As-Saffat

  1. Home
  2. Translation
  3. Hausa: Abubakar Mahmoud Gumi
Change Language
Change Surah
Change Recitation

Hausa: Abubakar Mahmoud Gumi

 Play All
# Translation Ayah
1 Inã rantsuwa da mãsu yin sahu-sahu (a cikin salla kõ yãƙi). وَالصَّافَّاتِ صَفًّا
2 Sa'an nan mãsu yin tsãwa dõmin gargaɗi. فَالزَّاجِرَاتِ زَجْرًا
3 Sa'an nan da mãsu karãtun abin tunãtarwa. فَالتَّالِيَاتِ ذِكْرًا
4 Lalle Abin bautawarku haƙĩƙa ¦aya ne. إِنَّ إِلَهَكُمْ لَوَاحِدٌ
5 Ubangijin sammai da ƙasã da abin da ke tsakãninsu, kuma Ubangijin wurãren fitar rãnã. رَبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ
6 Lalle Mũ, Mun ƙãwatãr da sama ta kusa da wata ƙawa, watau taurãri. إِنَّا زَيَّنَّا السَّمَاء الدُّنْيَا بِزِينَةٍ الْكَوَاكِبِ
7 Kuma sunã tsari daga dukan Shaiɗan mai tsaurin kai. وَحِفْظًا مِّن كُلِّ شَيْطَانٍ مَّارِدٍ
8 Bã zã su iya saurãre zuwa ga jama'a mafi ɗaukaka (Malã'iku) ba, kuma anã jĩfar su daga kõwane gẽfe. لَا يَسَّمَّعُونَ إِلَى الْمَلَإِ الْأَعْلَى وَيُقْذَفُونَ مِن كُلِّ جَانِبٍ
9 Dõmin tunkuɗẽwa kuma sunã da wata azãba tabbatacciya. دُحُورًا وَلَهُمْ عَذَابٌ وَاصِبٌ
10 Fãce wanda ya fizgi wata kalma, sai yũla mai haske ta bĩ shi. إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ
11 Ka tambaye su: "Shin sũ ne mafi wuya ga halittawa, kõ, kuwa waɗanda Muka halitta?" Lalle Mũ, Mun halitta su daga lãkã mai ɗauri. فَاسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَا إِنَّا خَلَقْنَاهُم مِّن طِينٍ لَّازِبٍ
12 Ã'a, kã yi mãmãki, alhãli kuwa sunã ta yin izgili. بَلْ عَجِبْتَ وَيَسْخَرُونَ
13 Kuma idan aka tunãtar da su, bã su tunãwa. وَإِذَا ذُكِّرُوا لَا يَذْكُرُونَ
14 Idan suka ga wata ãyã, sai su dinga yin izgili. وَإِذَا رَأَوْا آيَةً يَسْتَسْخِرُونَ
15 Kuma su ce, "Wannnan bã kõme ba, fãce sihiri, ne bayyananne." وَقَالُوا إِنْ هَذَا إِلَّا سِحْرٌ مُّبِينٌ
16 "Shin, idan mun mutu, kuma muka kasance turɓaya da kasũsuwa, ashe, lalle mũ tabbas waɗandaake tãyarwa ne? أَئِذَا مِتْنَا وَكُنَّا تُرَابًا وَعِظَامًا أَئِنَّا لَمَبْعُوثُونَ
17 "Ashe kõ da ubanninmu na farko?" أَوَآبَاؤُنَا الْأَوَّلُونَ
18 Ka ce: "Na'am alhãli kuwa kunã ƙasƙantattu." قُلْ نَعَمْ وَأَنتُمْ دَاخِرُونَ
19 Tsãwa guda kawai ce, sai gã su, sunã dũbi. فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنظُرُونَ
20 Kuma su ce: "Yã bonenmu! Wannan ita ce rãnar sakamako." وَقَالُوا يَا وَيْلَنَا هَذَا يَوْمُ الدِّينِ
21 Wannan ita ce rãnar rarrabẽwa wadda kuka kasance kuna ƙaryatãwa. هَذَا يَوْمُ الْفَصْلِ الَّذِي كُنتُمْ بِهِ تُكَذِّبُونَ
