Al-Mutaffife

  1. Home
  2. Translation
  3. Azerbaijani: Vasim Mammadaliyev and Ziya Bunyadov
Change Language
Change Surah
Change Recitation

Azerbaijani: Vasim Mammadaliyev and Ziya Bunyadov

 Play All
# Translation Ayah
1 Vay halına çəkidə və ölçüdə aldadanların! وَيْلٌ لِّلْمُطَفِّفِينَ
2 O kəslər ki, özlərini insanlardan (bir şey) aldıqları zaman onu tam ölçüb alar, الَّذِينَ إِذَا اكْتَالُواْ عَلَى النَّاسِ يَسْتَوْفُونَ
3 Onlar üçün ölçdükdə və ya çəkdikdə isə (onu) əskildərlər. وَإِذَا كَالُوهُمْ أَو وَّزَنُوهُمْ يُخْسِرُونَ
4 Məgər onlar (öləndən sonra) diriləcəklərini düşünmürlərmi?! أَلَا يَظُنُّ أُولَئِكَ أَنَّهُم مَّبْعُوثُونَ
5 Özü də dəhşətli bir gündə?! لِيَوْمٍ عَظِيمٍ
6 O gün bütün insanlar (haqq-hesab üçün) aləmlərin Rəbbinin (Allahın) hüzurunda duracaqlar! يَوْمَ يَقُومُ النَّاسُ لِرَبِّ الْعَالَمِينَ
7 Xeyr! Şübhəsiz ki, pis əməllərə uyanların (kafirlərin) əməl dəftəri (şeytanların əməllərinin yazıldığı və ya Cəhənnəmin ən alt təbəqəsi olan) Siccindədir! كَلَّا إِنَّ كِتَابَ الفُجَّارِ لَفِي سِجِّينٍ
8 Sən nə bilirsən (haradan bilirsən) ki, Siccin nədir?! (Və ya: Siccin nədir, bilirsənmi?) وَمَا أَدْرَاكَ مَا سِجِّينٌ
9 O, yazılı bir kitabdır! كِتَابٌ مَّرْقُومٌ
10 O gün vay halına yalan sayanların! وَيْلٌ يَوْمَئِذٍ لِّلْمُكَذِّبِينَ
11 O kəslər ki, haqq-hesab gününü yalan sayarlar. الَّذِينَ يُكَذِّبُونَ بِيَوْمِ الدِّينِ
12 Bunu isə ancaq həddini aşan, günaha batan yalan sayar. وَمَا يُكَذِّبُ بِهِ إِلَّا كُلُّ مُعْتَدٍ أَثِيمٍ
13 Ayələrimiz ona oxunduğu zaman: “(Bunlar) qədimlərin əfsanələridir (uydurmalarıdır!)” – deyər. إِذَا تُتْلَى عَلَيْهِ آيَاتُنَا قَالَ أَسَاطِيرُ الْأَوَّلِينَ
14 Xeyr (belə deyildir). Əslində onların qəlblərini qazandıqları (günahlar) qaplamışdır. كَلَّا بَلْ رَانَ عَلَى قُلُوبِهِم مَّا كَانُوا يَكْسِبُونَ
15 Xeyr, o gün Rəbbinin mərhəmətindən məhrum olacaqlar! كَلَّا إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ
16 Sonra Cəhənnəmə varid qalacaqlar. ثُمَّ إِنَّهُمْ لَصَالُوا الْجَحِيمِ
17 Sonra da onlara: “Bu sizin (dünyada) yalan saydığınız (Cəhənnəmdir)!” deyiləcəkdir. ثُمَّ يُقَالُ هَذَا الَّذِي كُنتُم بِهِ تُكَذِّبُونَ
