An-Nazi'at

  1. Home
  2. Translation
  3. Urdu: Muhammad Hussain Najafi
Change Language
Change Surah
Change Recitation

Urdu: Muhammad Hussain Najafi

 Play All
# Translation Ayah
1 قَسم ہے ان (فرشتوں) کی جو (جسم میں ڈوب کر) سختی سے (جان) کھینچتے ہیں۔ وَالنَّازِعَاتِ غَرْقًا
2 اور قَسم ہے آہستگی اور آسانی سے (جان) نکالنے والوں کی۔ وَالنَّاشِطَاتِ نَشْطًا
3 اور قَسم ہے (فضاؤں کے اندر) تیر نے پھرنے والوں کی۔ وَالسَّابِحَاتِ سَبْحًا
4 پھر قَسم ہے (تعمیلِ حکم میں) ایک دوسرے پر سبقت لے جانے والوں کی۔ فَالسَّابِقَاتِ سَبْقًا
5 پھر قَسم ہے ہر امر کا بندوبست کرنے والوں کی (کہ قیامت برحق ہے)۔ فَالْمُدَبِّرَاتِ أَمْرًا
6 جس دن تھرتھرانے والی (زمین وغیرہ) تھرتھرائے گی۔ يَوْمَ تَرْجُفُ الرَّاجِفَةُ
7 اس کے پیچھے ایک اور آنے والی (مصیبت) آئے گی۔ تَتْبَعُهَا الرَّادِفَةُ
8 کچھ دل اس دن کانپ رہے ہوں گے۔ قُلُوبٌ يَوْمَئِذٍ وَاجِفَةٌ
9 ان کی آنکھیں (شدتِ خوف سے) جھکی ہوئی ہوں گی۔ أَبْصَارُهَا خَاشِعَةٌ
10 وہ (کافر لوگ) کہتے ہیں کیا ہم پہلی حالت میں (الٹے پاؤں) واپس لائے جائیں گے؟ يَقُولُونَ أَئِنَّا لَمَرْدُودُونَ فِي الْحَافِرَةِ
11 کیا جب ہم بوسیدہ ہڈیاں ہو جائیں گے؟ أَئِذَا كُنَّا عِظَامًا نَّخِرَةً
12 کہتے ہیں یہ (واپسی) تو بڑے گھاٹے کی ہوگی۔ قَالُوا تِلْكَ إِذًا كَرَّةٌ خَاسِرَةٌ
13 حالانکہ اس (واپسی) کیلئے ایک زور کی ڈانٹ پڑے گی۔ فَإِنَّمَا هِيَ زَجْرَةٌ وَاحِدَةٌ
14 پھر وہ کھلے ہوئے میدان (قیامت) میں موجود ہوں گے۔ فَإِذَا هُم بِالسَّاهِرَةِ
15 (اے رسول(ص)) کیا آپ(ص) کو موسیٰ(ع) کے قصہ کی خبر پہنچی ہے؟ هَلْ أتَاكَ حَدِيثُ مُوسَى
16 جب ان کے پروردگار نے طویٰ کی مقدس وادی میں انہیں پکارا تھا۔ إِذْ نَادَاهُ رَبُّهُ بِالْوَادِ الْمُقَدَّسِ طُوًى
17 کہ جاؤ فرعون کے پاس کہ وہ سرکش ہوگیا ہے۔ اذْهَبْ إِلَى فِرْعَوْنَ إِنَّهُ طَغَى
18 پس اس سے کہو کہ کیا تو چاہتا ہے کہ پاکیزگی اختیار کرے؟ فَقُلْ هَل لَّكَ إِلَى أَن تَزَكَّى
19 اور (کیا تو چاہتا ہے کہ) میں تیرے پروردگار کی طرف تیری راہنمائی کروں تو تُو (اس سے) ڈرے؟ وَأَهْدِيَكَ إِلَى رَبِّكَ فَتَخْشَى
20 پس موسیٰ(ع) نے (وہاں جا کر) اسے ایک بہت بڑی نشانی دکھائی۔ فَأَرَاهُ الْآيَةَ الْكُبْرَى
21 تو اس نے جھٹلایا اور نافرمانی کی۔ فَكَذَّبَ وَعَصَى
22 پھر وہ پلٹا (اور مخالفانہ سرگرمیوں میں) کوشاں ہو گیا۔ ثُمَّ أَدْبَرَ يَسْعَى
23 یعنی (لوگوں کو) جمع کیا اور پکار کر کہا۔ فَحَشَرَ فَنَادَى
