Abasa

  1. Home
  2. Translation
  3. Kurdish: Burhan Muhammad-Amin
Change Language
Change Surah
Change Recitation

Kurdish: Burhan Muhammad-Amin

 Play All
# Translation Ayah
1 ڕووی گرژکردو ڕووی وه‌رگێڕا (مه‌به‌ست پێغه‌مبه‌ره (صلی الله علیه وسلم) کاتێك (عبدالله ی کوڕی ام مکتوم) که ئیماندارێکی نابینابوو هات بۆ خزمه‌تی، ئه‌ویش هه‌ندێك له سه‌رانی قوره‌یشی کۆ کردبۆوه به ئومێدی هیدایه‌تیان، عبدالله وتی: ئه‌ی پێغه‌مبه‌ری خوا، خوا چی فێرکردوویت منیش فێر بکه‌، پێغه‌مبه‌ر (صلی الله علیه وسلم) پێی ناخۆش بوو که قسه‌کانی پێ ده‌بڕێت، له‌به‌رئه‌وه ڕووی گرژکرد و ڕووی وه‌رگێڕا. بۆیه سه‌ره‌تای ئه‌م سووره‌ته دابه‌زی که گله‌ییه له پێغه‌مبه‌ر (صلی الله علیه وسلم). عَبَسَ وَتَوَلَّى
2 له‌به‌رئه‌وه‌ی نابیناکه هات بۆ لای. أَن جَاءهُ الْأَعْمَى
3 جا تۆ چوزانیت به‌ڵکو ئه‌و هاتبێت تا دڵ و ده‌روونی خاوێن بکاته‌وه‌. وَمَا يُدْرِيكَ لَعَلَّهُ يَزَّكَّى
4 یاخود ئامۆژگاری وه‌ربگرێت، تا ئامۆژگاریه‌که سوودی پێبگه‌یه‌نێت. أَوْ يَذَّكَّرُ فَتَنفَعَهُ الذِّكْرَى
5 به‌ڵام ئه‌وه‌ی که خۆی بێ نیاز نیشان ده‌دات و نایه‌وێت ڕێنموومایی وه‌ربگرێت. أَمَّا مَنِ اسْتَغْنَى
6 تۆ له‌گه‌ڵ ئه‌ودا کۆده‌بیته‌وه و گرنگی به‌و ده‌ده‌یت و ڕوو له‌و ده‌که‌یت. فَأَنتَ لَهُ تَصَدَّى
7 جا تۆ هیچ گوناهبار نابیت که ئه‌و ئیمانی نه‌وێت و پاك و پوخته‌کردنی ده‌روونی نه‌وێت. وَمَا عَلَيْكَ أَلَّا يَزَّكَّى
8 به‌ڵام ئه‌وه‌ی که خۆی هاتوه‌ته لات و کۆشش ده‌کات و مه‌به‌ستێتی که شاره‌زای به‌رنامه‌ی خوا ببێت... وَأَمَّا مَن جَاءكَ يَسْعَى
9 له‌کاتێکدا ئه‌و له خوا ده‌ترسێت. وَهُوَ يَخْشَى
10 ئه‌وه تۆ گوێ به‌و ناده‌یت و خۆتی لێ بێ ئاگا ده‌که‌یت. فَأَنتَ عَنْهُ تَلَهَّى
11 نه‌خێر وامه‌که‌و وامه‌به‌، چونکه به‌ڕاستی ئه‌م ئایه‌تانه‌، ئه‌م سوره‌ته‌، یادخستنه‌وه و ئامۆژگاریه‌. كَلَّا إِنَّهَا تَذْكِرَةٌ
12 جا که‌سێك بیه‌وێت ڕێنموویی وه‌رگرێت، ئه‌وه یادی ده‌کات. فَمَن شَاء ذَكَرَهُ
13 (ئه‌و قورئانه‌) له چه‌ندین لاپه‌ڕه‌ی به‌ڕێزو پیرۆزدا هه‌ڵگیراوه و له (لوح المحفوظ) وه‌رگیراوه‌. فِي صُحُفٍ مُّكَرَّمَةٍ
14 که به‌رزو بڵند و پاك و خاوێنن. مَّرْفُوعَةٍ مُّطَهَّرَةٍ
15 به‌ده‌ستی فریشته نووسه‌ره‌کان. بِأَيْدِي سَفَرَةٍ
16 که به‌ڕێزو خواناس و ملکه‌چ و فه‌رمانبه‌رداران. كِرَامٍ بَرَرَةٍ
17 ئه‌ی ئاده‌میزاد، به‌کوشت بچیت، چه‌نده کافره‌، سپڵه‌یه‌، چه‌نده خوانه‌ناس و یاخیه‌، یاخود به‌کوشت چێت ئاده‌میزاد چی وای لێکردووه که کافر بێت؟! چ پاساوێکی هه‌یه بۆ خوانه‌ناسی و یاخی بوون. قُتِلَ الْإِنسَانُ مَا أَكْفَرَهُ
18 (بۆ بیرناکاته‌وه‌‌) خوا له‌چی دروستی کردووه‌؟! مِنْ أَيِّ شَيْءٍ خَلَقَهُ
