənlərə (və ya yel kimi tez gedənlərə); فَالْعَاصِفَاتِ عَصْفًا
3 And olsun (Allahın ayələrini, kitablarını və əmrlərini) yayanlara; وَالنَّاشِرَاتِ نَشْرًا
4 And olsun (haqla batili) ayıranlara; فَالْفَارِقَاتِ فَرْقًا
5 And olsun vəhyi (peyğəmbərlərə) çatdıranlara- فَالْمُلْقِيَاتِ ذِكْرًا
6 (Mö’minlər tövbə edib) üzr diləmək və ya (kafirləri) qorxutmaq üçün (olan vəhyi çatdıranlara) ki, عُذْرًا أَوْ نُذْرًا
7 Sizə və’d edilən (qiyamət) mütləq vaqe olacaqdır! إِنَّمَا تُوعَدُونَ لَوَاقِعٌ
8 Ulduzlar sönəcəyi; فَإِذَا النُّجُومُ طُمِسَتْ
9 Göy yarılacağı; وَإِذَا السَّمَاء فُرِجَتْ
10 Dağlar parça-parça olub dağılacağı (toz kimi havada uçacağı); وَإِذَا الْجِبَالُ نُسِفَتْ
11 Peyğəmbərlərə (öz ümmətlərinə şahidlik etmək üçün bir qədər) möhlət veriləcəyi zaman, وَإِذَا الرُّسُلُ أُقِّتَتْ
12 (Belə soruşulacaqdır:) “(Bunlara) hansı günə qədər möhlət verilmişdir?” لِأَيِّ يَوْمٍ أُجِّلَتْ
13 (Həmin suala cavab olaraq deyiləcəkdir:) “(Haqla batili) ayırd ediləcəyi günə qədər!” لِيَوْمِ الْفَصْلِ
14 Nə bilirsən (haradan bilirsən) ki, nədir o ayırd etmə günü?! وَمَا أَدْرَاكَ مَا يَوْمُ الْفَصْلِ
15 O gün vay halına (qiyaməti) yalan sayanların! وَيْلٌ يَوْمَئِذٍ لِّلْمُكَذِّبِينَ
16 Məgər Biz əvvəlkiləri (keçmiş kafir ümmətləri) məhv etmədikmi?! أَلَمْ نُهْلِكِ الْأَوَّلِينَ
17 Sonra axırda gələnləri (Məkkə müşriklərini) də onlara qatacağıq. ثُمَّ نُتْبِعُهُمُ الْآخِرِينَ
18 Biz günahkarlarla belə rəftar edirik. كَذَلِكَ نَفْعَلُ بِالْمُجْرِمِينَ
19 O gün vay halına (qiyaməti) yalan sayanların! وَيْلٌ يَوْمَئِذٍ لِّلْمُكَذِّبِينَ
20 Məgər sizi bir qətrə zəif (dəyərsiz) sudan (nütfədən) yaratmadıqmı?! أَلَمْ نَخْلُقكُّم مِّن مَّاء مَّهِينٍ
21 Biz onu möhkəm bir yerdə (ana bətnində) saxladıq, فَجَعَلْنَاهُ فِي قَرَارٍ مَّكِينٍ
22 Müəyyən bir vaxta qədər. إِلَى قَدَرٍ مَّعْلُومٍ
23 Biz (nütfədən insan yaratmağa) qadir olduq. Nə gözəl qadir olanlarıq Biz! فَقَدَرْنَا فَنِعْمَ الْقَادِرُونَ
24 O gün vay halına (qiyaməti) yalan sayanların! وَيْلٌ يَوْمَئِذٍ لِّلْمُكَذِّبِينَ
25 Məgər Biz yeri məskən etmədikmi أَلَمْ نَجْعَلِ الْأَرْضَ كِفَاتًا
26 Həm dirilərə, həm də ölülərə?! (Yerin altında ölülər yatar, üstündə dirilər gəzib-dolanar). أَحْيَاء وَأَمْوَاتًا
27 Biz orada möhkəm durmuş uca dağlar yaratdıq və sizə şirin su içirtdik. وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاء فُرَاتًا
28 O gün vay halına (bu ne’mətləri) yalan sayanların! وَيْلٌ يوْمَئِذٍ لِّلْمُكَذِّبِينَ
