An-Nazi'at

  1. Home
  2. Translation
  3. Tatar: Yakub Ibn Nugman
Change Language
Change Surah
Change Recitation

Tatar: Yakub Ibn Nugman

 Play All
# Translation Ayah
1 Кәферләрнең җаннарын катылык илә суырып алучы фәрештәләр илә, وَالنَّازِعَاتِ غَرْقًا
2 дәхи мөэминнәрнең җаннарын җиңеллек белән суырып алучы фәрештәләр илә ант итәмен. وَالنَّاشِطَاتِ نَشْطًا
3 Дәхи җир белән кук арасында тизлек белән йөрүче фәрештәләр илә, وَالسَّابِحَاتِ سَبْحًا
4 кәферләрнең җаннарын җәһәннәмгә вә мөэминнәрнең җаннарын җәннәткә алып узышучы фәрештәләр илә, فَالسَّابِقَاتِ سَبْقًا
5 Эшләрне тәдбир кылып йөрүче фәрештәләр илә ант итәмен. فَالْمُدَبِّرَاتِ أَمْرًا
6 Беренче сурда җир каты хәрәкәтләнер дә, җир өстендә тереклек бетәр. يَوْمَ تَرْجُفُ الرَّاجِفَةُ
7 Вә беренче сурга ияртелеп икенче сур булыр да, кешеләр кабердән терелеп чыгарлар. تَتْبَعُهَا الرَّادِفَةُ
8 Ул көндә куркудан күңелләр урыннарыннан купкан булырлар. قُلُوبٌ يَوْمَئِذٍ وَاجِفَةٌ
9 Ул күңелләрнең, күзләре түбән төшкән булыр. أَبْصَارُهَا خَاشِعَةٌ
10 Дөньяда Коръәнгә ышанмаучылар әйтәләр: "Әйә без үлгәннән соң, терелеп яңадан әүвәлге хәлебезгә кайтабызмы? يَقُولُونَ أَئِنَّا لَمَرْدُودُونَ فِي الْحَافِرَةِ
11 Әйә без черегән сөяк булганнан соң да терелеп кайтырбызмы? أَئِذَا كُنَّا عِظَامًا نَّخِرَةً
12 Терелүгә ышанмыйча мәсхәрәләп әйттеләр: "Әгәр яңадан терелү булса, бу бик хәсрәтле кайтарылу икән, аның өчен кайгырырга кирәк", – дип. قَالُوا تِلْكَ إِذًا كَرَّةٌ خَاسِرَةٌ
13 Аларның терелеп кубарылулары фәкать бер тавыш белән булыр. فَإِنَّمَا هِيَ زَجْرَةٌ وَاحِدَةٌ
14 Шул вакытта ук алар җир өстендә булырлар. فَإِذَا هُم بِالسَّاهِرَةِ
15 Ий Мухәммәд г-м сиңа Муса хәбәре килде бит? هَلْ أتَاكَ حَدِيثُ مُوسَى
16 Мусаның Раббысы аңа нида кылды, Тур тавының итәгендәге мүбарәк Тува дигән урында. إِذْ نَادَاهُ رَبُّهُ بِالْوَادِ الْمُقَدَّسِ طُوًى
17 Иманга өндәмәк өчен Фиргаунгә баргыл, тәхкыйк ул азды, бозыклыкны күп кылды. اذْهَبْ إِلَى فِرْعَوْنَ إِنَّهُ طَغَى
18 Әйт аңа: "Әйә кирәксенәсеңме кабих булган көфердән пакьләнүне. فَقُلْ هَل لَّكَ إِلَى أَن تَزَكَّى
19 Дәхи сиңа Раббыңны танытуымны телисеңме, әгәр Раббыңны танысаң, Аңардан куркырсың да изге гамәлләр кылырсың", – дип. وَأَهْدِيَكَ إِلَى رَبِّكَ فَتَخْشَى
20 Муса Фиргаунгә олугъ могҗиза күрсәтте. (Ягъни таягы аҗдаһа булды һәм кулын култыгыннан чыгарган иде кояш кеби якты булып күренде). فَأَرَاهُ الْآيَةَ الْكُبْرَى
21 Фиргаун Мусаның пәйгамбәрлеген һәм күрсәткән могҗизасын ялганга санады һәм Мусага каршы дошманлык кылды. فَكَذَّبَ وَعَصَى
22 Соңра Мусадан йөз чөереп, борылып китте дә теләгән кадәр бозык эшләрне кыла торган булды. ثُمَّ أَدْبَرَ يَسْعَى
