As-Saffat

  1. Home
  2. Translation
  3. Swahili: Ali Muhsin Al-Barwani
Change Language
Change Surah
Change Recitation

Swahili: Ali Muhsin Al-Barwani

 Play All
# Translation Ayah
1 Naapa kwa wanao jipanga kwa safu. وَالصَّافَّاتِ صَفًّا
2 Na kwa wenye kukataza mabaya. فَالزَّاجِرَاتِ زَجْرًا
3 Na kwa wenye kusoma Ukumbusho. فَالتَّالِيَاتِ ذِكْرًا
4 Hakika Mungu wenu bila ya shaka ni Mmoja. إِنَّ إِلَهَكُمْ لَوَاحِدٌ
5 Mola Mlezi wa mbingu na ardhi, na yaliyomo kati yao, na ni Mola Mlezi wa mashariki zote. رَبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ
6 Hakika Sisi tumeipamba mbingu ya karibu kwa pambo la nyota. إِنَّا زَيَّنَّا السَّمَاء الدُّنْيَا بِزِينَةٍ الْكَوَاكِبِ
7 Na kulinda na kila shet'ani a'si. وَحِفْظًا مِّن كُلِّ شَيْطَانٍ مَّارِدٍ
8 Wasiweze kuwasikiliza viumbe watukufu. Na wanafukuzwa huko kila upande. لَا يَسَّمَّعُونَ إِلَى الْمَلَإِ الْأَعْلَى وَيُقْذَفُونَ مِن كُلِّ جَانِبٍ
9 Wakifurushwa. Na wanayo adhabu ya kudumu. دُحُورًا وَلَهُمْ عَذَابٌ وَاصِبٌ
10 Isipo kuwa anaye nyakua kitu kidogo, na mara humfwatia kimondo kinacho ng'ara. إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ
11 Hebu waulize: Je! Wao ni wenye umbo gumu zaidi au hao wengine tulio waumba. Hakika Sisi tuliwaumba wao kwa udongo unao nata. فَاسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَا إِنَّا خَلَقْنَاهُم مِّن طِينٍ لَّازِبٍ
12 Bali unastaajabu, na wao wanafanya maskhara. بَلْ عَجِبْتَ وَيَسْخَرُونَ
13 Na wanapo kumbushwa hawakumbuki. وَإِذَا ذُكِّرُوا لَا يَذْكُرُونَ
14 Na wanapo ona Ishara, wanafanya maskhara. وَإِذَا رَأَوْا آيَةً يَسْتَسْخِرُونَ
15 Na husema: Haya si chochote ila ni uchawi tu ulio dhaahiri. وَقَالُوا إِنْ هَذَا إِلَّا سِحْرٌ مُّبِينٌ
16 Ati tukisha kufa na tukawa udongo na mifupa ndio kweli tutafufuliwa? أَئِذَا مِتْنَا وَكُنَّا تُرَابًا وَعِظَامًا أَئِنَّا لَمَبْعُوثُونَ
17 Hata baba zetu wa zamani? أَوَآبَاؤُنَا الْأَوَّلُونَ
18 Sema: Naam! Hali nanyi ni madhalili. قُلْ نَعَمْ وَأَنتُمْ دَاخِرُونَ
19 Huko utapigwa ukelele mmoja tu! Na hapo ndio wataona! فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنظُرُونَ
20 Watasema: Ole wetu! Hii ndiyo Siku ya Malipo. وَقَالُوا يَا وَيْلَنَا هَذَا يَوْمُ الدِّينِ
21 Hii ndiyo Siku ya Hukumu mliyo kuwa mkiikadhibisha. هَذَا يَوْمُ الْفَصْلِ الَّذِي كُنتُمْ بِهِ تُكَذِّبُونَ