22 Ku tãra waɗanda suka yi zãlunci, da abõkan haɗinsu, da abin da suka kasance sunã bautãwa. احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ
23 Wanin Allah, sabõda haka ku shiryar da su zuwa ga hanyar Jahĩm. مِن دُونِ اللَّهِ فَاهْدُوهُمْ إِلَى صِرَاطِ الْجَحِيمِ
24 Kuma ku tsayar da su, lalle su, waɗanda ake yi wa tambaya ne. وَقِفُوهُمْ إِنَّهُم مَّسْئُولُونَ
25 Me ya sãme ku, bã ku taimakon jũna? مَا لَكُمْ لَا تَنَاصَرُونَ
26 Ã'a, sũ a yau, mãsu sallamãwa ne. بَلْ هُمُ الْيَوْمَ مُسْتَسْلِمُونَ
27 Kuma sãshensu ya fuskanta ga sãshe, sunã tambayar jũna. وَأَقْبَلَ بَعْضُهُمْ عَلَى بَعْضٍ يَتَسَاءلُونَ
28 Suka ce: "Lalle kũ, kun kasance kunã jẽ mana daga wajen dãma (inda muka amince)." قَالُوا إِنَّكُمْ كُنتُمْ تَأْتُونَنَا عَنِ الْيَمِينِ
29 Suka ce: "Ã'a, ba ku kasance mũminai ba. قَالُوا بَل لَّمْ تَكُونُوا مُؤْمِنِينَ
30 "Kuma wani dalĩli bai kasance ba gare mu a kanku. Ã'a, kun kasance mutãne ne mãsu kẽtare iyãka." وَمَا كَانَ لَنَا عَلَيْكُم مِّن سُلْطَانٍ بَلْ كُنتُمْ قَوْمًا طَاغِينَ
31 "Sabõda haka maganar Ubangijinmu ta wajaba a kanmu. Lalle mũ, mãsu ɗanɗanãwa ne." فَحَقَّ عَلَيْنَا قَوْلُ رَبِّنَا إِنَّا لَذَائِقُونَ
32 "Sabõda haka muka ɓatar da ku. Lalle mũ, mun kasance ɓatattu." فَأَغْوَيْنَاكُمْ إِنَّا كُنَّا غَاوِينَ
33 To lalle sũ a rãnar nan, mãsu tãrayya ne a cikin azãbar. فَإِنَّهُمْ يَوْمَئِذٍ فِي الْعَذَابِ مُشْتَرِكُونَ
34 Lalle Mũ, kamar haka Muke aikatãwa game, da mãsu laifi. إِنَّا كَذَلِكَ نَفْعَلُ بِالْمُجْرِمِينَ
35 Lalle sũ, sun kasance idan an ce musu: "Bãbu abin bautãwa, fãce Allah," sai su dõra girman kai. إِنَّهُمْ كَانُوا إِذَا قِيلَ لَهُمْ لَا إِلَهَ إِلَّا اللَّهُ يَسْتَكْبِرُونَ
36 Kuma sunã cẽwa, "Shin, mũ lalle mãsu barin gumãkanmu ne, sabõda maganar wani mawãƙi mahaukaci? وَيَقُولُونَ أَئِنَّا لَتَارِكُوا آلِهَتِنَا لِشَاعِرٍ مَّجْنُونٍ
37 Ã'a, yã zo da gaskiya kuma ya gaskata Manzanni. بَلْ جَاء بِالْحَقِّ وَصَدَّقَ الْمُرْسَلِينَ
38 Lalle kũ, haƙĩƙa mãsu ɗanɗana azãba mai raɗaɗi ne. إِنَّكُمْ لَذَائِقُو الْعَذَابِ الْأَلِيمِ
39 Kuma bã zã a sãka muku ba fãce da abin da kuka kasance kunã aikatãwa. وَمَا تُجْزَوْنَ إِلَّا مَا كُنتُمْ تَعْمَلُونَ
40 Fãce bãyin Allah waɗanda aka tsarkake. إِلَّا عِبَادَ اللَّهِ الْمُخْلَصِينَ
41 Waɗannan sunã da abinci sananne. أُوْلَئِكَ لَهُمْ رِزْقٌ مَّعْلُومٌ
42 'Ya'yan itãcen marmari, kuma sunã waɗanda ake girmamãwa. فَوَاكِهُ وَهُم مُّكْرَمُونَ