24 کہ میں تمہارا سب سے بڑا پرورگار ہوں۔ فَقَالَ أَنَا رَبُّكُمُ الْأَعْلَى
25 پس اللہ نے اسے آخرت اور دنیا کے (دوہرے) عذاب میں پکڑا۔ فَأَخَذَهُ اللَّهُ نَكَالَ الْآخِرَةِ وَالْأُولَى
26 بےشک اس (قصہ) میں بڑی عبرت ہے ہر اس شخص کیلئے جو (خدا سے) ڈرے۔ إِنَّ فِي ذَلِكَ لَعِبْرَةً لِّمَن يَخْشَى
27 کیا تم لوگوں کا (دوبارہ) پیدا کرنا زیادہ مشکل ہے؟ یا آسمان کا؟ اللہ نے اس کو بنایا۔ أَأَنتُمْ أَشَدُّ خَلْقًا أَمِ السَّمَاء بَنَاهَا
28 اور اس کی چھت کو بلند کیا پھر اس کو درست کیا۔ رَفَعَ سَمْكَهَا فَسَوَّاهَا
29 اور اس کی رات کو تاریک بنایا اور اس کے دن کو ظاہر کیا۔ وَأَغْطَشَ لَيْلَهَا وَأَخْرَجَ ضُحَاهَا
30 اس کے بعد زمین کو بچھایا۔ وَالْأَرْضَ بَعْدَ ذَلِكَ دَحَاهَا
31 اور اس سے اس کا پانی اور چارہ نکالا۔ أَخْرَجَ مِنْهَا مَاءهَا وَمَرْعَاهَا
32 اور پہاڑوں کو اس میں گاڑا۔ وَالْجِبَالَ أَرْسَاهَا
33 تمہارے اور تمہارے مو یشیوں کے لئے سامانِ زندگی کے طور پر۔ مَتَاعًا لَّكُمْ وَلِأَنْعَامِكُمْ
34 پس جب بڑی آفت (قیامت) آئے گی۔ فَإِذَا جَاءتِ الطَّامَّةُ الْكُبْرَى
35 جس دن انسان یاد کرے گا جو کچھ اس نے کیا ہوگا۔ يَوْمَ يَتَذَكَّرُ الْإِنسَانُ مَا سَعَى
36 اور (ہر) دیکھنے والے کیلئے دوزخ ظاہر کر دی جائے گی۔ وَبُرِّزَتِ الْجَحِيمُ لِمَن يَرَى
37 پس جس شخص نے سرکشی کی ہوگی۔ فَأَمَّا مَن طَغَى
38 اور (آخرت پر) دنیٰوی زندگی کو ترجیح دی ہوگی۔ وَآثَرَ الْحَيَاةَ الدُّنْيَا
39 تو اس کا ٹھکانہ دوزخ ہوگا۔ فَإِنَّ الْجَحِيمَ هِيَ الْمَأْوَى
40 اور جو شخص اپنے پروردگار کی بارگاہ میں حاضری سے ڈرتا رہا ہوگا اور (اپنے) نفس کو (اس کی) خواہش سے روکا ہوگا۔ وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى
41 تو اس کا ٹھکانہ جنت ہے۔ فَإِنَّ الْجَنَّةَ هِيَ الْمَأْوَى
42 یہ لوگ آپ(ص) سے سوال کرتے ہیں کہ قیامت کب کھڑی (برپا) ہوگی۔ يَسْأَلُونَكَ عَنِ السَّاعَةِ أَيَّانَ مُرْسَاهَا
43 آپ(ص) کا اس کے وقت بتانے سے کیا تعلق؟ فِيمَ أَنتَ مِن ذِكْرَاهَا
44 اس کی انتہا تو بس آپ(ص) کے پروردگار پر ہے۔ إِلَى رَبِّكَ مُنتَهَاهَا
45 آپ(ص) تو بس ڈرانے والے ہیں اس شخص کو جو اس سے ڈرے۔ إِنَّمَا أَنتَ مُنذِرُ مَن يَخْشَاهَا
46 جس دن یہ لوگ اس (قیامت) کو دیکھیں گے تو (انہیں ایسا محسوس ہوگا کہ) وہ (دنیا میں) نہیں ٹھہرے تھے۔ مگر ایک شام یا اس کی ایک صبح۔ كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا
Next Surah Abasa
;