22 Wakusanyeni walio dhulumu, na wake zao, na hao walio kuwa wakiwaabudu - احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ
23 Badala ya Mwenyezi Mungu. Waongozeni njia ya Jahannamu! مِن دُونِ اللَّهِ فَاهْدُوهُمْ إِلَى صِرَاطِ الْجَحِيمِ
24 Na wasimamisheni. Hakika hao watasailiwa: وَقِفُوهُمْ إِنَّهُم مَّسْئُولُونَ
25 Mna nini? Mbona hamsaidiani? مَا لَكُمْ لَا تَنَاصَرُونَ
26 Bali hii leo, watasalimu amri. بَلْ هُمُ الْيَوْمَ مُسْتَسْلِمُونَ
27 Watakabiliana wao kwa wao kuulizana. وَأَقْبَلَ بَعْضُهُمْ عَلَى بَعْضٍ يَتَسَاءلُونَ
28 Watasema: Kwa hakika nyinyi mlikuwa mkitujia upande wa kulia. قَالُوا إِنَّكُمْ كُنتُمْ تَأْتُونَنَا عَنِ الْيَمِينِ
29 Watasema (wakubwa): Bali nyinyi wenyewe hamkuwa Waumini. قَالُوا بَل لَّمْ تَكُونُوا مُؤْمِنِينَ
30 Sisi hatukuwa na mamlaka juu yenu, bali nyinyi wenyewe mlikuwa wapotovu. وَمَا كَانَ لَنَا عَلَيْكُم مِّن سُلْطَانٍ بَلْ كُنتُمْ قَوْمًا طَاغِينَ
31 Basi hukumu ya Mola wetu Mlezi imekwisha tuthibitikia. Hakika bila ya shaka tutaonja tu adhabu. فَحَقَّ عَلَيْنَا قَوْلُ رَبِّنَا إِنَّا لَذَائِقُونَ
32 Tulikupotezeni kwa sababu sisi wenyewe tulikuwa wapotovu. فَأَغْوَيْنَاكُمْ إِنَّا كُنَّا غَاوِينَ
33 Basi wao kwa hakika siku hiyo watashirikiana katika adhabu pamoja. فَإِنَّهُمْ يَوْمَئِذٍ فِي الْعَذَابِ مُشْتَرِكُونَ
34 Hivyo ndivyo tutakavyo wafanyia wakosefu. إِنَّا كَذَلِكَ نَفْعَلُ بِالْمُجْرِمِينَ
35 Wao walipo kuwa wakiambiwa La ilaha illa 'Llahu Hapana mungu ila Mwenyezi Mungu tu, wakijivuna. إِنَّهُمْ كَانُوا إِذَا قِيلَ لَهُمْ لَا إِلَهَ إِلَّا اللَّهُ يَسْتَكْبِرُونَ
36 Na wakisema: Hivyo sisi tuiache miungu yetu kwa ajili ya huyu mtunga mashairi mwendawazimu? وَيَقُولُونَ أَئِنَّا لَتَارِكُوا آلِهَتِنَا لِشَاعِرٍ مَّجْنُونٍ
37 Bali huyu amekuja kwa Haki, na amewasadikisha Mitume. بَلْ جَاء بِالْحَقِّ وَصَدَّقَ الْمُرْسَلِينَ
38 Hakika nyinyi bila ya shaka mtaionja adhabu chungu. إِنَّكُمْ لَذَائِقُو الْعَذَابِ الْأَلِيمِ
39 Wala hamlipwi ila hayo mliyo kuwa mkiyafanya. وَمَا تُجْزَوْنَ إِلَّا مَا كُنتُمْ تَعْمَلُونَ
40 Isipo kuwa waja wa Mwenyezi Mungu walio khitariwa. إِلَّا عِبَادَ اللَّهِ الْمُخْلَصِينَ
41 Hao ndio watakao pata riziki maalumu, أُوْلَئِكَ لَهُمْ رِزْقٌ مَّعْلُومٌ
42 Matunda, nao watahishimiwa. فَوَاكِهُ وَهُم مُّكْرَمُونَ