43 A cikin gidãjen Aljannar ni'ima. فِي جَنَّاتِ النَّعِيمِ
44 A kan karagu, sunã mãsu fuskantar jũna. عَلَى سُرُرٍ مُّتَقَابِلِينَ
45 Anã kẽwayãwa a kansu da hinjãlan giya, ta daga waɗansu marẽmari. يُطَافُ عَلَيْهِم بِكَأْسٍ مِن مَّعِينٍ
46 Farã mai dãɗi ga mashãyan. بَيْضَاء لَذَّةٍ لِّلشَّارِبِينَ
47 A cikinta bãbu jirĩ kuma ba su zama mãsu mãye daga gare ta ba, لَا فِيهَا غَوْلٌ وَلَا هُمْ عَنْهَا يُنزَفُونَ
48 Kuma a wurinsu, akwai mãtan aure mãsu taƙaita kallonsu, mãsu manyan idãnu. وَعِنْدَهُمْ قَاصِرَاتُ الطَّرْفِ عِينٌ
49 Kamar dai su ƙwai ne ɓõyayye. كَأَنَّهُنَّ بَيْضٌ مَّكْنُونٌ
50 Sai sãshensu ya fuskanta a kan sãshe, sunã tambayar jũna. فَأَقْبَلَ بَعْضُهُمْ عَلَى بَعْضٍ يَتَسَاءلُونَ
51 Wani mai magana daga cikinsu ya ce: "Lalle ni wani abõki ya kasance a gare ni (a dũniya)." قَالَ قَائِلٌ مِّنْهُمْ إِنِّي كَانَ لِي قَرِينٌ
52 Yanã cewa, "Shin, kai lalle, kanã daga mãsu gaskatãwa ne?" يَقُولُ أَئِنَّكَ لَمِنْ الْمُصَدِّقِينَ
53 "Ashe, idan muka mutu, kuma muka, kasance turɓaya da kasũsuwa, ashe, lalle, mũ tabbas waɗanda ake sãka wa ne?" أَئِذَا مِتْنَا وَكُنَّا تُرَابًا وَعِظَامًا أَئِنَّا لَمَدِينُونَ
54 (Mai maganar) ya ce: "Shin, kõ ku, mãsu tsinkãya ne (mu gan shi)?" قَالَ هَلْ أَنتُم مُّطَّلِعُونَ
55 Sai ya tsinkãya, sai ya gan shi a cikin tsakar Jahim. فَاطَّلَعَ فَرَآهُ فِي سَوَاء الْجَحِيمِ
56 Ya ce (masa), "Wallahi, lalle, kã yi kusa, haƙĩƙã, ka halakãni." قَالَ تَاللَّهِ إِنْ كِدتَّ لَتُرْدِينِ
57 "Kuma bã dõmin ni'imar Ubangijĩna ba, lalle, dã na kasance daga waɗanda ake halartarwa (tãre da kai a cikin wutã)." وَلَوْلَا نِعْمَةُ رَبِّي لَكُنتُ مِنَ الْمُحْضَرِينَ
58 "Shin fa, ba mu zama mãsu mutuwa ba." أَفَمَا نَحْنُ بِمَيِّتِينَ
59 "Sai mutuwarmu ta farko, kuma ba mu zama waɗanda ake azabtarwa ba?" إِلَّا مَوْتَتَنَا الْأُولَى وَمَا نَحْنُ بِمُعَذَّبِينَ
60 Lalle, wannan shĩ ne babban rabo mai girma. إِنَّ هَذَا لَهُوَ الْفَوْزُ الْعَظِيمُ
61 Sabõda irin wannan, sai mãsu aiki su yi ta aikatãwa. لِمِثْلِ هَذَا فَلْيَعْمَلْ الْعَامِلُونَ
62 Shin wancan shĩ ne mafi zama alhẽri ga liyafa kõ itãciyar zaƙƙũm? أَذَلِكَ خَيْرٌ نُّزُلًا أَمْ شَجَرَةُ الزَّقُّومِ
63 Lalle, Mũ, Mun sanya ta fitina ga. azzãlumai. إِنَّا جَعَلْنَاهَا فِتْنَةً لِّلظَّالِمِينَ
64 Lalle ita wata itãciya ce wadda take fita daga asalin Jahĩm. إِنَّهَا شَجَرَةٌ تَخْرُجُ فِي أَصْلِ الْجَحِيمِ
65 Gundarta, kamar dai shi kãnun Shaiɗan ne. طَلْعُهَا كَأَنَّهُ رُؤُوسُ الشَّيَاطِينِ