23 Һәм үзенең кавемен вә ґәскәрсн җыйды вә кычкырып нида кылды. فَحَشَرَ فَنَادَى
24 Әйтте: "Мин сезнең олугъ Раббыгызмын, миннән башка сезнең һич Илаһәгез юктыр", – дип. فَقَالَ أَنَا رَبُّكُمُ الْأَعْلَى
25 Аллаһ, ул Фиргаунне тотты дөньяда суга батырып, ахирәттә җәһәннәмгә салу беләк. فَأَخَذَهُ اللَّهُ نَكَالَ الْآخِرَةِ وَالْأُولَى
26 Тәхкыйк бу вакыйгада гыйбрәт бардыр Аллаһудан курыккан кешегә. إِنَّ فِي ذَلِكَ لَعِبْرَةً لِّمَن يَخْشَى
27 Халык кылуда сезнең яратылуыгыз читенрәкме, әллә күкне ярату читенрәкме? Ул күкне Аллаһ бина кылды. أَأَنتُمْ أَشَدُّ خَلْقًا أَمِ السَّمَاء بَنَاهَا
28 Ул күкнең бөеклеген бик югары кылды, ул күкне һич кимчелексез төзеп тәмам итте. رَفَعَ سَمْكَهَا فَسَوَّاهَا
29 Ул күкнең кичен караңгы кылды вә аның көндезен якты кылды. وَأَغْطَشَ لَيْلَهَا وَأَخْرَجَ ضُحَاهَا
30 Моның соңында Аллаһ, торырга яраклы итеп җирне түшәде. وَالْأَرْضَ بَعْدَ ذَلِكَ دَحَاهَا
31 Җирнең суын һәм хайваннар утлый торган үләннәрне чыгарды. أَخْرَجَ مِنْهَا مَاءهَا وَمَرْعَاهَا
32 Дәхи тауларны мәхкәм сабит кылды. وَالْجِبَالَ أَرْسَاهَا
33 Сезгә вә сезнең хайваннарыгызга файда өчен. مَتَاعًا لَّكُمْ وَلِأَنْعَامِكُمْ
34 Әгәр олугъ җыелыш көне кыямәт килсә, فَإِذَا جَاءتِ الطَّامَّةُ الْكُبْرَى
35 ул көндә кеше дөньяда кылган яман эшләрен искәрер күз алдына китерер. يَوْمَ يَتَذَكَّرُ الْإِنسَانُ مَا سَعَى
36 Вә күзе күргән кешеләргә җәһәннәм күрсәтелер. وَبُرِّزَتِ الْجَحِيمُ لِمَن يَرَى
37 Әмма берәү шәригать чигеннән чыгып бозыклык кылса, فَأَمَّا مَن طَغَى
38 дәхи дөньяга бирелеп ахирәт гамәленә кимчелек китерсә, وَآثَرَ الْحَيَاةَ الدُّنْيَا
39 Шиксез, ул кешегә урын җәһәннәмдер. فَإِنَّ الْجَحِيمَ هِيَ الْمَأْوَى
40 Вә әмма берәү Аллаһ алдына басып Аңа җавап бирүдән курыкса, вә үзен нәфесе теләгән гөнаһлы эшләрдән тыйса, وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى
41 әлбәттә җәннәт аңа урындыр. فَإِنَّ الْجَنَّةَ هِيَ الْمَأْوَى
42 Кәферләр синнән кыямәт кайчан була, дип сорыйлар. يَسْأَلُونَكَ عَنِ السَّاعَةِ أَيَّانَ مُرْسَاهَا
43 Кыямәтнең кайчан булачагын әйтүдә сиңа нинди файда? Әйтсәң дә фәкать көферлекләрен арттырачаклар. فِيمَ أَنتَ مِن ذِكْرَاهَا
44 Кыямәт вакытының ахыр чиге Аллаһуга хастыр. إِلَى رَبِّكَ مُنتَهَاهَا
45 Ий Мухәммәд г-м, син фәкать ул кыямәттән курыккан кешене куркытучысың. إِنَّمَا أَنتَ مُنذِرُ مَن يَخْشَاهَا
46 Алар кыямәтне күргәндә гүя дөньяда бер дә тормаган кеби булырлар, мәгәр төшкә хәтле ярты көн яки төштән соң ярты көн торган кеби булырлар. كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا
Next Surah Abasa
;