43 Katika Bustani za neema. فِي جَنَّاتِ النَّعِيمِ
44 Wako juu ya viti wamekabiliana. عَلَى سُرُرٍ مُّتَقَابِلِينَ
45 Wanazungushiwa kikombe chenye kinywaji cha chemchem يُطَافُ عَلَيْهِم بِكَأْسٍ مِن مَّعِينٍ
46 Kinywaji cheupe, kitamu kwa wanywao. بَيْضَاء لَذَّةٍ لِّلشَّارِبِينَ
47 Hakina madhara, wala hakiwaleweshi. لَا فِيهَا غَوْلٌ وَلَا هُمْ عَنْهَا يُنزَفُونَ
48 Na watakuwa nao wanawake wenye macho ya staha mazuri. وَعِنْدَهُمْ قَاصِرَاتُ الطَّرْفِ عِينٌ
49 Hao wanawake kama mayai yaliyo hifadhika. كَأَنَّهُنَّ بَيْضٌ مَّكْنُونٌ
50 Waingie kuulizana wenyewe kwa wenyewe. فَأَقْبَلَ بَعْضُهُمْ عَلَى بَعْضٍ يَتَسَاءلُونَ
51 Aseme msemaji mmoja miongoni mwao: Hakika mimi nalikuwa na rafiki قَالَ قَائِلٌ مِّنْهُمْ إِنِّي كَانَ لِي قَرِينٌ
52 Aliye kuwa akinambia: Hivyo wewe ni katika wanao sadiki يَقُولُ أَئِنَّكَ لَمِنْ الْمُصَدِّقِينَ
53 Ati tukisha kufa tukawa udongo na mafupa, ndio tutalipwa na kuhisabiwa? أَئِذَا مِتْنَا وَكُنَّا تُرَابًا وَعِظَامًا أَئِنَّا لَمَدِينُونَ
54 Atasema: Je! Nyie mnawaona? قَالَ هَلْ أَنتُم مُّطَّلِعُونَ
55 Basi atachungulia amwone katikati ya Jahannamu. فَاطَّلَعَ فَرَآهُ فِي سَوَاء الْجَحِيمِ
56 Atasema: Wallahi! Ulikaribia kunipoteza. قَالَ تَاللَّهِ إِنْ كِدتَّ لَتُرْدِينِ
57 Na lau kuwa si neema ya Mola wangu Mlezi bila ya shaka ningeli kuwa miongoni mwa walio hudhurishwa. وَلَوْلَا نِعْمَةُ رَبِّي لَكُنتُ مِنَ الْمُحْضَرِينَ
58 Je! Sisi hatutakufa, أَفَمَا نَحْنُ بِمَيِّتِينَ
59 Isipo kuwa kifo chetu cha kwanza? Wala sisi hatutaadhibiwa. إِلَّا مَوْتَتَنَا الْأُولَى وَمَا نَحْنُ بِمُعَذَّبِينَ
60 Hakika huku bila ya shaka ndiko kufuzu kukubwa. إِنَّ هَذَا لَهُوَ الْفَوْزُ الْعَظِيمُ
61 Kwa mfano wa haya nawatende watendao. لِمِثْلِ هَذَا فَلْيَعْمَلْ الْعَامِلُونَ
62 Je! Kukaribishwa hivi si ndio bora, au mti wa Zaqqum? أَذَلِكَ خَيْرٌ نُّزُلًا أَمْ شَجَرَةُ الزَّقُّومِ
63 Hakika Sisi tumeufanya huo kuwa ni mateso kwa walio dhulumu. إِنَّا جَعَلْنَاهَا فِتْنَةً لِّلظَّالِمِينَ
64 Hakika huo ni mti unao toka katikati ya Jahannamu. إِنَّهَا شَجَرَةٌ تَخْرُجُ فِي أَصْلِ الْجَحِيمِ
65 Mashada ya matunda yake kama kwamba vichwa vya mashet'ani. طَلْعُهَا كَأَنَّهُ رُؤُوسُ الشَّيَاطِينِ
66 Basi hakika bila ya shaka hao watayala hayo, na wajaze matumbo. فَإِنَّهُمْ لَآكِلُونَ مِنْهَا فَمَالِؤُونَ مِنْهَا الْبُطُونَ
