Al-Ma'arij

  1. Home
  2. Translation
  3. Tatar: Yakub Ibn Nugman
Change Language
Change Surah
Change Recitation

Tatar: Yakub Ibn Nugman

 Play All
# Translation Ayah
1 Бер сораучы кәфер сорады киләчәк ґәзабны вә әйтте: "Әгәр ул Мухәммәд хәбәр биргән ґәзаб хак булса, ий Аллаһ безгә күктән таш яудыр" – дип. سَأَلَ سَائِلٌ بِعَذَابٍ وَاقِعٍ
2 Ул ґәзаб кәферләргә киләчәкдер, ул ґәзабны кире җибәрүче юк, لِّلْكَافِرينَ لَيْسَ لَهُ دَافِعٌ
3 дәрәҗәләр иясе булган Аллаһудан. مِّنَ اللَّهِ ذِي الْمَعَارِجِ
4 Фәрештәләр вә Җәбраил фәрештә Аллаһ билгеләгән югары урынга ашырлар, озынлыгы илле мең еллык көндә. تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ
5 Кәферләрнең сине инкяр итүләренә күркәм чыдау белән чыда! فَاصْبِرْ صَبْرًا جَمِيلًا
6 Ул кәферләр кыямәтне ерак, яки булмас, дип уйлыйлар. إِنَّهُمْ يَرَوْنَهُ بَعِيدًا
7 Әмма Без ул кыямәтнең вакыйгъ булуын бик якын күрәбез. وَنَرَاهُ قَرِيبًا
8 Ул көндә күк эрегән бакыр кеби булыр. يَوْمَ تَكُونُ السَّمَاء كَالْمُهْلِ
9 Вә таулар буялган йон кеби төрле төстә булырлар. وَتَكُونُ الْجِبَالُ كَالْعِهْنِ
10 Ул көндә дус дустыны сорамас. وَلَا يَسْأَلُ حَمِيمٌ حَمِيمًا
11 Ул дусларны бер-берсенә күрсәтерләр, шулай да сорашмаслар. Гөнаһлы кеше балаларын биреп, ґәзабтан котылуны теләр ул көндә. يُبَصَّرُونَهُمْ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ
12 вә хатынын һәм кардәшләрен биреп, وَصَاحِبَتِهِ وَأَخِيهِ
13 вә аны эченә алган кабиләсене биреп, وَفَصِيلَتِهِ الَّتِي تُؤْويهِ
14 вә җирдә булган барча мәхлукатне биреп, соңра шуларның барчасын ґәзабта калдырып, үзен коткаруны теләр. وَمَن فِي الْأَرْضِ جَمِيعًا ثُمَّ يُنجِيهِ
15 Кайда инде – аңа котылу була торган эш түгел, тәхкыйк ул ут ялкынланды. كَلَّا إِنَّهَا لَظَى
16 Бик катылык белән баш тиресен вә башка әгъзаларын кубарыр. نَزَّاعَةً لِّلشَّوَى
17 Ул ут чакырыр вә үзенә тартыр хактан артка киткән вә Аллаһуга итагать итүдән баш тарткан кешене. تَدْعُو مَنْ أَدْبَرَ وَتَوَلَّى
18 Һәм малны җыеп та фәкыйрьләргә, Аллаһ юлына бирмәгән саран кешене. وَجَمَعَ فَأَوْعَى
19 Тәхкыйк кеше саран, комсыз булып халык кылынды. إِنَّ الْإِنسَانَ خُلِقَ هَلُوعًا
20 Әгәр аңа бер зарар ирешсә, аның өчен бик кайгыручы вә тавыш күтәрүчедер. إِذَا مَسَّهُ الشَّرُّ جَزُوعًا
21 Әгәр аңа байлык ирешсә – саранлана, малының тиешле өлешен бирми. وَإِذَا مَسَّهُ الْخَيْرُ مَنُوعًا
22 Мәгәр намаз укучылар гына алар кеби түгелләр. إِلَّا الْمُصَلِّينَ
23 Алар бер намазларын да калдырмыйча даим укыйлар. الَّذِينَ هُمْ عَلَى صَلَاتِهِمْ دَائِمُونَ
24 Вә аларның малларында бер билгеле булган өлеш бардыр. وَالَّذِينَ فِي أَمْوَالِهِمْ حَقٌّ مَّعْلُومٌ
25 Сораучы мохтаҗлар өчен вә сорамаучы мохтаҗлар өчен, ягъни аларга малларыннан тиешле өлешне бирерләр. لِّلسَّائِلِ وَالْمَحْرُومِ