66 To, lalle sũ haƙĩƙa mãsu ci ne daga gare ta. Sa'an nan mãsu cika cikuna ne daga gare ta. فَإِنَّهُمْ لَآكِلُونَ مِنْهَا فَمَالِؤُونَ مِنْهَا الْبُطُونَ
67 Sa'an nan lalle sunã da wani garwaye a kanta, daga ruwan zãfi. ثُمَّ إِنَّ لَهُمْ عَلَيْهَا لَشَوْبًا مِّنْ حَمِيمٍ
68 Sa'an nan lalle makomarsu, haƙĩƙa, zuwa ga Jãhĩm take. ثُمَّ إِنَّ مَرْجِعَهُمْ لَإِلَى الْجَحِيمِ
69 Lalle sũ, sun iske ubanninsu batattu. إِنَّهُمْ أَلْفَوْا آبَاءهُمْ ضَالِّينَ
70 Sabõda haka sũ, a kan gurãbunsu, suke gaggãwa. فَهُمْ عَلَى آثَارِهِمْ يُهْرَعُونَ
71 Kuma tabbas haƙĩƙa mafi yawan mutãnen farko sun ɓace a gabãninsu. وَلَقَدْ ضَلَّ قَبْلَهُمْ أَكْثَرُ الْأَوَّلِينَ
72 Kuma tabbas haƙĩƙa, Mun aika mãsu gargaɗi a cikinsu. وَلَقَدْ أَرْسَلْنَا فِيهِم مُّنذِرِينَ
73 Sai ka dũba yadda ãƙibar waɗanda aka yi wa gargaɗi ta kasance. فَانظُرْ كَيْفَ كَانَ عَاقِبَةُ الْمُنذَرِينَ
74 Fãce bãyin Allah waɗanda aka tsarkake. إِلَّا عِبَادَ اللَّهِ الْمُخْلَصِينَ
75 Kuma lalle, haƙĩƙa' Nũhu ya kira Mu. To, madalla da mãsu karɓãwa, Mu. وَلَقَدْ نَادَانَا نُوحٌ فَلَنِعْمَ الْمُجِيبُونَ
76 Kuma Mun tsĩrar da shi da mutãnensa daga bakin ciki babba. وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ
77 Muka sanya zurriyarsa sunã mãsu wanzuwa. وَجَعَلْنَا ذُرِّيَّتَهُ هُمْ الْبَاقِينَ
78 Kuma Muka bar masa (yabo) a cikin jama'ar ƙarshe. وَتَرَكْنَا عَلَيْهِ فِي الْآخِرِينَ
79 Aminci ya tabbata ga Nũhu, a cikin halittu. سَلَامٌ عَلَى نُوحٍ فِي الْعَالَمِينَ
80 Lalle Mũ kamar haka Muke sãka wa mãsu kyautatãwa. إِنَّا كَذَلِكَ نَجْزِي الْمُحْسِنِينَ
81 Lalle shi, yanã daga bãyinMu mũminai. إِنَّهُ مِنْ عِبَادِنَا الْمُؤْمِنِينَ
82 Sã'an nan Muka nutsar da waɗansunsu. ثُمَّ أَغْرَقْنَا الْآخَرِينَ
83 Kuma lalle daga ƙungiyarsa, haƙĩƙa, Ibrahĩm yake. وَإِنَّ مِن شِيعَتِهِ لَإِبْرَاهِيمَ
84 A lõkacin da ya je wa dangijinsa da zũciya kuɓutacciya. إِذْ جَاء رَبَّهُ بِقَلْبٍ سَلِيمٍ
85 A lõkacin da ya ce wa ubansa da mutãnensa, "Mẽne ne kuke bautãwa?" إِذْ قَالَ لِأَبِيهِ وَقَوْمِهِ مَاذَا تَعْبُدُونَ
86 "Shin, ƙiren ƙarya (wãtau) gumãka, wanin Allah, kuke bautãwa?" أَئِفْكًا آلِهَةً دُونَ اللَّهِ تُرِيدُونَ
87 "To, mẽne ne zatonku game da Ubangijin halittu?" فَمَا ظَنُّكُم بِرَبِّ الْعَالَمِينَ
88 Sai ya yi dũbi, dũba ta sõsai, a cikin taurãri. فَنَظَرَ نَظْرَةً فِي النُّجُومِ
89 Sã'an nan ya ce: "Nĩ mai rashin lãfiya ne." فَقَالَ إِنِّي سَقِيمٌ
90 Sai suka jũya ga barinsa, sunã mãsu jũyãwa da bãya. فَتَوَلَّوْا عَنْهُ مُدْبِرِينَ