67 Kisha juu yake wanyweshwe mchanganyo wa maji yamoto yaliyo chemka. ثُمَّ إِنَّ لَهُمْ عَلَيْهَا لَشَوْبًا مِّنْ حَمِيمٍ
68 Kisha hakika marejeo yao bila ya shaka yatakuwa kwenye Jahannamu. ثُمَّ إِنَّ مَرْجِعَهُمْ لَإِلَى الْجَحِيمِ
69 Hakika waliwakuta baba zao wamepotea. إِنَّهُمْ أَلْفَوْا آبَاءهُمْ ضَالِّينَ
70 Na wao wakafanya haraka kufuata nyayo zao. فَهُمْ عَلَى آثَارِهِمْ يُهْرَعُونَ
71 Na bila ya shaka walikwisha potea kabla yao wengi wa watu wa zamani. وَلَقَدْ ضَلَّ قَبْلَهُمْ أَكْثَرُ الْأَوَّلِينَ
72 Na Sisi hakika tuliwapelekea waonyaji. وَلَقَدْ أَرْسَلْنَا فِيهِم مُّنذِرِينَ
73 Basi hebu angalia ulikuwaje mwisho wa walio onywa. فَانظُرْ كَيْفَ كَانَ عَاقِبَةُ الْمُنذَرِينَ
74 Isipo kuwa waja wa Mwenyezi Mungu walio khitariwa. إِلَّا عِبَادَ اللَّهِ الْمُخْلَصِينَ
75 Na hakika Nuhu alitwita, na Sisi ni bora wa waitikiaji. وَلَقَدْ نَادَانَا نُوحٌ فَلَنِعْمَ الْمُجِيبُونَ
76 Na tulimwokoa yeye na ahali zake kutokana na msiba mkubwa. وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ
77 Na tuliwajaalia dhuriya zake ndio wenye kubakia. وَجَعَلْنَا ذُرِّيَّتَهُ هُمْ الْبَاقِينَ
78 Na tukamwachia (sifa njema) kwa walio kuja baadaye. وَتَرَكْنَا عَلَيْهِ فِي الْآخِرِينَ
79 Iwe salama kwa Nuhu ulimwenguni kote! سَلَامٌ عَلَى نُوحٍ فِي الْعَالَمِينَ
80 Kwa hakika hivi ndivyo tunavyo walipa wanao fanya mema. إِنَّا كَذَلِكَ نَجْزِي الْمُحْسِنِينَ
81 Hakika yeye ni katika waja wetu walio amini. إِنَّهُ مِنْ عِبَادِنَا الْمُؤْمِنِينَ
82 Kisha tukawazamisha wale wengine. ثُمَّ أَغْرَقْنَا الْآخَرِينَ
83 Na hakika Ibrahim alikuwa katika kundi lake, وَإِنَّ مِن شِيعَتِهِ لَإِبْرَاهِيمَ
84 Alipo mjia Mola wake Mlezi kwa moyo mzima. إِذْ جَاء رَبَّهُ بِقَلْبٍ سَلِيمٍ
85 Alimwambia baba yake na watu wake: Mnaabudu nini? إِذْ قَالَ لِأَبِيهِ وَقَوْمِهِ مَاذَا تَعْبُدُونَ
86 Kwa kuzua tu mnataka miungu mingine badala ya Mwenyezi Mungu? أَئِفْكًا آلِهَةً دُونَ اللَّهِ تُرِيدُونَ
87 Mnamdhania nini Mola Mlezi wa walimwengu wote? فَمَا ظَنُّكُم بِرَبِّ الْعَالَمِينَ
88 Kisha akapiga jicho kutazama nyota. فَنَظَرَ نَظْرَةً فِي النُّجُومِ
89 Akasema: Hakika mimi ni mgonjwa! فَقَالَ إِنِّي سَقِيمٌ
90 Nao wakamwacha, wakampa kisogo. فَتَوَلَّوْا عَنْهُ مُدْبِرِينَ
