Al-Haqqa

  1. Home
  2. Translation
  3. Azerbaijani: Vasim Mammadaliyev and Ziya Bunyadov
Change Language
Change Surah
Change Recitation

Azerbaijani: Vasim Mammadaliyev and Ziya Bunyadov

 Play All
# Translation Ayah
1 Haqq olan qiyamət! الْحَاقَّةُ
2 Nədir qiyamət?! مَا الْحَاقَّةُ
3 Nə bilirsən (haradan bilirsən) ki, nədir qiyamət?! (Qiyamətin nə olduğunu sənə nə öyrətdi?) وَمَا أَدْرَاكَ مَا الْحَاقَّةُ
4 Səmud da, Ad da (ürəkləri dəhşətə salan) o qiyaməti yalan saymışdılar! كَذَّبَتْ ثَمُودُ وَعَادٌ بِالْقَارِعَةِ
5 Səmud (qövmü) hədsiz dərəcədə dəhşətli (tükürpədici) səslə həlak edildi. فَأَمَّا ثَمُودُ فَأُهْلِكُوا بِالطَّاغِيَةِ
6 Ad (qövmü) isə uğultulu, çox (soyuq və) siddətli bir küləklə tar-mar oldu. وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ
7 Allah o küləyi yeddi gecə, səkkiz gün ardı-arası kəsilmədən onların üstünə əsdirdi. Belə ki, (əgər yanlarında olsaydın) sən onları orada yıxılıb ölmüş görərdin. Onlar, sanki içi bomboş xurma kötükləri idilər. سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَى كَأَنَّهُمْ أَعْجَازُ نَخْلٍ خَاوِيَةٍ
8 İndi sən onlardan heç bir əsər-əlamət görə bilərsənmi?! فَهَلْ تَرَى لَهُم مِّن بَاقِيَةٍ
9 Fir’on da, ondan əvvəlkilər də, alt-üst olmuş Mö’təfikə əhli (Lut qövmü) də günah (xəta) törətmişdilər. وَجَاء فِرْعَوْنُ وَمَن قَبْلَهُ وَالْمُؤْتَفِكَاتُ بِالْخَاطِئَةِ
10 Onlar Rəbbinin peyğəmbərinə asi olmuş, O da onları şiddəti getdikcə artan bir əzabla yaxalamışdı. فَعَصَوْا رَسُولَ رَبِّهِمْ فَأَخَذَهُمْ أَخْذَةً رَّابِيَةً
11 Həqiqətən, hər tərəfi su basdığı zaman (Nuhun tufanı qopduqda) sizi gəmiyə Biz daşıdıq. إِنَّا لَمَّا طَغَى الْمَاء حَمَلْنَاكُمْ فِي الْجَارِيَةِ
12 Ona görə ki, bunu (mö’minlərə nicat verib kafirləri məhv etməyimizi) sizə bir ibrət dərsi edək və dərk edən (öyüd-nəsihəti cani-dildən dinləyən) qulaq bunu eşidib yadda saxlasın! لِنَجْعَلَهَا لَكُمْ تَذْكِرَةً وَتَعِيَهَا أُذُنٌ وَاعِيَةٌ
13 Sur bircə dəfə üfürüləcəyi; فَإِذَا نُفِخَ فِي الصُّورِ نَفْخَةٌ وَاحِدَةٌ
14 Yer və dağlar qaldırılıb bircə dəfə bir-birinə çırpılacağı (əzilib toza dönəcəyi) zaman - وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً
15 Məhz o gün (vaqe olacağına heç bir şübhə olmayan) qiyamət qopacaqdır! فَيَوْمَئِذٍ وَقَعَتِ الْوَاقِعَةُ
16 Və (göy) süst düşüb parçalanacaqdır! وَانشَقَّتِ السَّمَاء فَهِيَ يَوْمَئِذٍ وَاهِيَةٌ
17 Mələklər də onun (göyün) ətrafında (Allahın əmrinə müntəzir) olacaq və həmin gün (ya Peyğəmbər!) sənin Rəbbinin ərşini onların (başı) üstündə səkkiz mələk daşıyacaqdır! وَالْمَلَكُ عَلَى أَرْجَائِهَا وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ
18 O gün (ey insanlar!) siz (haqq-hesab üçün Rəbbinizin hüzuruna) gətiriləcəksiniz. Sizin heç bir sirriniz (Allahdan) gizli qalmayacaqdır! يَوْمَئِذٍ تُعْرَضُونَ لَا تَخْفَى مِنكُمْ خَافِيَةٌ
19 Əməl dəftəri sağ əlinə verilən kimsə deyəcəkdir: “Alın, əməl dəftərimi oxuyun! فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَؤُوا كِتَابِيهْ
20 Mən (dünyada ikən qiyamət günü) öz hesabıma yetişəcəyimə (möhkəm) inanmışdım!” إِنِّي ظَنَنتُ أَنِّي مُلَاقٍ حِسَابِيهْ
21 Bundan belə o, xoş güzəran içində, فَهُوَ فِي عِيشَةٍ رَّاضِيَةٍ
22 Yüksək bir Cənətdə olacaqdır. فِي جَنَّةٍ عَالِيَةٍ
