At-Tur

  1. Home
  2. Translation
  3. Swahili: Ali Muhsin Al-Barwani
Change Language
Change Surah
Change Recitation

Swahili: Ali Muhsin Al-Barwani

 Play All
# Translation Ayah
1 Naapa kwa mlima wa T'ur, وَالطُّورِ
2 Na Kitabu kilicho andikwa وَكِتَابٍ مَّسْطُورٍ
3 Katika ngozi iliyo kunjuliwa, فِي رَقٍّ مَّنشُورٍ
4 Na kwa Nyumba iliyo jengwa, وَالْبَيْتِ الْمَعْمُورِ
5 Na kwa dari iliyo nyanyuliwa, وَالسَّقْفِ الْمَرْفُوعِ
6 Na kwa bahari iliyo jazwa, وَالْبَحْرِ الْمَسْجُورِ
7 Hakika adhabu ya Mola wako Mlezi hapana shaka itatokea. إِنَّ عَذَابَ رَبِّكَ لَوَاقِعٌ
8 Hapana wa kuizuia. مَا لَهُ مِن دَافِعٍ
9 Siku zitakapo tikisika mbingu kwa mtikiso, يَوْمَ تَمُورُ السَّمَاء مَوْرًا
10 Na milima iwe inakwenda kwa mwendo mkubwa. وَتَسِيرُ الْجِبَالُ سَيْرًا
11 Basi ole wao siku hiyo hao wanao kadhibisha, فَوَيْلٌ يَوْمَئِذٍ لِلْمُكَذِّبِينَ
12 Ambao wanacheza katika mambo ya upuuzi. الَّذِينَ هُمْ فِي خَوْضٍ يَلْعَبُونَ
13 Siku watapo sukumwa kwenye Moto kwa msukumo wa nguvu, يَوْمَ يُدَعُّونَ إِلَى نَارِ جَهَنَّمَ دَعًّا
14 (Waambiwe): Huu ndio ule Moto mlio kuwa mkiukanusha! هَذِهِ النَّارُ الَّتِي كُنتُم بِهَا تُكَذِّبُونَ
15 Je! Huu ni uchawi, au hamwoni tu? أَفَسِحْرٌ هَذَا أَمْ أَنتُمْ لَا تُبْصِرُونَ
16 Uingieni, mkistahamili au msistahamili - ni mamoja kwenu. Hakika mnalipwa kwa mliyo kuwa mkiyatenda. اصْلَوْهَا فَاصْبِرُوا أَوْ لَا تَصْبِرُوا سَوَاء عَلَيْكُمْ إِنَّمَا تُجْزَوْنَ مَا كُنتُمْ تَعْمَلُونَ
17 Hakika wachamngu watakuwa katika Mabustani na neema, إِنَّ الْمُتَّقِينَ فِي جَنَّاتٍ وَنَعِيمٍ
18 Wakifurahi kwa yale aliyo wapa Mola wao Mlezi. Na Mola wao Mlezi atawalinda na adhabu ya Motoni. فَاكِهِينَ بِمَا آتَاهُمْ رَبُّهُمْ وَوَقَاهُمْ رَبُّهُمْ عَذَابَ الْجَحِيمِ
19 Kuleni na kunyweni kwa raha kabisa kwa sababu ya mliyo kuwa mkiyatenda. كُلُوا وَاشْرَبُوا هَنِيئًا بِمَا كُنتُمْ تَعْمَلُونَ
20 Watakuwa wameegemea juu ya viti vya enzi vilivyo pangwa kwa safu. Na tutawaoza mahuru-l-aini. مُتَّكِئِينَ عَلَى سُرُرٍ مَّصْفُوفَةٍ وَزَوَّجْنَاهُم بِحُورٍ عِينٍ
21 Na walio amini na dhuriya zao wakawafuata kwa Imani tutawakutanisha nao dhuriya zao, na wala hatutawapunja hata kidogo katika vitendo vyao. Kila mtu lazima atapata alicho kichuma. وَالَّذِينَ آمَنُوا وَاتَّبَعَتْهُمْ ذُرِّيَّتُهُم بِإِيمَانٍ أَلْحَقْنَا بِهِمْ ذُرِّيَّتَهُمْ وَمَا أَلَتْنَاهُم مِّنْ عَمَلِهِم مِّن شَيْءٍ كُلُّ امْرِئٍ بِمَا كَسَبَ رَهِينٌ
22 Na tutawapa matunda, na nyama kama watavyo penda. وَأَمْدَدْنَاهُم بِفَاكِهَةٍ وَلَحْمٍ مِّمَّا يَشْتَهُونَ
23 Watapeana humo bilauri zisio na vinywaji vya kuleta maneno ya upuuzi wala dhambi. يَتَنَازَعُونَ فِيهَا كَأْسًا لَّا لَغْوٌ فِيهَا وَلَا تَأْثِيمٌ
24 Iwe wanawapitia watumishi wao kama kwamba ni lulu zilizomo katika chaza. وَيَطُوفُ عَلَيْهِمْ غِلْمَانٌ لَّهُمْ كَأَنَّهُمْ لُؤْلُؤٌ مَّكْنُونٌ
25 Wataelekeana wakiulizana. وَأَقْبَلَ بَعْضُهُمْ عَلَى بَعْضٍ يَتَسَاءلُونَ
26 Waseme: Tulikuwa zamani pamoja na ahali zetu tukiogopa; قَالُوا إِنَّا كُنَّا قَبْلُ فِي أَهْلِنَا مُشْفِقِينَ
27 Basi Mwenyezi Mungu akatufanyia hisani na akatulinda na adhabu ya upepo wa Moto. فَمَنَّ اللَّهُ عَلَيْنَا وَوَقَانَا عَذَابَ السَّمُومِ