91 Basi akaiendea miungu yao kwa siri, akaiambia: Mbona hamli? فَرَاغَ إِلَى آلِهَتِهِمْ فَقَالَ أَلَا تَأْكُلُونَ
92 Mna nini hata hamsemi? مَا لَكُمْ لَا تَنطِقُونَ
93 Kisha akaigeukia kuipiga kwa mkono wa kulia. فَرَاغَ عَلَيْهِمْ ضَرْبًا بِالْيَمِينِ
94 Basi wakamjia upesi upesi. فَأَقْبَلُوا إِلَيْهِ يَزِفُّونَ
95 Akasema: Hivyo mnaviabudu vitu mnavyo vichonga wenyewe? قَالَ أَتَعْبُدُونَ مَا تَنْحِتُونَ
96 Na hali Mwenyezi Mungu ndiye aliye kuumbeni nyinyi na hivyo mnavyo vifanya! وَاللَّهُ خَلَقَكُمْ وَمَا تَعْمَلُونَ
97 Wakasema: Mjengeeni jengo, na kisha mtupeni motoni humo! قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ
98 Basi walitaka kumfanyia vitimbi, lakini tukawafanya wao ndio wa chini. فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ
99 Na akasema: Hakika mimi nahama, nakwenda kwa Mola wangu Mlezi; Yeye ataniongoa. وَقَالَ إِنِّي ذَاهِبٌ إِلَى رَبِّي سَيَهْدِينِ
100 Ewe Mola wangu Mlezi! Nitunukie aliye miongoni mwa watenda mema. رَبِّ هَبْ لِي مِنَ الصَّالِحِينَ
101 Basi tukambashiria mwana aliye mpole. فَبَشَّرْنَاهُ بِغُلَامٍ حَلِيمٍ
102 Basi alipo fika makamo ya kwenda na kurudi pamoja naye, alimwambia: Ewe mwanangu! Hakika mimi nimeona usingizini kuwa ninakuchinja. Basi angalia wewe, waonaje? Akasema: Ewe baba yangu! Tenda unavyo amrishwa, utanikuta mimi, Inshallah, katika wanao subiri. فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانظُرْ مَاذَا تَرَى قَالَ يَا أَبَتِ افْعَلْ مَا تُؤْمَرُ سَتَجِدُنِي إِن شَاء اللَّهُ مِنَ الصَّابِرِينَ
103 Basi wote wawili walipo jisalimisha, na akamlaza juu ya kipaji. فَلَمَّا أَسْلَمَا وَتَلَّهُ لِلْجَبِينِ
104 Tulimwita: Ewe Ibrahim! وَنَادَيْنَاهُ أَنْ يَا إِبْرَاهِيمُ
105 Umekwisha itimiliza ndoto. Hakika hivi ndivyo tunavyo walipa wanao tenda mema. قَدْ صَدَّقْتَ الرُّؤْيَا إِنَّا كَذَلِكَ نَجْزِي الْمُحْسِنِينَ
106 Hakika haya ni majaribio yaliyo dhaahiri. إِنَّ هَذَا لَهُوَ الْبَلَاء الْمُبِينُ
107 Basi tukamtolea fidia kwa dhabihu mtukufu. وَفَدَيْنَاهُ بِذِبْحٍ عَظِيمٍ
108 Na tukamwachia (sifa njema) kwa watu walio kuja baadaye. وَتَرَكْنَا عَلَيْهِ فِي الْآخِرِينَ
109 Iwe salama kwa Ibrahim! سَلَامٌ عَلَى إِبْرَاهِيمَ
110 Hivi ndivyo tunavyo walipa wanao fanya mema. كَذَلِكَ نَجْزِي الْمُحْسِنِينَ
111 Hakika yeye ni katika waja wetu walio amini. إِنَّهُ مِنْ عِبَادِنَا الْمُؤْمِنِينَ