91 Sai ya karkata zuwa ga gumãkansu, sa'an nan ya ce: "Ashe bã zã ku ci ba? فَرَاغَ إِلَى آلِهَتِهِمْ فَقَالَ أَلَا تَأْكُلُونَ
92 "Me ya sãme ku, bã ku magana?" مَا لَكُمْ لَا تَنطِقُونَ
93 Sai ya zuba dũka a kansu da hannun dãma. فَرَاغَ عَلَيْهِمْ ضَرْبًا بِالْيَمِينِ
94 Sai suka fuskanto zuwa gare shi, sunã gaggãwa. فَأَقْبَلُوا إِلَيْهِ يَزِفُّونَ
95 Ya ce, "Kunã bauta wa abin da kuke sassaƙawa, قَالَ أَتَعْبُدُونَ مَا تَنْحِتُونَ
96 "Alhãli, Allah ne Ya halitta ku game da abin da kuke aikatãwa?" وَاللَّهُ خَلَقَكُمْ وَمَا تَعْمَلُونَ
97 Suka ce: "Ku gina wani gini sabõda shi, sa'an nan ku jẽfa shi a cikin Jahĩm." قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ
98 Sabõda haka suka yi nufin makĩda game da shi. Sai Muka sanya su, sũ ne mafi ƙasƙanci. فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ
99 Kuma (Ibrahĩm] ya ce: "Lalle, nĩ mai tafiya ne zuwa ga Ubangijĩna, zai shiryar da ni." وَقَالَ إِنِّي ذَاهِبٌ إِلَى رَبِّي سَيَهْدِينِ
100 "Ya Ubangijĩna! Ka bã ni (abõkin zama) daga sãlihan mutãne." رَبِّ هَبْ لِي مِنَ الصَّالِحِينَ
101 Sai Muka yi masa bushãra da wani yãro mai haƙuri. فَبَشَّرْنَاهُ بِغُلَامٍ حَلِيمٍ
102 To, a lõkacin da ya isa aiki tãre da shi, ya ce: "Ya ƙaramin ɗãna! Lalle ne inã gani, a ciki barci, lalle inã yanka ka. To, ka dũba mẽ ka gani?" (Yãron) ya ce: "Ya, Bãbãna! Ka aikata abin da aka umurce ka, zã ka sãme ni, in Allah Ya so, daga mãsu haƙuri." فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانظُرْ مَاذَا تَرَى قَالَ يَا أَبَتِ افْعَلْ مَا تُؤْمَرُ سَتَجِدُنِي إِن شَاء اللَّهُ مِنَ الصَّابِرِينَ
103 To, a lõkacin da suka yi sallama, (Ibrahĩm) ya kãyar da shi ga gẽfen gõshinsa. فَلَمَّا أَسْلَمَا وَتَلَّهُ لِلْجَبِينِ
104 Kuma Muka kira shi cẽwa "Ya Ibrahĩm!" وَنَادَيْنَاهُ أَنْ يَا إِبْرَاهِيمُ
105 "Haƙĩƙa kã gaskata mafarkin." Lalle kamar haka Muke sãka wa mãsu kyautatãwa. قَدْ صَدَّقْتَ الرُّؤْيَا إِنَّا كَذَلِكَ نَجْزِي الْمُحْسِنِينَ
106 Lalle wannan ita ce jarrabãwa bayyananna. إِنَّ هَذَا لَهُوَ الْبَلَاء الْمُبِينُ
107 Kuma Muka yi fansar yãron da wani abin yanka, mai girma. وَفَدَيْنَاهُ بِذِبْحٍ عَظِيمٍ
108 Kuma Muka bar (yabo) a kansa a cikin mutãnen ƙarshe. وَتَرَكْنَا عَلَيْهِ فِي الْآخِرِينَ
109 Aminci ya tabbata ga Ibrãhĩm. سَلَامٌ عَلَى إِبْرَاهِيمَ
110 Kamar haka Muke sãka wa mãsu kyautatãwa. كَذَلِكَ نَجْزِي الْمُحْسِنِينَ
111 Lalle shĩ, yanã daga bãyinMu mũminai. إِنَّهُ مِنْ عِبَادِنَا الْمُؤْمِنِينَ