28 Hakika sisi zamani tulikuwa tukimwomba Yeye tu. Hakika Yeye ndiye Mwema Mwenye kurehemu. إِنَّا كُنَّا مِن قَبْلُ نَدْعُوهُ إِنَّهُ هُوَ الْبَرُّ الرَّحِيمُ
29 Basi kumbusha! Kwani wewe, kwa neema ya Mola wako Mlezi, si kuhani wala mwendawazimu. فَذَكِّرْ فَمَا أَنتَ بِنِعْمَتِ رَبِّكَ بِكَاهِنٍ وَلَا مَجْنُونٍ
30 Au wanasema: Huyu ni mtunga mashairi, tunamtarajia kupatilizwa na dahari. أَمْ يَقُولُونَ شَاعِرٌ نَّتَرَبَّصُ بِهِ رَيْبَ الْمَنُونِ
31 Sema: Tarajieni, na mimi pia ni pamoja nanyi katika kutarajia. قُلْ تَرَبَّصُوا فَإِنِّي مَعَكُم مِّنَ الْمُتَرَبِّصِينَ
32 Au hizo akili zao ndio zinawaamrisha haya, au wao basi ni watu majeuri tu? أَمْ تَأْمُرُهُمْ أَحْلَامُهُم بِهَذَا أَمْ هُمْ قَوْمٌ طَاغُونَ
33 Au ndio wanasema: Ameitunga hii! Bali basi tu hawaamini! أَمْ يَقُولُونَ تَقَوَّلَهُ بَل لَّا يُؤْمِنُونَ
34 Basi nawalete masimulizi kama haya ikiwa wao wanasema kweli. فَلْيَأْتُوا بِحَدِيثٍ مِّثْلِهِ إِن كَانُوا صَادِقِينَ
35 Au wao wameumbwa pasipo kutokana na kitu chochote, au ni wao ndio waumbaji? أَمْ خُلِقُوا مِنْ غَيْرِ شَيْءٍ أَمْ هُمُ الْخَالِقُونَ
36 Au wao wameziumba mbingu na ardhi? Bali hawana na yakini. أَمْ خَلَقُوا السَّمَاوَاتِ وَالْأَرْضَ بَل لَّا يُوقِنُونَ
37 Au wanazo khazina za Mola wako Mlezi au wao ndio wenye madaraka? أَمْ عِندَهُمْ خَزَائِنُ رَبِّكَ أَمْ هُمُ الْمُصَيْطِرُونَ
38 Au wanazo ngazi za kusikilizia? Basi huyo msikilizaji wao na alete hoja ilio wazi! أَمْ لَهُمْ سُلَّمٌ يَسْتَمِعُونَ فِيهِ فَلْيَأْتِ مُسْتَمِعُهُم بِسُلْطَانٍ مُّبِينٍ
39 Au Yeye Mwenyezi Mungu ana wasichana, na nyinyi ndio mna wavulana? أَمْ لَهُ الْبَنَاتُ وَلَكُمُ الْبَنُونَ
40 Au wewe unawaomba ujira, na kwa hivyo ndio wanaelemewa na uzito wa gharama? أَمْ تَسْأَلُهُمْ أَجْرًا فَهُم مِّن مَّغْرَمٍ مُّثْقَلُونَ
41 Au wanayo ilimu ya ghaibu, nao wameandika? أَمْ عِندَهُمُ الْغَيْبُ فَهُمْ يَكْتُبُونَ
42 Au wanataka kufanya vitimbi tu? Lakini hao walio kufuru ndio watakao tegeka. أَمْ يُرِيدُونَ كَيْدًا فَالَّذِينَ كَفَرُوا هُمُ الْمَكِيدُونَ
43 Au wanae mungu asiye kuwa Mwenyezi Mungu? Subhanallah! Ametaksika Mwenyezi Mungu na hao wanao washirikisha naye. أَمْ لَهُمْ إِلَهٌ غَيْرُ اللَّهِ سُبْحَانَ اللَّهِ عَمَّا يُشْرِكُونَ
44 Na hata wange ona pande linatoka mbinguni linaanguka wange sema: Ni mawingu yaliyo bebana. وَإِن يَرَوْا كِسْفًا مِّنَ السَّمَاء سَاقِطًا يَقُولُوا سَحَابٌ مَّرْكُومٌ
45 Basi waache mpaka wakutane na siku yao watakapo hilikishwa. فَذَرْهُمْ حَتَّى يُلَاقُوا يَوْمَهُمُ الَّذِي فِيهِ يُصْعَقُونَ
46 Siku ambayo hila zao hazitawafaa hata kidogo, wala wao hawatanusuriwa. يَوْمَ لَا يُغْنِي عَنْهُمْ كَيْدُهُمْ شَيْئًا وَلَا هُمْ يُنصَرُونَ
47 Na hakika walio dhulumu watapata adhabu nyengine isiyo kuwa hii, lakini wengi wao hawajui. وَإِنَّ لِلَّذِينَ ظَلَمُوا عَذَابًا دُونَ ذَلِكَ وَلَكِنَّ أَكْثَرَهُمْ لَا يَعْلَمُونَ
48 Na ingojee hukumu ya Mola wako Mlezi. Kwani wewe hakika uko mbele ya macho yetu, na mtakase kwa kumsifu Mola wako Mlezi unapo simama, وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا وَسَبِّحْ بِحَمْدِ رَبِّكَ حِينَ تَقُومُ
49 Na usiku pia mtakase, na zinapo kuchwa nyota. وَمِنَ اللَّيْلِ فَسَبِّحْهُ وَإِدْبَارَ النُّجُومِ
Next Surah An-Najm
;