112 Na tukambashiria kuzaliwa Is-haqa, naye ni Nabii miongoni mwa watu wema. وَبَشَّرْنَاهُ بِإِسْحَاقَ نَبِيًّا مِّنَ الصَّالِحِينَ
113 Na tukambarikia yeye na Is-haqa. Na miongoni mwa dhuriya zao walitokea wema na wenye kudhulumu nafsi zao waziwazi. وَبَارَكْنَا عَلَيْهِ وَعَلَى إِسْحَاقَ وَمِن ذُرِّيَّتِهِمَا مُحْسِنٌ وَظَالِمٌ لِّنَفْسِهِ مُبِينٌ
114 Na kwa hakika tuliwafanyia hisani Musa na Haruni. وَلَقَدْ مَنَنَّا عَلَى مُوسَى وَهَارُونَ
115 Na tukawaokoa wao na watu wao kutokana na dhiki kubwa. وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ
116 Na tukawanusuru; na wakawa wao ndio wenye kushinda. وَنَصَرْنَاهُمْ فَكَانُوا هُمُ الْغَالِبِينَ
117 Na tukawapa wawili hao Kitabu kinacho bainisha. وَآتَيْنَاهُمَا الْكِتَابَ الْمُسْتَبِينَ
118 Na tukawaongoa kwenye Njia Iliyo Nyooka. وَهَدَيْنَاهُمَا الصِّرَاطَ الْمُسْتَقِيمَ
119 Na tukawaachia (sifa njema) katika watu walio kuja baadaye. وَتَرَكْنَا عَلَيْهِمَا فِي الْآخِرِينَ
120 Iwe salama kwa Musa na Haruni! سَلَامٌ عَلَى مُوسَى وَهَارُونَ
121 Hakika hivyo ndivyo tunavyo walipa walio wema. إِنَّا كَذَلِكَ نَجْزِي الْمُحْسِنِينَ
122 Hakika wawili hao ni katika waja wetu walio amini. إِنَّهُمَا مِنْ عِبَادِنَا الْمُؤْمِنِينَ
123 Na hakika Ilyas bila ya shaka alikuwa miongoni mwa Mitume. وَإِنَّ إِلْيَاسَ لَمِنْ الْمُرْسَلِينَ
124 Alipo waambia watu wake: Hamwogopi? إِذْ قَالَ لِقَوْمِهِ أَلَا تَتَّقُونَ
125 Mnamwomba Baa'li na mnamwacha Mbora wa waumbaji, أَتَدْعُونَ بَعْلًا وَتَذَرُونَ أَحْسَنَ الْخَالِقِينَ
126 Mwenyezi Mungu, Mola Mlezi wenu na Mola Mlezi wa baba zenu wa zamani? وَاللَّهَ رَبَّكُمْ وَرَبَّ آبَائِكُمُ الْأَوَّلِينَ
127 Wakamkadhibisha. Basi kwa hakika watahudhurishwa; فَكَذَّبُوهُ فَإِنَّهُمْ لَمُحْضَرُونَ
128 Isipo kuwa waja wa Mwenyezi Mungu walio safishwa. إِلَّا عِبَادَ اللَّهِ الْمُخْلَصِينَ
129 Na tumemwachia (sifa nzuri) kwa walio kuja baadaye. وَتَرَكْنَا عَلَيْهِ فِي الْآخِرِينَ
130 Iwe salama kwa Ilyas. سَلَامٌ عَلَى إِلْ يَاسِينَ
131 Hakika hivyo ndivyo tunavyo walipa walio wema. إِنَّا كَذَلِكَ نَجْزِي الْمُحْسِنِينَ
132 Hakika yeye ni katika waja wetu walio amini. إِنَّهُ مِنْ عِبَادِنَا الْمُؤْمِنِينَ
133 Na hakika Lut'i bila ya shaka ni miongoni mwa Mitume. وَإِنَّ لُوطًا لَّمِنَ الْمُرْسَلِينَ