112 Kuma Muka yi masa bushãra Da Is'hãƙa ya zama Annabi daga sãlihan mutãne. وَبَشَّرْنَاهُ بِإِسْحَاقَ نَبِيًّا مِّنَ الصَّالِحِينَ
113 Kuma Muka yi albarka a gare shi, kuma ga Is'hãka. Kuma daga cikin zurriyarsu akwai mai kyautatãwa da kuma maizãlunci dõmin kansa, mai bayyanãwa (ga zãluncin). وَبَارَكْنَا عَلَيْهِ وَعَلَى إِسْحَاقَ وَمِن ذُرِّيَّتِهِمَا مُحْسِنٌ وَظَالِمٌ لِّنَفْسِهِ مُبِينٌ
114 Kuma lalle, Mun yi ni'ima ga Mũsã da Hãrũna. وَلَقَدْ مَنَنَّا عَلَى مُوسَى وَهَارُونَ
115 Kuma Muka tsĩrar da su da mutãnensu daga bakin ciki mai girma. وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ
116 Kuma Muka taimake su, sabõda haka suka kasance mãsu rinjãya. وَنَصَرْنَاهُمْ فَكَانُوا هُمُ الْغَالِبِينَ
117 Kuma Muka ba su Littãfi mai iyãkar bayãni. وَآتَيْنَاهُمَا الْكِتَابَ الْمُسْتَبِينَ
118 Kuma Muka shiryar da su ga hanya mĩƙaƙƙiya. وَهَدَيْنَاهُمَا الصِّرَاطَ الْمُسْتَقِيمَ
119 Kuma Muka bar (yabo) a gare su a cikin mutãnen karshe. وَتَرَكْنَا عَلَيْهِمَا فِي الْآخِرِينَ
120 Aminci ya tabbata ga Mũsã da Hãruna. سَلَامٌ عَلَى مُوسَى وَهَارُونَ
121 Lalle kamar haka Muke sãka wa mãsu kyautatãwa. إِنَّا كَذَلِكَ نَجْزِي الْمُحْسِنِينَ
122 Lalle, sunã daga bãyinMu mũminai. إِنَّهُمَا مِنْ عِبَادِنَا الْمُؤْمِنِينَ
123 Kuma lalle Ilyãs, haƙĩƙa, yanã daga Manzanni. وَإِنَّ إِلْيَاسَ لَمِنْ الْمُرْسَلِينَ
124 A lõkacin da yake ce wa mutãnensa, "Ashe, bã zã ku yi taƙawa ba?" إِذْ قَالَ لِقَوْمِهِ أَلَا تَتَّقُونَ
125 "Shin, kunã bauta wa Ba'al ne, kuma kunã barin Mafi kyautatãwar mãsu halitta?" أَتَدْعُونَ بَعْلًا وَتَذَرُونَ أَحْسَنَ الْخَالِقِينَ
126 "Allah Ubangijinku, kuma Ubangijin ubanninku farko?" وَاللَّهَ رَبَّكُمْ وَرَبَّ آبَائِكُمُ الْأَوَّلِينَ
127 Sai suka ƙaryata shi. Sabõda haka sũ lalle waɗanda zã a halartãwa ne (a wutã). فَكَذَّبُوهُ فَإِنَّهُمْ لَمُحْضَرُونَ
128 Sai bãyin Allah waɗanda aka tsarkake. إِلَّا عِبَادَ اللَّهِ الْمُخْلَصِينَ
129 Kuma Muka bar (yabo) a gare shi, a cikin mutãnen ƙarshe. وَتَرَكْنَا عَلَيْهِ فِي الْآخِرِينَ
130 Aminci ya tabbata ga Ilyãs. سَلَامٌ عَلَى إِلْ يَاسِينَ
131 Lalle Mũ kamar haka Muke sãka wa mãsu kyautatãwa. إِنَّا كَذَلِكَ نَجْزِي الْمُحْسِنِينَ
132 Lalle shĩ, yanã daga bãyinMu mũminai. إِنَّهُ مِنْ عِبَادِنَا الْمُؤْمِنِينَ
133 Kuma lalle Lũdu, haƙĩƙa, yanã daga Manzanni. وَإِنَّ لُوطًا لَّمِنَ الْمُرْسَلِينَ
134 A lõkacin da Muka tsĩrar da shi, da mutãnensa gabã ɗaya. إِذْ نَجَّيْنَاهُ وَأَهْلَهُ أَجْمَعِينَ