29 (O gün kafirlərə belə deyiləcəkdir:) “Girin (dünyada) yalan hesab etdiyiniz (cəhənnəm əzabının) içinə! انطَلِقُوا إِلَى مَا كُنتُم بِهِ تُكَذِّبُونَ
30 Girin (cəhənnəm tüstüsünün) üç qola ayrılmış kölgəsinə!” انطَلِقُوا إِلَى ظِلٍّ ذِي ثَلَاثِ شُعَبٍ
31 O (sizə) nə kölgəlik olar, nə də (sizi) alovdan qoruyar. لَا ظَلِيلٍ وَلَا يُغْنِي مِنَ اللَّهَبِ
32 O (hər biri) bir saray boyda qığılcımlar saçar. إِنَّهَا تَرْمِي بِشَرَرٍ كَالْقَصْرِ
33 O (qığılcımlar), sanki sarı dəvə sürükləridir. كَأَنَّهُ جِمَالَتٌ صُفْرٌ
34 O gün vay halına (qiyaməti) yalan sayanların! وَيْلٌ يَوْمَئِذٍ لِّلْمُكَذِّبِينَ
35 Bu elə bir gündür ki, (qiyaməti yalan sayanlar) danışa bilməzlər. هَذَا يَوْمُ لَا يَنطِقُونَ
36 Onlara üzr istəməyə izin də verilməz. وَلَا يُؤْذَنُ لَهُمْ فَيَعْتَذِرُونَ
37 O gün vay halına (qiyaməti) yalan sayanların! وَيْلٌ يَوْمَئِذٍ لِّلْمُكَذِّبِينَ
38 Bu sizi də, (sizdən) əvvəlkiləri də bir yerə topladığımız (haqla batili) ayırd etmə günüdür! هَذَا يَوْمُ الْفَصْلِ جَمَعْنَاكُمْ وَالْأَوَّلِينَ
39 (Dünyada etdiyiniz kimi, bu günün əzabından qurtarmaq üçün) bir hiyləniz varsa, Mənə qarşı qurun görək! فَإِن كَانَ لَكُمْ كَيْدٌ فَكِيدُونِ
40 O gün vay halına (qiyaməti) yalan sayanların! وَيْلٌ يَوْمَئِذٍ لِّلْمُكَذِّبِينَ
41 Həqiqətən, (o gün) müttəqilər kölgəliklərdə və çeşmələr başında, إِنَّ الْمُتَّقِينَ فِي ظِلَالٍ وَعُيُونٍ
42 İstədikləri meyvə içində olacaqlar! وَفَوَاكِهَ مِمَّا يَشْتَهُونَ
43 (Onlara belə deyiləcəkdir:) “(Dünyada) etdiyiniz (yaxşı) əməllərə görə nuşcanlıqla yeyin-için! كُلُوا وَاشْرَبُوا هَنِيئًا بِمَا كُنتُمْ تَعْمَلُونَ
44 Biz yaxşı əməl sahiblərini belə mükafatlandırırıq!” إِنَّا كَذَلِكَ نَجْزِي الْمُحْسِنينَ
45 O gün vay halına (qiyaməti) yalan sayanların! وَيْلٌ يَوْمَئِذٍ لِّلْمُكَذِّبِينَ
46 (Siz ey kafirlər!) Yeyin və (dünyada) bir az kef çəkin. Həqiqətən, siz günahkarlarsınız! (Axirətdə qismətiniz Cəhənnəmdir!) كُلُوا وَتَمَتَّعُوا قَلِيلًا إِنَّكُم مُّجْرِمُونَ
47 O gün vay halına (qiyaməti) yalan sayanların! وَيْلٌ يَوْمَئِذٍ لِّلْمُكَذِّبِينَ
48 Onlara: “Namaz qılın!” – deyildiyi zaman namaz qılmazlar! وَإِذَا قِيلَ لَهُمُ ارْكَعُوا لَا يَرْكَعُونَ
49 O gün vay halına (qiyaməti) yalan sayanların! وَيْلٌ يَوْمَئِذٍ لِّلْمُكَذِّبِينَ
50 (Bu kafirlər) ona da (Qur’ana da) inanmayandan sonra daha hansı kəlama inanacaqlar?! فَبِأَيِّ حَدِيثٍ بَعْدَهُ يُؤْمِنُونَ
Next Surah An-Nabaa
;