134 Tulipo mwokoa yeye na ahali zake wote, إِذْ نَجَّيْنَاهُ وَأَهْلَهُ أَجْمَعِينَ
135 Isipo kuwa mwanamke mkongwe katika wale walio bakia nyuma. إِلَّا عَجُوزًا فِي الْغَابِرِينَ
136 Kisha tukawaangamiza wale wengineo. ثُمَّ دَمَّرْنَا الْآخَرِينَ
137 Na hakika nyinyi mnawapitia wakati wa asubuhi, وَإِنَّكُمْ لَتَمُرُّونَ عَلَيْهِم مُّصْبِحِينَ
138 Na usiku. Basi je! Hamyatii akilini? وَبِاللَّيْلِ أَفَلَا تَعْقِلُونَ
139 Na hakika Yunus alikuwa miongoni mwa Mitume. وَإِنَّ يُونُسَ لَمِنَ الْمُرْسَلِينَ
140 Alipo kimbia katika jahazi lilio sheheni. إِذْ أَبَقَ إِلَى الْفُلْكِ الْمَشْحُونِ
141 Akaingia katika kupigiwa kura, na akawa katika walio shindwa. فَسَاهَمَ فَكَانَ مِنْ الْمُدْحَضِينَ
142 Samaki akammeza hali ya kuwa ni mwenye kulaumiwa. فَالْتَقَمَهُ الْحُوتُ وَهُوَ مُلِيمٌ
143 Na ingeli kuwa hakuwa katika wanao mtakasa Mwenyezi Mungu, فَلَوْلَا أَنَّهُ كَانَ مِنْ الْمُسَبِّحِينَ
144 Bila ya shaka angeli kaa ndani yake mpaka siku ya kufufuliwa. لَلَبِثَ فِي بَطْنِهِ إِلَى يَوْمِ يُبْعَثُونَ
145 Lakini tulimtupa ufukweni patupu, hali yu mgonjwa. فَنَبَذْنَاهُ بِالْعَرَاء وَهُوَ سَقِيمٌ
146 Na tukauotesha juu yake mmea wa kabila ya mung'unye. وَأَنبَتْنَا عَلَيْهِ شَجَرَةً مِّن يَقْطِينٍ
147 Na tulimtuma kwa watu laki moja au zaidi. وَأَرْسَلْنَاهُ إِلَى مِئَةِ أَلْفٍ أَوْ يَزِيدُونَ
148 Basi wakaamini, na tukawastarehesha kwa muda. فَآمَنُوا فَمَتَّعْنَاهُمْ إِلَى حِينٍ
149 Basi waulize: Ati Mola wako Mlezi ndiye mwenye watoto wa kike, na wao wanao watoto wa kiume? فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ
150 Au tumewaumba Malaika kuwa ni wanawake, na wao wakashuhudia? أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ
151 Ati ni kwa uzushi wao ndio wanasema: أَلَا إِنَّهُم مِّنْ إِفْكِهِمْ لَيَقُولُونَ
152 Mwenyezi Mungu amezaa! Ama hakika bila ya shaka hao ni waongo! وَلَدَ اللَّهُ وَإِنَّهُمْ لَكَاذِبُونَ
153 Ati amekhiari watoto wa kike kuliko wanaume? أَصْطَفَى الْبَنَاتِ عَلَى الْبَنِينَ
154 Mna nini? Mnahukumu vipi nyinyi? مَا لَكُمْ كَيْفَ تَحْكُمُونَ
155 Hamkumbuki? أَفَلَا تَذَكَّرُونَ
156 Au mnayo hoja iliyo wazi? أَمْ لَكُمْ سُلْطَانٌ مُّبِينٌ
157 Basi leteni Kitabu chenu kama mnasema kweli. فَأْتُوا بِكِتَابِكُمْ إِن كُنتُمْ صَادِقِينَ