135 Sai wata tsõhuwa tanã a cikin mãsu wanzuwa (a cikin azãba). إِلَّا عَجُوزًا فِي الْغَابِرِينَ
136 Sã'an nan Muka darkãke waɗansu mutãnen. ثُمَّ دَمَّرْنَا الْآخَرِينَ
137 Kuma lalle kũ, haƙĩƙa, kunã shũɗewa a kansu, kunã mãsu asubanci. وَإِنَّكُمْ لَتَمُرُّونَ عَلَيْهِم مُّصْبِحِينَ
138 Kuma da dare. Shin fa, bã zã ku hankalta ba? وَبِاللَّيْلِ أَفَلَا تَعْقِلُونَ
139 Kuma lalle Yũnusa, haƙĩƙa, yanã daga Manzanni. وَإِنَّ يُونُسَ لَمِنَ الْمُرْسَلِينَ
140 A lõkacin da ya gudu zuwa ga jirgin ruwa wanda aka yi wa lõdi. إِذْ أَبَقَ إِلَى الْفُلْكِ الْمَشْحُونِ
141 Sã'an nan ya yi ƙuri'a, sai ya kasance a cikin waɗanda aka rinjaya. فَسَاهَمَ فَكَانَ مِنْ الْمُدْحَضِينَ
142 Sai kĩfi ya yi lõma da shi, alhãli kuwa yanã wanda ake zargi. فَالْتَقَمَهُ الْحُوتُ وَهُوَ مُلِيمٌ
143 To, ba dõmin lalle shi ya kasance daga mãsu tasbĩhi ba, فَلَوْلَا أَنَّهُ كَانَ مِنْ الْمُسَبِّحِينَ
144 Lalle dã ya zauna a cikin cikinsa har ya zuwa rãnar da zã a tãyar da su. لَلَبِثَ فِي بَطْنِهِ إِلَى يَوْمِ يُبْعَثُونَ
145 Sai Muka jẽfa shi ga wani fĩli alhãli kuwa yanã mai raunin rashin lãfiya. فَنَبَذْنَاهُ بِالْعَرَاء وَهُوَ سَقِيمٌ
146 Kuma Muka tsirar da wata itãciya ta kankana a kusa da shi. وَأَنبَتْنَا عَلَيْهِ شَجَرَةً مِّن يَقْطِينٍ
147 Kuma Muka aika shi zuwa ga waɗansu mutãne dubuɗari, kõ sunã ƙaruwa (a kan haka). وَأَرْسَلْنَاهُ إِلَى مِئَةِ أَلْفٍ أَوْ يَزِيدُونَ
148 Sai suka yi ĩmãni sabõda haka Muka jiyar da su dãdi har wani lõkaci. فَآمَنُوا فَمَتَّعْنَاهُمْ إِلَى حِينٍ
149 Sabõda haka, ka tambaye su, "Shin, Ubangijinka ne da 'ya'ya mãtã, kuma su da ɗiya maza?" فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ
150 Kõ kuma Mun halitta malã'iku mãtã ne, alhãli kuwa sũ sunãhalarce? أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ
151 To! Lalle sũ, daga ƙiren ƙaryarsu sunã cẽwa. أَلَا إِنَّهُم مِّنْ إِفْكِهِمْ لَيَقُولُونَ
152 "Allah Yã haihu," alhãli kuwa lalle sũ, haƙĩƙa maƙaryata ne. وَلَدَ اللَّهُ وَإِنَّهُمْ لَكَاذِبُونَ
153 Shin, Yã zãɓi 'yã'ya mãtã ne a kan ɗiya maza? أَصْطَفَى الْبَنَاتِ عَلَى الْبَنِينَ
154 Mẽ ya same ku? Yãya kuke hukuntãwa (wannanhukunci)? مَا لَكُمْ كَيْفَ تَحْكُمُونَ
155 Shin, bã ku tunãni? أَفَلَا تَذَكَّرُونَ
156 Ko kuma kunã da wani dalĩli bayyananne ne? أَمْ لَكُمْ سُلْطَانٌ مُّبِينٌ
157 To, ku zo da littãfinku idan kun kasance mãsu gaskiya. فَأْتُوا بِكِتَابِكُمْ إِن كُنتُمْ صَادِقِينَ