26 Дәхи алар кыямәт көненең булачагын тәсдыйк кылучылардыр. وَالَّذِينَ يُصَدِّقُونَ بِيَوْمِ الدِّينِ
27 Дәхи алар Раббыларының ґәзабыннан куркучылардыр. وَالَّذِينَ هُم مِّنْ عَذَابِ رَبِّهِم مُّشْفِقُونَ
28 Тәхкыйк Раббыларының ґәзабыннан курыкмыйча имин тору һич ярамыйдыр. إِنَّ عَذَابَ رَبِّهِمْ غَيْرُ مَأْمُونٍ
29 Дәхи алар гаурәтләрен зинадан саклаучылардыр. وَالَّذِينَ هُمْ لِفُرُوجِهِمْ حَافِظُونَ
30 Мәгәр үзләренең хатыннарына һәм кәнизәкләренә якынлык кылырлар, әлбәттә, алар моның өчен шелтәләнмәсләр. إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ
31 Берәү бу күрсәтелгәннән читкә китсә, ягъни зина кылса, андый кешеләр Аллаһуның чигеннән үткән кешеләрдер. فَمَنِ ابْتَغَى وَرَاء ذَلِكَ فَأُوْلَئِكَ هُمُ الْعَادُونَ
32 Дәхи алар алган әманәтләренә вә биргән вәгъдәләренә ригая кылучылардыр, ягъни хыянәт итмәсләр. وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ
33 Дәхи алар мөселманнар арасында бер эштә шаһит булсалар шәһитлек эшендә таза торырлар. وَالَّذِينَ هُم بِشَهَادَاتِهِمْ قَائِمُونَ
34 Дәхи алар намазларын саклап үз вакытында укучылар. وَالَّذِينَ هُمْ عَلَى صَلَاتِهِمْ يُحَافِظُونَ
35 Менә бу кешеләр җәннәтләрдә хөрмәтләнүчеләр. أُوْلَئِكَ فِي جَنَّاتٍ مُّكْرَمُونَ
36 Имансыз динсезләргә ни булган – төркем-төркем булып, فَمَالِ الَّذِينَ كَفَرُوا قِبَلَكَ مُهْطِعِينَ
37 уңнан да, сулдан да синең хозурыңа ашыгып киләләр. عَنِ الْيَمِينِ وَعَنِ الشِّمَالِ عِزِينَ
38 Әллә ул имансызлардан һәрберсе Нәгыйм җәннәтенә кертелүне өмет итәме? أَيَطْمَعُ كُلُّ امْرِئٍ مِّنْهُمْ أَن يُدْخَلَ جَنَّةَ نَعِيمٍ
39 Тәхкыйк Без кешеләрне халык кылдык үзләре белгән нәрсәдән. Ягъни беренче Адәм балчыктан, калган кешеләр бер тамчы судан. كَلَّا إِنَّا خَلَقْنَاهُم مِّمَّا يَعْلَمُونَ
40 Мәшрыйклар вә мәгърибләр Раббысы белән ант итәмен, тәхкыйк Без кадирбыз. فَلَا أُقْسِمُ بِرَبِّ الْمَشَارِقِ وَالْمَغَارِبِ إِنَّا لَقَادِرُونَ
41 Бу имансыз, динсез кешеләрне яхшырак кешеләргә алыштырырга, ягъни аларны һәммәсен һәлак итеп, алар урынына итагать итүче яхшы кешеләрне халык кылырга, Без эшебездә артка калучы түгелбез, һичбер эштә Бездән алга чыгучы булмас. عَلَى أَن نُّبَدِّلَ خَيْرًا مِّنْهُمْ وَمَا نَحْنُ بِمَسْبُوقِينَ
42 Син аларны ихтыярларына куй, батыл гамәлләренә чумсыннар вә һич файдасыз нәрсәләр белән уйнасыннар, хәтта вәгъдә ителгән көннәренә чаклы. فَذَرْهُمْ يَخُوضُوا وَيَلْعَبُوا حَتَّى يُلَاقُوا يَوْمَهُمُ الَّذِي يُوعَدُونَ
43 Кыямәт көнендә каберләреннән ашыгып чыгарлар, гүя үзләренең бер сөекле нәселләренә текәлгән кеби чакыручы фәрештә тарафына ашыгып барырлар. يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَى نُصُبٍ يُوفِضُونَ
44 Куркудан күзләре түбән төшкән хәлдә аларны хурлык каплаган булыр, бу көн аларга вәгъдә ителгән көндер. خَاشِعَةً أَبْصَارُهُمْ تَرْهَقُهُمْ ذِلَّةٌ ذَلِكَ الْيَوْمُ الَّذِي كَانُوا يُوعَدُونَ
Next Surah Nuh
;