An-Nabaa

  1. Home
  2. Translation
  3. Tatar: Yakub Ibn Nugman
Change Language
Change Surah
Change Recitation

Tatar: Yakub Ibn Nugman

 Play All
# Translation Ayah
1 Мәккә мөшрикләре нәрсәдән сорашалар? Мухәммәд г-м кыямәт хакында сөйләгәч: "Мухәммәд нәрсә сөйли", – дип бер-берсеннән сораштылар". عَمَّ يَتَسَاءلُونَ
2 Алар олугъ кыямәт хәбәреннән һәм ахирәтнең барча хәленнән" хәбәр бирүче Коръәннән сорашалар. عَنِ النَّبَإِ الْعَظِيمِ
3 Кыямәт һәм Коръән хакында дөньядагы кешеләр төрле фикердәләр. الَّذِي هُمْ فِيهِ مُخْتَلِفُونَ
4 Юк әле тыныч кына тормасыннар, кыямәткә һәм Коръәнгә ышанмауларының ахыры кайда барганын тиздән белерләр. كَلَّا سَيَعْلَمُونَ
5 Моның соңында тиздән белерләр ышанмаулары, кабахәт эш икәнлеген! ثُمَّ كَلَّا سَيَعْلَمُونَ
6 Әйә җирне аларга торырга яраклы кылмадыммы. أَلَمْ نَجْعَلِ الْأَرْضَ مِهَادًا
7 Дәхи селкенмәсен өчен тауларны җиргә кадак кылмадыммы. وَالْجِبَالَ أَوْتَادًا
8 Дәхи сезне ирле-хатынлы итеп халык кылдык. وَخَلَقْنَاكُمْ أَزْوَاجًا
9 Дәхи йокыны тәннәрегезгә истирахәт кылдык. وَجَعَلْنَا نَوْمَكُمْ سُبَاتًا
10 Дәхи төнне сезгә пәрдә кылдык. وَجَعَلْنَا اللَّيْلَ لِبَاسًا
11 Дәхи көндезне тереклегегез өчен кәсеп кылырга якты кылдык. وَجَعَلْنَا النَّهَارَ مَعَاشًا
12 Дәхи өстегездә җиде кат мәхкәм күкләрне бина кылдык. وَبَنَيْنَا فَوْقَكُمْ سَبْعًا شِدَادًا
13 Дәхи бик яктыртучы һәм җылы бирүче кояшны халык кылдык. وَجَعَلْنَا سِرَاجًا وَهَّاجًا
14 Дәхи болытлардан бере артыннан бере коелучы яңгыр суын иңдердек. وَأَنزَلْنَا مِنَ الْمُعْصِرَاتِ مَاء ثَجَّاجًا
15 Ул су белән төрле икмәк орлыкларын вә төрле үләннәрне. لِنُخْرِجَ بِهِ حَبًّا وَنَبَاتًا
16 Вә агачларны, бер-берсенә уралып үскән җимеш бакчаларын үстермәклегебез өчен. وَجَنَّاتٍ أَلْفَافًا
17 Тәхкыйк хакны батылдан аера торган көн сәваб вә ґәзаб вәгъдә ителгән көндер. إِنَّ يَوْمَ الْفَصْلِ كَانَ مِيقَاتًا
18 Бер көнне сурда өрелер дә, хисаб өчен төркем-төркем булып килерсез. يَوْمَ يُنفَخُ فِي الصُّورِ فَتَأْتُونَ أَفْوَاجًا
19 Күк ачылыр да, анда ишекләре булыр. وَفُتِحَتِ السَّمَاء فَكَانَتْ أَبْوَابًا
20 Дәхи таулар йөртелерләр, тузган тузан кеби булырлар. وَسُيِّرَتِ الْجِبَالُ فَكَانَتْ سَرَابًا
21 Тәхкыйк җәһәннәм үтә торган юл булды (Җәннәткә керәсе кешеләр дә җәһәннәмне күреп үтерләр). إِنَّ جَهَنَّمَ كَانَتْ مِرْصَادًا
22 Ул җәһәннәм хактан качып азганнарга тора торган урын булды. لِلْطَّاغِينَ مَآبًا
23 Алар җәһәннәмдә күп заманалар торырлар. لَابِثِينَ فِيهَا أَحْقَابًا
