Al-Inshiqaq

  1. Home
  2. Translation
  3. Urdu: Muhammad Hussain Najafi
Change Language
Change Surah
Change Recitation

Urdu: Muhammad Hussain Najafi

 Play All
# Translation Ayah
1 اور جب آسمان پھٹ جائے گا۔ إِذَا السَّمَاء انشَقَّتْ
2 اور وہ اپنے پروردگار کا حکم سن لے گا (اور اس کی تعمیل کرے گا) اور اس پر لازم بھی یہی ہے۔ وَأَذِنَتْ لِرَبِّهَا وَحُقَّتْ
3 اور جب زمین پھیلا دی جائے گی۔ وَإِذَا الْأَرْضُ مُدَّتْ
4 اور جو کچھ اس کے اندر ہے وہ اسے باہر پھینک دے گی اور خالی ہو جائے گی۔ وَأَلْقَتْ مَا فِيهَا وَتَخَلَّتْ
5 اور اپنے پروردگار کا حکم سنے گی اور (اس کی تعمیل کرے گی) اور اس پر لازم بھی یہی ہے۔ وَأَذِنَتْ لِرَبِّهَا وَحُقَّتْ
6 اے انسان! تو کشاں کشاں اپنے پروردگار کی طرف (کھنچا چلا) جا رہا ہے اور اس کی بارگاہ میں حاضر ہو نے والا ہے۔ يَا أَيُّهَا الْإِنسَانُ إِنَّكَ كَادِحٌ إِلَى رَبِّكَ كَدْحًا فَمُلَاقِيهِ
7 پس جس کا نامۂ اعمال اس کے دائیں ہاتھ میں دیا جائے گا۔ فَأَمَّا مَنْ أُوتِيَ كِتَابَهُ بِيَمِينِهِ
8 تو اس سے آسان حساب لیا جائے گا۔ فَسَوْفَ يُحَاسَبُ حِسَابًا يَسِيرًا
9 اور وہ اپنے لوگوں کی طرف خوش و خرم لوٹے گا۔ وَيَنقَلِبُ إِلَى أَهْلِهِ مَسْرُورًا
10 اور جس کا نامۂ اعمال اس کے پس پشت دیا جائے گا۔ وَأَمَّا مَنْ أُوتِيَ كِتَابَهُ وَرَاء ظَهْرِهِ
11 تو وہ موت (اور تباہی) کو پکارے گا۔ فَسَوْفَ يَدْعُو ثُبُورًا
12 اور (دوزخ کی) بھڑکتی ہوئی آگ میں داخل ہوگا۔ وَيَصْلَى سَعِيرًا
13 یہ شخص (دنیا میں) اپنے لوگوں میں خوش خوش رہتا تھا۔ إِنَّهُ كَانَ فِي أَهْلِهِ مَسْرُورًا
14 اس کا خیال تھا کہ وہ کبھی (اپنے خدا کے پاس) لوٹ کر نہیں جائے گا۔ إِنَّهُ ظَنَّ أَن لَّن يَحُورَ
15 کیوں نہیں! بےشک اس کا پروردگار اسے خوب دیکھ رہا تھا۔ بَلَى إِنَّ رَبَّهُ كَانَ بِهِ بَصِيرًا
16 پس نہیں! میں قَسم کھاتا ہوں شفق کی۔ فَلَا أُقْسِمُ بِالشَّفَقِ
17 اور رات کی اور ان چیزوں کی (قَسم کھاتا ہوں) جن کو وہ (رات) سمیٹ لیتی ہے۔ وَاللَّيْلِ وَمَا وَسَقَ
18 اور چاند کی (قَسم کھاتا ہوں) جب وہ پورا ہو جائے۔ وَالْقَمَرِ إِذَا اتَّسَقَ
19 تمہیں یونہی (تدریجاً) زینہ بہ زینہ چڑھنا ہے (اور ایک ایک منزل طے کرنی ہے)۔ لَتَرْكَبُنَّ طَبَقًا عَن طَبَقٍ
20 تو انہیں کیا ہوگیا ہے کہ ایمان نہیں لاتے؟ فَمَا لَهُمْ لَا يُؤْمِنُونَ
21 اور جب ان کے سامنے قرآن پڑھا جاتا ہے تویہ سجدہ نہیں کرتے؟ وَإِذَا قُرِئَ عَلَيْهِمُ الْقُرْآنُ لَا يَسْجُدُونَ
22 بلکہ کافر لوگ تو الٹا (اسے) جھٹلاتے ہیں۔ بَلِ الَّذِينَ كَفَرُواْ يُكَذِّبُونَ
23 اور اللہ بہتر جانتا ہے جو کچھ وہ (اپنے دلوں میں) جمع کر رہے ہیں۔ وَاللَّهُ أَعْلَمُ بِمَا يُوعُونَ
24 آپ(ص) انہیں دردناک عذاب کی خبر دے دیجئے۔ فَبَشِّرْهُم بِعَذَابٍ أَلِيمٍ
25 ہاں البتہ جو لوگ ایمان لائے اور نیک اعمال کئے ان کیلئے کبھی ختم نہ ہو نے والا اجر و ثواب ہے۔ إِلَّا الَّذِينَ آمَنُواْ وَعَمِلُواْ الصَّالِحَاتِ لَهُمْ أَجْرٌ غَيْرُ مَمْنُونٍ
Next Surah Al-Buruj
;