23 (Elə bir Cənnət ki, onun) meyvələri çox yaxındadır (mö’minlər onlardan ayaq üstə olanda da, oturanda da, uzananda da yeyə biləcəklər). قُطُوفُهَا دَانِيَةٌ
24 (Onlara belə deyiləcəkdir:) “Keçmiş günlərdə etdiyiniz (yaxşı) əməllər müqabilində yeyin-için!” كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ
25 Əməl dəftəri sol əlinə verilən isə deyəcəkdir: “Kaş əməl dəftərim mənə verilməyəydi! وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيهْ
26 Hesabımın nə olduğunu bilməyəydim! وَلَمْ أَدْرِ مَا حِسَابِيهْ
27 Kaş o (ölüm) qəti (əbədi) olaydı! (Bir daha dirilib bu əzabı görməyəydim!) يَا لَيْتَهَا كَانَتِ الْقَاضِيَةَ
28 Mal-dövlətim mənə heç bir fayda vermədi (Allahın əzabını məndən dəf edə bilmədi). مَا أَغْنَى عَنِّي مَالِيهْ
29 Mülküm (səltənətim) də məhv olub getdi!” هَلَكَ عَنِّي سُلْطَانِيهْ
30 (Allah dərgahından belə bir nida gələcəkdir:) “Onu tutub qandallayın! خُذُوهُ فَغُلُّوهُ
31 Sonra da Cəhənnəmə atın! ثُمَّ الْجَحِيمَ صَلُّوهُ
32 Daha sonra onu yetmiş arşın uzunluğunda zəncirlə bağlayın! ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ
33 Çünki o, böyük olan Allaha inanmırdı. إِنَّهُ كَانَ لَا يُؤْمِنُ بِاللَّهِ الْعَظِيمِ
34 O (özü zəkat vermir, acizə, kimsəsizə kömək etmit, xalqda da) yoxsulu yedirtməyə rəğbət oyatmırdı. وَلَا يَحُضُّ عَلَى طَعَامِ الْمِسْكِينِ
35 Bu gün bax burda onun yaxın bir dostu yoxdur. فَلَيْسَ لَهُ الْيَوْمَ هَاهُنَا حَمِيمٌ
36 İrindən başqa bir yeməyi də yoxdur. وَلَا طَعَامٌ إِلَّا مِنْ غِسْلِينٍ
37 Onu ancaq günahkarlar yeyər!” لَا يَأْكُلُهُ إِلَّا الْخَاطِؤُونَ
38 And içirəm gördüklərinizə, فَلَا أُقْسِمُ بِمَا تُبْصِرُونَ
39 Və görmədiklərinizə ki, وَمَا لَا تُبْصِرُونَ
40 Bu (Qur’an) çox möhtərəm bir elçinin (Cəbrailin, yaxud Muhəmməd əleyhissəlamın Allahın ona nazil etdiyi) sözüdür! إِنَّهُ لَقَوْلُ رَسُولٍ كَرِيمٍ
41 O, şair sözü deyildir! Nə az inanırsınız! وَمَا هُوَ بِقَوْلِ شَاعِرٍ قَلِيلًا مَا تُؤْمِنُونَ
42 O, kahin sözü də deyildir! Nə az düşünürsünüz! وَلَا بِقَوْلِ كَاهِنٍ قَلِيلًا مَا تَذَكَّرُونَ
43 O, aləmlərin Rəbbi tərəfindən nazil edilmişdir. تَنزِيلٌ مِّن رَّبِّ الْعَالَمِينَ
44 Əgər o (Peyğəmbər) özündən bə’zi sözlər uydurub Bizə isnad etsəydi, وَلَوْ تَقَوَّلَ عَلَيْنَا بَعْضَ الْأَقَاوِيلِ
45 Biz ondan mütləq şiddətli intiqam alardıq (sağ əlini kəsərdik, yaxud boynunu vurardıq)! لَأَخَذْنَا مِنْهُ بِالْيَمِينِ
46 Sonra onun şah damarını qopardardıq! ثُمَّ لَقَطَعْنَا مِنْهُ الْوَتِينَ
47 Və heç biriniz də (Bizim əzabımızı) ondan dəf edə bilməzdiniz. فَمَا مِنكُم مِّنْ أَحَدٍ عَنْهُ حَاجِزِينَ
48 Şübhəsiz ki, bu (Qur’an) müttəqilərə bir öyüd-nəsihətdir. وَإِنَّهُ لَتَذْكِرَةٌ لِّلْمُتَّقِينَ
49 (Ey insanlar!) İçərinizdə onu yalan hesab edənlər olduğunu da, əlbəttə, bilirik. وَإِنَّا لَنَعْلَمُ أَنَّ مِنكُم مُّكَذِّبِينَ
50 Şübhəsiz ki, bu (Qur’an) kafirlər üçün bir peşmançılıqdır (ona inanmadıqlarına görə qiyamət günü böyük zərər çəkəcəklər). وَإِنَّهُ لَحَسْرَةٌ عَلَى الْكَافِرِينَ
51 Doğrudan da, bu (Qur’an) gerçək bir həqiqətdir. وَإِنَّهُ لَحَقُّ الْيَقِينِ
52 Elə isə (ya Peyğəmbər!) sən ulu olan Rəbbinin adını təsbih (müqəddəs tutub həmd-səna ilə zikr) et! فَسَبِّحْ بِاسْمِ رَبِّكَ الْعَظِيمِ
Next Surah Al-Ma'arij
;