Al-Ma'arij

  1. Home
  2. Translation
  3. Hausa: Abubakar Mahmoud Gumi
Change Language
Change Surah
Change Recitation

Hausa: Abubakar Mahmoud Gumi

 Play All
# Translation Ayah
1 Wani mai tambaya yã yi tambaya game da azãba, mai aukuwa. سَأَلَ سَائِلٌ بِعَذَابٍ وَاقِعٍ
2 Ga kãfirai, bã ta da mai tunkuɗẽwa. لِّلْكَافِرينَ لَيْسَ لَهُ دَافِعٌ
3 Daga Allah Mai matãkala. مِّنَ اللَّهِ ذِي الْمَعَارِجِ
4 Malã'iku da Ruhi (Jibrila) sunã tãkãwa zuwa gare Shi, a cikin yini wanda gwargwadonsa, shẽkara dubu hamsin ne. تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ
5 Sabõda haka, ka yi haƙuri, haƙuri mai kyãwo. فَاصْبِرْ صَبْرًا جَمِيلًا
6 Lalle ne su, sunã ganin ta mai nĩsa. إِنَّهُمْ يَرَوْنَهُ بَعِيدًا
7 Kuma Mu, Muna ganin ta a kusa. وَنَرَاهُ قَرِيبًا
8 Rãnar da sama zã ta kasance kamar narkakkar azurfa. يَوْمَ تَكُونُ السَّمَاء كَالْمُهْلِ
9 Kuma duwãtsu su zama kamar saɓin sũfi. وَتَكُونُ الْجِبَالُ كَالْعِهْنِ
10 Kuma abõki bã ya tambayar inda wani abõki yake. وَلَا يَسْأَلُ حَمِيمٌ حَمِيمًا
11 Ana sanya su, su gajũna, mai laifi na gũrin dã zai iya yin fansa, daga azãbar rãnar nan, da ɗiyansa, يُبَصَّرُونَهُمْ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ
12 Da matarsa da ɗan'uwansa. وَصَاحِبَتِهِ وَأَخِيهِ
13 Da danginsa, mãsu tattarã shi. وَفَصِيلَتِهِ الَّتِي تُؤْويهِ
14 Da wanda ke a cikin dũniya duka gabã ɗaya, sa'an nan fansar, ta tsĩrar da shi. وَمَن فِي الْأَرْضِ جَمِيعًا ثُمَّ يُنجِيهِ
15 A'aha! Lalle ne fa, ita ce Lazã, كَلَّا إِنَّهَا لَظَى
16 Mai twãle fãtar goshi. نَزَّاعَةً لِّلشَّوَى
17 Tanã kiran wanda ya jũya bãya (daga addini) kuma ya kau da kai. تَدْعُو مَنْ أَدْبَرَ وَتَوَلَّى
18 Ya tãra (dũkiya), kuma ya sanya ta a cikin jaka. وَجَمَعَ فَأَوْعَى
19 Lalle ne mutum an halitta shi mai ciwon kwaɗayi. إِنَّ الْإِنسَانَ خُلِقَ هَلُوعًا
20 Idan sharri ya shãfe shi, ya kãsa haƙuri. إِذَا مَسَّهُ الشَّرُّ جَزُوعًا
21 Kuma idan alhẽri ya shãfe shi, ya yi rõwa. وَإِذَا مَسَّهُ الْخَيْرُ مَنُوعًا
22 Sai mãsu yin salla, إِلَّا الْمُصَلِّينَ
23 Waɗanda suke, a kan sallarsu, su, mãsu dawwama ne. الَّذِينَ هُمْ عَلَى صَلَاتِهِمْ دَائِمُونَ
24 Kuma waɗanda a cikin dũkiyarsu, akwai wani haƙƙi sananne. وَالَّذِينَ فِي أَمْوَالِهِمْ حَقٌّ مَّعْلُومٌ
25 Ga (matalauci) mai rõƙo da wanda aka hanã wa roƙon. لِّلسَّائِلِ وَالْمَحْرُومِ
26 Da waɗannan da ke gaskata rãnar sakamako. وَالَّذِينَ يُصَدِّقُونَ بِيَوْمِ الدِّينِ
27 Da waɗannan sabõda azãbar Ubangijinsu, suna jin tsõro. وَالَّذِينَ هُم مِّنْ عَذَابِ رَبِّهِم مُّشْفِقُونَ
