Abasa

  1. Home
  2. Translation
  3. Azerbaijani: Vasim Mammadaliyev and Ziya Bunyadov
Change Language
Change Surah
Change Recitation

Azerbaijani: Vasim Mammadaliyev and Ziya Bunyadov

 Play All
# Translation Ayah
1 (Peyğəmbər) qaşqabağını töküb üzünü çevirdi. عَبَسَ وَتَوَلَّى
2 Yanına korun (Abdullah ibn Ümmi-Məktumun) gəlməsindən dolayı. أَن جَاءهُ الْأَعْمَى
3 Nə bilirsən, bəlkə də, o (səndən islama dair soruşub öyrənəcəkləri ilə) təmizlənəcəkdir! وَمَا يُدْرِيكَ لَعَلَّهُ يَزَّكَّى
4 Yaxud öyüd dinləyəcək və bu öyüd ona fayda verəcəkdir! أَوْ يَذَّكَّرُ فَتَنفَعَهُ الذِّكْرَى
5 (Var dövlətinə güvənib sənin öyüd-nəsihətinə qulaq asmağa) ehtiyac hiss etməyənə (dövlətliyə) gəldikdə, أَمَّا مَنِ اسْتَغْنَى
6 Sən üzünü ona tərəf çevirirsən (onun sözünə qulaq asırsan). فَأَنتَ لَهُ تَصَدَّى
7 Onun (küfrdən) təmizlənməsindən sənə nə?! وَمَا عَلَيْكَ أَلَّا يَزَّكَّى
8 Yüyürə-yüyürə sənin yanına gələn وَأَمَّا مَن جَاءكَ يَسْعَى
9 Və (Allahdan) qorxan kimsəyə gəldikdə isə, وَهُوَ يَخْشَى
10 Sən ondan üz çevirirsən! فَأَنتَ عَنْهُ تَلَهَّى
11 Xeyr! (Belə yaramaz, bir daha belə etmə). Həqiqətən, bu (ayələr) bir öyüd-nəsihətdir. كَلَّا إِنَّهَا تَذْكِرَةٌ
12 Kim istəsə, ondan öyüd alar. فَمَن شَاء ذَكَرَهُ
13 (Bu Qur’an Allah dərgahında) çox möhtərəm (mö’təbər) səhifələrdə - فِي صُحُفٍ مُّكَرَّمَةٍ
14 (Qədir-qiyməti) yüksək (şanı uca), tərtəmiz səhifələrdədir (Şeytan onlara toxuna bilməz). مَّرْفُوعَةٍ مُّطَهَّرَةٍ
15 (O, Allahla peyğəmbərlər arasında olan) elçi mələklərin əlləri ilə (lövhi-məhfuzdan köçürülür, yaxud o, elçi mələklərə e’tibar edilmişdir). بِأَيْدِي سَفَرَةٍ
16 (O mələklər ki, Allahın yanında) çox möhtərəm, (Allaha) çox müt’idirlər. كِرَامٍ بَرَرَةٍ
17 Ölsün (kafir) insan! O nə nankordur! قُتِلَ الْإِنسَانُ مَا أَكْفَرَهُ
18 (Bu təkəbbür onda hardandır? Allah) onu hansı şeydən yaratdı? مِنْ أَيِّ شَيْءٍ خَلَقَهُ
19 (Allah onu bir qətrə dəyərsiz) nütfədən yaratdı, ona biçim verdi. مِن نُّطْفَةٍ خَلَقَهُ فَقَدَّرَهُ
20 Sonra onun üçün (ana bətnindən çıxış) yolunu asanlaşdırdı. ثُمَّ السَّبِيلَ يَسَّرَهُ
21 Sonra onu öldürüb qəbrə qoydu. ثُمَّ أَمَاتَهُ فَأَقْبَرَهُ
22 Sonra da istədiyi vaxt onu dirildəcəkdir. ثُمَّ إِذَا شَاء أَنشَرَهُ
23 Xeyr, (insan Allahın) ona buyurduğunu hələ yerinə yetirməmişdir. كَلَّا لَمَّا يَقْضِ مَا أَمَرَهُ
24 İnsan hələ bir yeməyinə baxsın! (Görsün ki, ona necə ruzi verdik). فَلْيَنظُرِ الْإِنسَانُ إِلَى طَعَامِهِ
25 Həqiqətən, Biz yağışı bol yağdırdıq. أَنَّا صَبَبْنَا الْمَاء صَبًّا
26 Sonra yeri gözəl yaratdıq (yaxşı yardıq), ثُمَّ شَقَقْنَا الْأَرْضَ شَقًّا
27 Belə ki, orada dən (dənli bitkilər) göyərtdik; فَأَنبَتْنَا فِيهَا حَبًّا
28 Üzüm və yonca; وَعِنَبًا وَقَضْبًا
29 Zeytun və xurma (bağları); وَزَيْتُونًا وَنَخْلًا
30 (Ağacları bir-birinə) sarmaşan bağçalar; وَحَدَائِقَ غُلْبًا
31 (Növbənöv) meyvələr və ot (ələf) yetişdirdik. وَفَاكِهَةً وَأَبًّا
32 (Bütün bunlar) sizin və heyvanlarınızın istifadəsi üçündür! مَّتَاعًا لَّكُمْ وَلِأَنْعَامِكُمْ
33 Nəhayət, qulaqları kar edən (o dəhşətli səs) gələndə (İsrafil surunu çalanda); فَإِذَا جَاءتِ الصَّاخَّةُ
34 O gün insan qaçacaq öz qardaşından; يَوْمَ يَفِرُّ الْمَرْءُ مِنْ أَخِيهِ
35 Anasından, atasından; وَأُمِّهِ وَأَبِيهِ
36 Zövcəsindən və oğullarından! وَصَاحِبَتِهِ وَبَنِيهِ
37 O gün onlardan hər birinin istənilən qədər işi olacaqdır! (Hər kəs öz hayında olacaq, heç kəs heç kəsin halından xəbər tutmayacaqdır). لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ
38 O gün bir çox üzlər parlayacaq, وُجُوهٌ يَوْمَئِذٍ مُّسْفِرَةٌ
39 Güləcək, sevinəcəkdir. ضَاحِكَةٌ مُّسْتَبْشِرَةٌ
40 O gün bir çox üzlərə isə toz-torpaq qonacaq, وَوُجُوهٌ يَوْمَئِذٍ عَلَيْهَا غَبَرَةٌ
41 Onları zülmət (yaxud his) bürüyəcəkdir. تَرْهَقُهَا قَتَرَةٌ
42 Onlar (pis əməllərə uyan) kafirlər, pozğunlardır! أُوْلَئِكَ هُمُ الْكَفَرَةُ الْفَجَرَةُ
Next Surah At-Takwir
;