158 Na wameweka makhusiano ya nasaba baina yake na majini; na majini wamekwisha jua bila ya shaka kuwa wao watahudhurishwa. وَجَعَلُوا بَيْنَهُ وَبَيْنَ الْجِنَّةِ نَسَبًا وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ
159 Subhana 'Llah Ametakasika Mwenyezi Mungu na hayo wanayo msingizia. سُبْحَانَ اللَّهِ عَمَّا يَصِفُونَ
160 Isipo kuwa waja wa Mwenyezi Mungu walio safishwa. إِلَّا عِبَادَ اللَّهِ الْمُخْلَصِينَ
161 Basi hakika nyinyi na mnao waabudu فَإِنَّكُمْ وَمَا تَعْبُدُونَ
162 Hamwezi kuwapoteza مَا أَنتُمْ عَلَيْهِ بِفَاتِنِينَ
163 Isipo kuwa yule atakaye ingia Motoni. إِلَّا مَنْ هُوَ صَالِ الْجَحِيمِ
164 Na hapana katika sisi ila anapo mahali pake maalumu. وَمَا مِنَّا إِلَّا لَهُ مَقَامٌ مَّعْلُومٌ
165 Na hakika bila ya shaka sisi ndio wajipangao safu. وَإِنَّا لَنَحْنُ الصَّافُّونَ
166 Na hakika sisi ndio wenye kusabihi kutakasa. وَإِنَّا لَنَحْنُ الْمُسَبِّحُونَ
167 Na walikuwapo walio kuwa wakisema: وَإِنْ كَانُوا لَيَقُولُونَ
168 Tungeli kuwa na Ukumbusho kama wa watu wa zamani, لَوْ أَنَّ عِندَنَا ذِكْرًا مِّنْ الْأَوَّلِينَ
169 Bila ya shaka tungeli kuwa ni waja wa Mwenyezi Mungu wenye ikhlasi. لَكُنَّا عِبَادَ اللَّهِ الْمُخْلَصِينَ
170 Lakini waliukataa. Basi watakuja jua. فَكَفَرُوا بِهِ فَسَوْفَ يَعْلَمُونَ
171 Na bila ya shaka neno letu lilikwisha tangulia kwa waja wetu walio tumwa. وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ
172 Ya kuwa wao bila ya shaka ndio watakao nusuriwa. إِنَّهُمْ لَهُمُ الْمَنصُورُونَ
173 Na kwamba jeshi letu ndilo litakalo shinda. وَإِنَّ جُندَنَا لَهُمُ الْغَالِبُونَ
174 Basi waachilie mbali kwa muda. فَتَوَلَّ عَنْهُمْ حَتَّى حِينٍ
175 Na watazame, nao wataona. وَأَبْصِرْهُمْ فَسَوْفَ يُبْصِرُونَ
176 Je! Wanaihimiza adhabu yetu? أَفَبِعَذَابِنَا يَسْتَعْجِلُونَ
177 Basi itakapo shuka uwanjani kwao, itakuwa asubuhi mbaya kwa walio onywa. فَإِذَا نَزَلَ بِسَاحَتِهِمْ فَسَاء صَبَاحُ الْمُنذَرِينَ
178 Na waache kwa muda. وَتَوَلَّ عَنْهُمْ حَتَّى حِينٍ
179 Na tazama, na wao wataona. وَأَبْصِرْ فَسَوْفَ يُبْصِرُونَ
180 Subhana Rabbi'l'Izzat Ametakasika Mola Mlezi Mwenye enzi na yale wanayo mzulia. سُبْحَانَ رَبِّكَ رَبِّ الْعِزَّةِ عَمَّا يَصِفُونَ
181 Na Salamu juu ya Mitume. وَسَلَامٌ عَلَى الْمُرْسَلِينَ
182 Na sifa njema zote ni za Mwenyezi Mungu Mola Mlezi wa walimwengu wote. وَالْحَمْدُ لِلَّهِ رَبِّ الْعَالَمِينَ
Next Surah Sad
;