24 Алар анда салкын рәхәтлекне һәм яхшы эчемлекне татымаслар. لَّا يَذُوقُونَ فِيهَا بَرْدًا وَلَا شَرَابًا
25 Мәгәр кайнар яман суны һәм җәһәннәм кешеләренең тәннәреннән аккан сары суны эчәрләр. إِلَّا حَمِيمًا وَغَسَّاقًا
26 Бу җәза аларга гөнаһларына күрә тиешле җәза итеп бирелде. جَزَاء وِفَاقًا
27 Тәхкыйк алар кыямәттә булачак хисабны көтми һәм ышанмый иделәр. إِنَّهُمْ كَانُوا لَا يَرْجُونَ حِسَابًا
28 Дәхи Безнең аятьләребезне ныклап ялганга тоталар иде. وَكَذَّبُوا بِآيَاتِنَا كِذَّابًا
29 Вә һәрнәрсәне санадык өммүл китапта язып. وَكُلَّ شَيْءٍ أَحْصَيْنَاهُ كِتَابًا
30 Татыгыз ґәзабны ґәзабка мөстәхыйк кешеләр, сезгә, әлбәттә, ґәзабтан башканы арттырмабыз. فَذُوقُوا فَلَن نَّزِيدَكُمْ إِلَّا عَذَابًا
31 Котылу һәм өстенлек, әлбәттә, Аллаһудан куркып гөнаһлардан сакланучы тәкъва мөэминнәргәдер. إِنَّ لِلْمُتَّقِينَ مَفَازًا
32 Дәхи аларга җимеш бакчалары һәм йөземнәр. حَدَائِقَ وَأَعْنَابًا
33 Дәхи аларга яшьтәш булган яшь кызлар. وَكَوَاعِبَ أَتْرَابًا
34 Дәхи эчемлекләр тутырылган савытлар. وَكَأْسًا دِهَاقًا
35 Алар анда буш сүзне һәм ялган сүзне ишетмәсләр. لَّا يَسْمَعُونَ فِيهَا لَغْوًا وَلَا كِذَّابًا
36 Раббыңнан изге гамәлләре өчен җәзадыр, мәңгелеккә җитәргә хисаплап бирелгән бүләктер. جَزَاء مِّن رَّبِّكَ عَطَاء حِسَابًا
37 Ул Раббың җир вә күкләрнең, дәхи җир илә күкләр арасында булган нәрсәләрнең Раббысыдыр, рәхмәтенә һәрнәрсәне сыйдыргандыр. Хисаб көнендә кешеләр бер-берсенә дәшергә, бер кирәк сүзне әйтергә кадир булмаслар. رَبِّ السَّمَاوَاتِ وَالْأَرْضِ وَمَا بَيْنَهُمَا الرحْمَنِ لَا يَمْلِكُونَ مِنْهُ خِطَابًا
38 Хисаб көнендә Җәбраил г-м һәм башка фәрештәләр сафта тезелеп торырлар, сөйләшмәсләр, мәгәр Аллаһ изен биргән яки дөньяда чакта Аллаһ риза булырдай яхшы сүзләрне сөйләгән кеше генә сөйләр. يَوْمَ يَقُومُ الرُّوحُ وَالْمَلَائِكَةُ صَفًّا لَّا يَتَكَلَّمُونَ إِلَّا مَنْ أَذِنَ لَهُ الرحْمَنُ وَقَالَ صَوَابًا
39 Бу көннең булачагы, әлбәттә хак, теләгән кеше үзенә тәүбә истигъфар һәм итагать белән Аллаһуга кайта торган юлны алыр. ذَلِكَ الْيَوْمُ الْحَقُّ فَمَن شَاء اتَّخَذَ إِلَى رَبِّهِ مَآبًا
40 Тәхкыйк сезне куркыттык якын һәм хак булган кыямәт ґәзабы белән, ул көндә һәркем үзеннән алда җибәргән гамәл дәфтәренә карар, Коръәнне инкяр итүче яки аның илә гамәл кылмаучы кәфер әйтер: "Әгәр мин туфрак булсамчы", – дип. (Хисаб, хөкем соңында Аллаһ хайваннарны туфрак итәр. Кәферләр дә үзләренең туфрак булуларын теләрләр, ләкин туфрак" була алмаслар.) إِنَّا أَنذَرْنَاكُمْ عَذَابًا قَرِيبًا يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَابًا
Next Surah An-Nazi'at
;