28 Lalle ne, azãbar Ubangijinsu bã wadda ake iya amincẽwaba ce. إِنَّ عَذَابَ رَبِّهِمْ غَيْرُ مَأْمُونٍ
29 Da waɗanda suke, ga farjojinsu, mãsu tsarewa ne. وَالَّذِينَ هُمْ لِفُرُوجِهِمْ حَافِظُونَ
30 Sai fa a kan matan aurensu da abin da hannayensu na dãma suka mallaka. To lalle ne sũkam ba waɗanda ake zargi ba ne. إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ
31 To, duk wanda ya nẽmi abin da yake a bayan wannan, to, waɗancan sũ ne mãsu ƙetare iyãka. فَمَنِ ابْتَغَى وَرَاء ذَلِكَ فَأُوْلَئِكَ هُمُ الْعَادُونَ
32 Kuma da waɗannan da suke ga amãnõninsu da alkawarinsu mãsu tsarẽwa ne. وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ
33 Kuma da waɗanda suke, ga shaidarsu, mãsu dãgẽwa ne. وَالَّذِينَ هُم بِشَهَادَاتِهِمْ قَائِمُونَ
34 Kuma waɗanda suke, a kan sallarsu, mãsu tsarẽwa ne. وَالَّذِينَ هُمْ عَلَى صَلَاتِهِمْ يُحَافِظُونَ
35 Waɗannan, a cikin gidãjen Aljanna, waɗanda ake girmamãwa ne أُوْلَئِكَ فِي جَنَّاتٍ مُّكْرَمُونَ
36 Mẽ yã sãmi waɗanda suka kãfirta, a wajenka, sunã gaugãwar (gudu). فَمَالِ الَّذِينَ كَفَرُوا قِبَلَكَ مُهْطِعِينَ
37 Daga jihar dãma, kuma daga jihar hagu, jama'a-jama'a! عَنِ الْيَمِينِ وَعَنِ الشِّمَالِ عِزِينَ
38 Shin kõwane mutum daga cikinsu yana nẽman a shigar da shi a Aljannar ni'ima ne (ba da wani aiki ba)? أَيَطْمَعُ كُلُّ امْرِئٍ مِّنْهُمْ أَن يُدْخَلَ جَنَّةَ نَعِيمٍ
39 A'aha! Lalle Mũ, Mun halitta su, daga abin da suka sani. كَلَّا إِنَّا خَلَقْنَاهُم مِّمَّا يَعْلَمُونَ
40 Sabõda haka ba sai Na yi rantsuwa da Ubangijin wurãren ɓullõwar rãna da wurãren fãɗuwarta ba, lalle Mũ, Mãsu iyãwa ne. فَلَا أُقْسِمُ بِرَبِّ الْمَشَارِقِ وَالْمَغَارِبِ إِنَّا لَقَادِرُونَ
41 Ga Mu musanya waɗanda suke mafi alhẽri, daga gare su. Kuma ba Mu kasance waɗanda ake rinjãya ba. عَلَى أَن نُّبَدِّلَ خَيْرًا مِّنْهُمْ وَمَا نَحْنُ بِمَسْبُوقِينَ
42 Sabõda haka ka bar su, su dulmuya, kuma su yi wãsã, har su haɗu da rãnarsu wadda ake yi musu alkawari (da ita). فَذَرْهُمْ يَخُوضُوا وَيَلْعَبُوا حَتَّى يُلَاقُوا يَوْمَهُمُ الَّذِي يُوعَدُونَ
43 Rãnar da suke fitowa daga kaburbura da gaugãwa, kamar sũ, zuwa ga wata kafaffiyar (tuta), suke yin gaugãwa. يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَى نُصُبٍ يُوفِضُونَ
44 Maƙaskanta ga idanunsu, wani walakanci yana rufe su. wannan shi ne yinin da suka kasance ana yi musa alkawari (a kansa.) خَاشِعَةً أَبْصَارُهُمْ تَرْهَقُهُمْ ذِلَّةٌ ذَلِكَ الْيَوْمُ الَّذِي كَانُوا يُوعَدُونَ
Next Surah Nuh
;