Al-Buruj

  1. Home
  2. Translation
  3. Urdu: Muhammad Hussain Najafi
Change Language
Change Surah
Change Recitation

Urdu: Muhammad Hussain Najafi

 Play All
# Translation Ayah
1 قَسم ہے بُرجوں (قلعوں) والے آسمان کی۔ وَالسَّمَاء ذَاتِ الْبُرُوجِ
2 اور وعدہ کئے گئے دن (قیامت) کی۔ وَالْيَوْمِ الْمَوْعُودِ
3 اور گواہ کی قَسم اور اس چیز کی جس کی گواہی دی جائے گی۔ وَشَاهِدٍ وَمَشْهُودٍ
4 غارت ہوئے خندق والے۔ قُتِلَ أَصْحَابُ الْأُخْدُودِ
5 جس میں بھڑکتے ہوئے ایندھن والی آگ تھی۔ النَّارِ ذَاتِ الْوَقُودِ
6 جب کہ وہ اس (خندق) کے کنارے پر بیٹھے ہوئے تھے۔ إِذْ هُمْ عَلَيْهَا قُعُودٌ
7 اور وہ جو کچھ اہلِ ایمان کے ساتھ کر رہے تھے اس کو دیکھ رہے تھے۔ وَهُمْ عَلَى مَا يَفْعَلُونَ بِالْمُؤْمِنِينَ شُهُودٌ
8 اورانہوں نے اہلِ ایمان کی کسی چیز کو ناپسند نہیں کیا (اور ان میں کوئی عیب نظر نہیں آیا) سوائے اس کے کہ وہ اللہ پر ایمان لائے جو غالب ہے (اور) سزاوارِ ستائش ہے۔ وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ الْحَمِيدِ
9 وہ جس کی آسمانوں اور زمین میں بادشاہی ہے اور ہر چیز پر گواہ ہے۔ الَّذِي لَهُ مُلْكُ السَّمَاوَاتِ وَالْأَرْضِ وَاللَّهُ عَلَى كُلِّ شَيْءٍ شَهِيدٌ
10 جن لوگوں نے مؤمن مردوں اور مؤمن عورتوں پر ظلم و ستم کیا اور پھر توبہ بھی نہ کی تو ان کیلئے جہنم کا عذاب ہے اور آگ سے جلنے کی سزا ہے۔ إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ
11 بےشک جو لوگ ایمان لائے اور نیک عمل کئے ان کیلئے (جنت کے) باغ ہیں جن کے نیچے نہریں جاری ہیں یہ بڑی کامیابی ہے۔ إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِن تَحْتِهَا الْأَنْهَارُ ذَلِكَ الْفَوْزُ الْكَبِيرُ
12 بےشک تمہارے پروردگار کی گرفت بڑی سخت ہے۔ إِنَّ بَطْشَ رَبِّكَ لَشَدِيدٌ
13 وہی پہلی بار پیدا کرنے والا ہے اور وہی دوبارہ پیدا کرے گا۔ إِنَّهُ هُوَ يُبْدِئُ وَيُعِيدُ
14 وہ بڑا بخشنے والا (اور) بڑا محبت کرنے والا ہے۔ وَهُوَ الْغَفُورُ الْوَدُودُ
15 وہ عرش کامالک (اور) بڑی شان والا ہے۔ ذُو الْعَرْشِ الْمَجِيدُ
16 وہ جو چاہتا ہے وہ کر گزرتا ہے۔ فَعَّالٌ لِّمَا يُرِيدُ
17 کیا تمہیں لشکروں کی خبر پہنچی ہے؟ هَلْ أَتَاكَ حَدِيثُ الْجُنُودِ
18 یعنی فرعون اور ثمود (کے لشکروں) کی۔ فِرْعَوْنَ وَثَمُودَ
19 بلکہ یہ کافر (و منکر) تو جھٹلانے میں لگے ہیں۔ بَلِ الَّذِينَ كَفَرُوا فِي تَكْذِيبٍ
20 حالانکہ اللہ ان کو آگے پیچھے سے گھیرے ہوئے ہے۔ وَاللَّهُ مِن وَرَائِهِم مُّحِيطٌ
21 بلکہ وہ بڑی شان والا قرآن ہے۔ بَلْ هُوَ قُرْآنٌ مَّجِيدٌ
22 جو لوحِ محفوظ میں ثبت ہے۔ فِي لَوْحٍ مَّحْفُوظٍ
Next Surah At-Tariq
;