19 له نوتفه‌یه‌ك (له خاڵێکی زۆر بچووك که به چاو نابینرێت) دروستی کردووه و هه‌موو ئه‌ندامانی ده‌ر و ناوی پێ به‌خشیوه و ئه‌ندازه‌گیری وردی له دروستکردنیدا ئه‌نجام داوه‌، (کات و شوێنی له‌دایکبوونی و مردنی بۆ دیاری کردووه‌). مِن نُّطْفَةٍ خَلَقَهُ فَقَدَّرَهُ
20 له‌وه‌ودوا ژیانی بۆ ئاسان کردووه و سه‌رپشکی کردووه له په‌یڕه‌وی کردنی ڕێگه‌ی چاکه یان خراپه‌، ئیمان یان کوفر، (دوای ئه‌وه‌ی که ده‌ست نیشانی هه‌ردووکیانی بۆ کردووه و سه‌ره‌نجامی ڕوون کردۆته‌وه‌). ثُمَّ السَّبِيلَ يَسَّرَهُ
21 له‌وه‌ودوا ده‌یمرێنێت و ده‌یخاته ناو گۆڕه‌وه‌. ثُمَّ أَمَاتَهُ فَأَقْبَرَهُ
22 پاشان کاتێك بیه‌وێت زیندووی ده‌کاته‌وه‌. ثُمَّ إِذَا شَاء أَنشَرَهُ
23 به‌ڕاستی، ئه‌وه‌ی که خوا فه‌رمانی پێداوه هێشتا ئاده‌میزاد به‌جێی نه‌هێناوه‌. كَلَّا لَمَّا يَقْضِ مَا أَمَرَهُ
24 ده‌با ئاده‌میزاد سه‌یری خواردنه‌که‌ی بکات و سه‌رنجی بدات و بیری لێ بکاته‌وه‌. فَلْيَنظُرِ الْإِنسَانُ إِلَى طَعَامِهِ
25 بێگومان ئێمه ئاومان بۆ دابارانده‌وه‌ته خواره‌وه‌، چۆن دابارینێت. أَنَّا صَبَبْنَا الْمَاء صَبًّا
26 له‌وه‌ودوا زه‌ویمان بۆ له‌ت له‌ت به چه‌که‌ره‌ی ناسکی ڕووه‌ك. ثُمَّ شَقَقْنَا الْأَرْضَ شَقًّا
27 ئینجا دانه‌وێڵه‌مان تێادا ڕوواند. فَأَنبَتْنَا فِيهَا حَبًّا
28 هه‌روه‌ها ترێ و سه‌وزه‌مان. وَعِنَبًا وَقَضْبًا
29 هه‌روه‌ها زه‌یتوون و دارخورمایش. وَزَيْتُونًا وَنَخْلًا
30 باخچه‌ی ده‌وره‌دراو به دارخورما یان دره‌ختی تر، یاخود باخی چڕو پڕ. وَحَدَائِقَ غُلْبًا
31 جۆره‌ها میوه‌، هاوڕێ له‌گه‌ڵ هه‌موو ئه‌و گژو گیایانه‌ی که خواکرده و ماڵات ده‌یخوات له له‌وه‌ڕگاکاندا. وَفَاكِهَةً وَأَبًّا
32 (هه‌موو ئه‌مانه ئاماده‌مان کردووه‌) تا خۆتان و ماڵاته‌کانتان سوودی لێ وه‌ربگرن. مَّتَاعًا لَّكُمْ وَلِأَنْعَامِكُمْ
33 جا کاتێك قیامه‌ت به‌رپا بوو به‌هۆی ده‌نگێکی به‌هێزی گوێ کپ که‌ره‌وه‌. فَإِذَا جَاءتِ الصَّاخَّةُ
34 ئه‌و ڕۆژه (هێنده سامناکه‌) برا له‌ده‌ست براکه‌ی هه‌ڵدێت و ڕاده‌کات و خۆی لێ ده‌شارێته‌وه‌. يَوْمَ يَفِرُّ الْمَرْءُ مِنْ أَخِيهِ
35 هه‌روه‌ها له‌ده‌ست دایك و باوکی... وَأُمِّهِ وَأَبِيهِ
36 له‌ده‌ست هاوسه‌رو کوڕه‌کانی... وَصَاحِبَتِهِ وَبَنِيهِ
37 له‌و ڕۆژه‌دا هه‌رکه‌سێك له‌وانه ئه‌وه‌نده سه‌رگه‌رمی کێشه‌ی خۆیه‌تی، ناتوانێت فریای که‌سی تر بکه‌وێت. لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ
38 له‌و ڕۆژه‌دا ڕووخسارانێك گه‌ش و جوان و ڕوون و شادن. وُجُوهٌ يَوْمَئِذٍ مُّسْفِرَةٌ
39 ده‌م پێکه‌نینن، مژده و شادییان لێ ده‌دره‌وشێته‌وه‌. ضَاحِكَةٌ مُّسْتَبْشِرَةٌ
40 له‌و ڕۆژه‌دا ڕووخسارانێکیش هه‌ن که گژو تاڵ و تۆزاوی و په‌ست غه‌مگینن. وَوُجُوهٌ يَوْمَئِذٍ عَلَيْهَا غَبَرَةٌ
41 دێزی و ڕه‌شی و تاریکی دایپۆشیوون. تَرْهَقُهَا قَتَرَةٌ
42 ئا ئه‌وانه بێ باوه‌ڕو خوانه‌ناس و تاوانبارو گوناهکاره‌کانن. أُوْلَئِكَ هُمُ الْكَفَرَةُ الْفَجَرَةُ
Next Surah At-Takwir
;