158 Kuma suka sanya nasaba a tsakãninSa da tsakãnin aljannu. Alhãli kuwa Lalle aljannu sun sani, "Lalle sũ, haƙĩƙa waɗanda ake halartarwa ne (a cikin wutã.)" وَجَعَلُوا بَيْنَهُ وَبَيْنَ الْجِنَّةِ نَسَبًا وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ
159 Tsarki ya tabbata ga Allah daga abin da suke siffantãwa. سُبْحَانَ اللَّهِ عَمَّا يَصِفُونَ
160 Sai bãyin Allah waɗanda aka tsarkake. إِلَّا عِبَادَ اللَّهِ الْمُخْلَصِينَ
161 To, lalle, ku da abin da kuke bautãwa, فَإِنَّكُمْ وَمَا تَعْبُدُونَ
162 Ba ku zama mãsu buwãya ba a gare Shi. مَا أَنتُمْ عَلَيْهِ بِفَاتِنِينَ
163 Sai wanda yake mai shiga babbar wutã Jahĩm. إِلَّا مَنْ هُوَ صَالِ الْجَحِيمِ
164 "Kuma bãbu kõwa daga cikinmu, fãce yanã da matsayi sananne." وَمَا مِنَّا إِلَّا لَهُ مَقَامٌ مَّعْلُومٌ
165 "Kuma lalle mu, haƙĩƙa, mũ ne mãsu yin sahu-sahu (dõmin ibãda)." وَإِنَّا لَنَحْنُ الصَّافُّونَ
166 "Kuma lalle mũ haƙĩƙa, mũ ne mãsu yin tasbĩhi." وَإِنَّا لَنَحْنُ الْمُسَبِّحُونَ
167 Kuma lalle sũ, sun kasance sunã cẽwa, وَإِنْ كَانُوا لَيَقُولُونَ
168 "Dã lalle munã da wani littãfi irin na mutãnen farko." لَوْ أَنَّ عِندَنَا ذِكْرًا مِّنْ الْأَوَّلِينَ
169 "Lalle dã mun kasance bãyin Allah waɗanda aka tsarkake." لَكُنَّا عِبَادَ اللَّهِ الْمُخْلَصِينَ
170 Sai suka kãfirta da shi. Sabõda haka zã su sani. فَكَفَرُوا بِهِ فَسَوْفَ يَعْلَمُونَ
171 Kuma lalle, haƙĩƙa kalmarMu ta gabãta ga bãyinMu, Manzanni. وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ
172 Lalle sũ, haƙĩƙa, sũ ne waɗanda ake taimako. إِنَّهُمْ لَهُمُ الْمَنصُورُونَ
173 Kuma lalle rundunarMu, haƙĩƙa, sũ ne marinjaya. وَإِنَّ جُندَنَا لَهُمُ الْغَالِبُونَ
174 Sabõda haka juya daga barinsu, har a wani lõkaci. فَتَوَلَّ عَنْهُمْ حَتَّى حِينٍ
175 Ka nũna musu (gaskiya), da haka zã su dinga gani. وَأَبْصِرْهُمْ فَسَوْفَ يُبْصِرُونَ
176 Shin fa, da azabarMu suke nẽman gaggãwa? أَفَبِعَذَابِنَا يَسْتَعْجِلُونَ
177 To, idan ta sauka ga farfãjiyarsu, to, sãfiyar wadanda ake yi wa gargaɗi ta mũnana. فَإِذَا نَزَلَ بِسَاحَتِهِمْ فَسَاء صَبَاحُ الْمُنذَرِينَ
178 Kuma ka jũya daga barinsu har a wani lõkaci. وَتَوَلَّ عَنْهُمْ حَتَّى حِينٍ
179 Ka nũna (musu gaskiya), da haka zã su dinga nũnãwa. وَأَبْصِرْ فَسَوْفَ يُبْصِرُونَ
180 Tsarki ya tabbata ga Ubangijinka, Ubangijin rinjãye, daga barin abin da suke siffantãwa. سُبْحَانَ رَبِّكَ رَبِّ الْعِزَّةِ عَمَّا يَصِفُونَ
181 Kuma aminci ya tabbata ga Manzanni. وَسَلَامٌ عَلَى الْمُرْسَلِينَ
182 Kuma gõdiya ta tabbata ga Allah Ubangijin halittu. وَالْحَمْدُ لِلَّهِ رَبِّ الْعَالَمِينَ
Next Surah Sad
;