Al-Lail

  1. Home
  2. Translation
  3. Kurdish: Burhan Muhammad-Amin
Change Language
Change Surah
Change Recitation

Kurdish: Burhan Muhammad-Amin

 Play All
# Translation Ayah
1 سوێند به شه‌و کاتێک دنیا داده‌گرێت... وَاللَّيْلِ إِذَا يَغْشَى
2 به ڕۆژ کاتێک دنیا ڕووناک ده‌بێت و تاریکی ده‌ڕه‌وێنێته‌وه‌. وَالنَّهَارِ إِذَا تَجَلَّى
3 سوێند به‌و زاته‌ی که نێر و مێی دروست کردووه‌. وَمَا خَلَقَ الذَّكَرَ وَالْأُنثَى
4 به‌ڕاستی هه‌وڵ و کۆششی ئێوه جۆراو جۆره (هه‌تانه هه‌وڵ و کۆششی بۆ به‌ده‌ستهێنانی به‌هه‌شته‌، هه‌تانه به پێچه‌وانه‌وه به ده‌ست و برده بۆ ئه‌نجامدانی تاوان و خراپکاری، هه‌تانه گوێڕایه‌ڵ و هه‌تانه یاخی... هتد). إِنَّ سَعْيَكُمْ لَشَتَّى
5 جا ئه‌وه‌ی (ماڵ و سامان و زانستی و... هتد) ده‌به‌خشێت و پارێزکار و له خوانرسه‌... فَأَمَّا مَن أَعْطَى وَاتَّقَى
6 بڕوای بته‌وی به پاداشتی چاک و به‌نرخی خوایی هه‌یه‌... وَصَدَّقَ بِالْحُسْنَى
7 ئه‌وه ڕێگه‌ی چاکه و چاکه‌کاری بۆ ئاسان ده‌که‌ین و سه‌رئه‌نجام ده‌یخه‌ینه خێر و خۆشیه‌وه‌. فَسَنُيَسِّرُهُ لِلْيُسْرَى
8 به‌ڵام ئه‌وه‌ی ڕه‌زیل و ده‌ست نوقاو بێت و خۆی بێ نیاز بزانێت (ره‌زامه‌ندی خوایی مه‌به‌ست نه‌بێت)... وَأَمَّا مَن بَخِلَ وَاسْتَغْنَى
9 بڕوای نه‌بێت به پاداشت و به‌هره‌ی چاکی خوایی و به‌درۆی بزانێت... وَكَذَّبَ بِالْحُسْنَى
10 ئه‌وه ئێمه ڕێبازی ته‌نگانه و ناخۆشی بۆ ئاسان ده‌که‌ین و سه‌رئه‌نجام به دۆزه‌خی ده‌گه‌یه‌نین. فَسَنُيَسِّرُهُ لِلْعُسْرَى
11 ئه‌و کاته‌ی که ده‌مرێت و له گۆڕ ده‌نرێت، ئه‌و کاته‌ش که فڕێ ده‌درێته دۆزه‌خه‌وه ماڵ و سامان هیچ فریای ناکه‌وێت. وَمَا يُغْنِي عَنْهُ مَالُهُ إِذَا تَرَدَّى
12 به‌ڕاستی ڕوون کردنه‌وه‌ی ڕێبازی هیدایه‌ت و دیاریکردنی بۆ خه‌ڵکی له‌سه‌ر ئێمه‌یه‌. إِنَّ عَلَيْنَا لَلْهُدَى
13 بێگومان ده‌سه‌ڵاتی بێ سنورمان هه‌یه به‌سه‌ر پاشه‌ڕۆژ و قیامه‌تدا، هه‌روه‌ها به‌سه‌ر دنیادا. وَإِنَّ لَنَا لَلْآخِرَةَ وَالْأُولَى
14 جا من ئه‌وه‌ته ئاگادارتان ده‌که‌م و ده‌تانترسێنم له ئاگرێک که زۆر بڵێسه ده‌سێنێت. فَأَنذَرْتُكُمْ نَارًا تَلَظَّى
15 ناچێته ناوی مه‌گه‌ر که‌سانی ناپوخت و دڕنده و خوانه‌ناس نه‌بێت. لَا يَصْلَاهَا إِلَّا الْأَشْقَى
16 ئه‌وه‌ی حه‌قیقه‌ت و ڕاستی به درۆ داناوه و پشتی هه‌ڵکردووه (له به‌رنامه‌ی خوا). الَّذِي كَذَّبَ وَتَوَلَّى
17 جا خواناس و پارێزکاران له‌و سزاو ناگرو ناخۆشیه دوور ده‌خرێنه‌وه‌. وَسَيُجَنَّبُهَا الْأَتْقَى
18 ئه‌و جۆره که‌سه‌ی ماڵ و سامانی ده‌به‌خشێت به‌وه دڵ و ده‌روونی خۆی خاوێن ڕاده‌گرێت... الَّذِي يُؤْتِي مَالَهُ يَتَزَكَّى
19 له کاتێکدا که‌که‌س چاکه‌یه‌کی وای به‌سه‌ریه‌وه نی یه که پاداشت بدرێته‌وه‌. وَمَا لِأَحَدٍ عِندَهُ مِن نِّعْمَةٍ تُجْزَى
20 (چونکه‌) ته‌نها مه‌به‌ستی به‌ده‌ستهێنانی ڕه‌زامه‌ندیی په‌روه‌ردگاری به‌رزو بڵنده‌. إِلَّا ابْتِغَاء وَجْهِ رَبِّهِ الْأَعْلَى
21 سوێند به‌خوا ڕازی و خۆشنوود ده‌بێت پێی. وَلَسَوْفَ يَرْضَى
Next Surah Adh-Dhuha
;