18 Xeyr! (Mö’minlərlə kafirlər eyni ola bilməzlər). Şübhəsiz ki, yaxşı əməl və itaət sahibi olan mö’minlərin əməl dəftəri (Allahın ən müxlis bəndələrinin əməlləri yazıldığı və ya Cənnətin ən yüksək mərtəbəsi olan) İlliyyundadır! كَلَّا إِنَّ كِتَابَ الْأَبْرَارِ لَفِي عِلِّيِّينَ
19 Sən nə bilirsən (haradan bilirsən) ki, İlliyyun nədir?! وَمَا أَدْرَاكَ مَا عِلِّيُّونَ
20 O, yazılı bir kitabdır. كِتَابٌ مَّرْقُومٌ
21 Onu ancaq (Allaha) yaxın olan mələklər görə bilər! يَشْهَدُهُ الْمُقَرَّبُونَ
22 Həqiqətən, yaxşı əməl və itaət sahibi olan mö’minlər Nəim cənnətlərində olacaqlar. إِنَّ الْأَبْرَارَ لَفِي نَعِيمٍ
23 Onlar taxtlar üstündə (əyləşib Allahın hazır etdiyi ne’mətlərə) tamaşa edəcəklər. عَلَى الْأَرَائِكِ يَنظُرُونَ
24 Sən (ey Peyğəmbər!) onların üzlərində cənnət sevinci görəcəksən! تَعْرِفُ فِي وُجُوهِهِمْ نَضْرَةَ النَّعِيمِ
25 Onlara (gözəl ətirli, təmiz) möhürlü (qablarda olan) şərab (rəhiq) içirdiləcəkdir. يُسْقَوْنَ مِن رَّحِيقٍ مَّخْتُومٍ
26 Onun (içində rəhiq olan qabın) möhürü müşkdür. Qoy yarışanlar onun üçün yarışsınlar! خِتَامُهُ مِسْكٌ وَفِي ذَلِكَ فَلْيَتَنَافَسِ الْمُتَنَافِسُونَ
27 Ona təsnim (suyu) qatılmışdır. وَمِزَاجُهُ مِن تَسْنِيمٍ
28 O (təsnim) elə bir çeşmədir ki, ondan (təmiz halda) yalnız (Allaha) yaxın olanlar içər (qalanlara isə o rəhiq şərabına qatılıb verirlər). عَيْنًا يَشْرَبُ بِهَا الْمُقَرَّبُونَ
29 Həqiqətən, günahkarlar iman gətirmiş kimsələrə (dünyada) gülürdülər. إِنَّ الَّذِينَ أَجْرَمُوا كَانُواْ مِنَ الَّذِينَ آمَنُوا يَضْحَكُونَ
30 (Mö’minlərin) yanlarından keçərkən (onları dolamaq məqsədilə) bir-birinə qaş-göz edirdilər. وَإِذَا مَرُّواْ بِهِمْ يَتَغَامَزُونَ
31 Ailələrinin (yaxın adamlarının) yanına qayıtdıqda isə (onları doladıqları üçün) kefləri kök qayıdırdılar. وَإِذَا انقَلَبُواْ إِلَى أَهْلِهِمُ انقَلَبُواْ فَكِهِينَ
32 Onlar (mö’minləri) gördükdə: “Doğrusu, bunlar (haqq yoldan) azanlardır!” – deyirdilər. وَإِذَا رَأَوْهُمْ قَالُوا إِنَّ هَؤُلَاء لَضَالُّونَ
33 Halbuki onlara (mö’minlərə) nəzarətçi göndərilməmişdir. وَمَا أُرْسِلُوا عَلَيْهِمْ حَافِظِينَ
34 Bu gün isə mö’minlər kafirlərə güləcəklər. فَالْيَوْمَ الَّذِينَ آمَنُواْ مِنَ الْكُفَّارِ يَضْحَكُونَ
35 Onlar taxtlar üstündə (əyləşib) baxacaqlar (ki, görsünlər). عَلَى الْأَرَائِكِ يَنظُرُونَ
36 Kafirlər öz əməllərinin cəzasını aldılarmı?! (Əlbəttə, aldılar!) هَلْ ثُوِّبَ الْكُفَّارُ مَا كَانُوا يَفْعَلُونَ
Next Surah Al-Inshiqaq
;