An-Nazi'at

  1. Home
  2. Translation
  3. Urdu: Tahir ul Qadri
Change Language
Change Surah
Change Recitation

Urdu: Tahir ul Qadri

 Play All
# Translation Ayah
1 ان (فرشتوں) کی قَسم جو (کافروں کی جان ان کے جسموں کے ایک ایک انگ میں سے) نہایت سختی سے کھینچ لاتے ہیں۔ (یا:- توانائی کی ان لہروں کی قَسم جو مادہ کے اندر گھس کر کیمیائی جوڑوں کو سختی سے توڑ پھوڑ دیتی ہیں)، وَالنَّازِعَاتِ غَرْقًا
2 اور ان (فرشتوں) کی قَسم جو (مومنوں کی جان کے) بند نہایت نرمی سے کھول دیتے ہیں۔ (یا:- توانائی کی ان لہروں کی قَسم جو مادہ کے اندر سے کیمیائی جوڑوں کو نہایت نرمی اور آرام سے توڑ دیتی ہیں)، وَالنَّاشِطَاتِ نَشْطًا
3 اور ان (فرشتوں) کی قَسم جو (زمین و آسمان کے درمیان) تیزی سے تیرتے پھرتے ہیں۔ (یا:- توانائی کی ان لہروں کی قَسم جو آسمانی خلا و فضا میں بلا روک ٹوک چلتی پھرتی ہیں)، وَالسَّابِحَاتِ سَبْحًا
4 پھر ان (فرشتوں) کی قَسم جو لپک کر (دوسروں سے) آگے بڑھ جاتے ہیں۔ (یا:- پھر توانائی کی ان لہروں کی قَسم جو رفتار، طاقت اور جاذبیت کے لحاظ سے دوسری لہروں پر سبقت لے جاتی ہیں)، فَالسَّابِقَاتِ سَبْقًا
5 پھر ان (فرشتوں) کی قَسم جو مختلف اُمور کی تدبیر کرتے ہیں۔ (یا:- پھر توانائی کی ان لہروں کی قَسم جو باہمی تعامل سے کائناتی نظام کی بقا کے لئے توازن و تدبیر قائم رکھتی ہیں)، فَالْمُدَبِّرَاتِ أَمْرًا
6 (جب انہیں اس نظامِ کائنات کے درہم برہم کردینے کا حکم ہوگا تو) اس دن (کائنات کی) ہر متحرک چیز شدید حرکت میں آجائے گی، يَوْمَ تَرْجُفُ الرَّاجِفَةُ
7 پیچھے آنے والا ایک اور زلزلہ اس کے پیچھے آئے گا، تَتْبَعُهَا الرَّادِفَةُ
8 اس دن (لوگوں کے) دل خوف و اضطراب سے دھڑکتے ہوں گے، قُلُوبٌ يَوْمَئِذٍ وَاجِفَةٌ
9 ان کی آنکھیں (خوف و ہیبت سے) جھکی ہوں گی، أَبْصَارُهَا خَاشِعَةٌ
10 (کفّار) کہتے ہیں: کیا ہم پہلی زندگی کی طرف پلٹائے جائیں گے، يَقُولُونَ أَئِنَّا لَمَرْدُودُونَ فِي الْحَافِرَةِ
11 کیا جب ہم بوسیدہ (کھوکھلی) ہڈیاں ہو جائیں گے (تب بھی زندہ کیے جائیں گے)، أَئِذَا كُنَّا عِظَامًا نَّخِرَةً
12 وہ کہتے ہیں: یہ (لوٹنا) تو اس وقت بڑے خسارے کا لوٹنا ہوگا، قَالُوا تِلْكَ إِذًا كَرَّةٌ خَاسِرَةٌ
13 پھر تو یہ ایک ہی بار شدید ہیبت ناک آواز کے ساتھ (کائنات کے تمام اَجرام کا) پھٹ جانا ہوگا، فَإِنَّمَا هِيَ زَجْرَةٌ وَاحِدَةٌ
14 پھر وہ (سب لوگ) یکایک کھلے میدانِ (حشر) میں آموجود ہوں گے، فَإِذَا هُم بِالسَّاهِرَةِ
15 کیا آپ کے پاس موسٰی (علیہ السلام) کی خبر پہنچی ہے، هَلْ أتَاكَ حَدِيثُ مُوسَى
16 جب ان کے رب نے طوٰی کی مقدّس وادی میں انہیں پکارا تھا، إِذْ نَادَاهُ رَبُّهُ بِالْوَادِ الْمُقَدَّسِ طُوًى
17 (اور حکم دیا تھا کہ) فرعون کے پاس جاؤ وہ سرکش ہو گیا ہے، اذْهَبْ إِلَى فِرْعَوْنَ إِنَّهُ طَغَى
18 پھر (اس سے) کہو: کیا تیری خواہش ہے کہ تو پاک ہو جائے، فَقُلْ هَل لَّكَ إِلَى أَن تَزَكَّى
19 اور (کیا تو چاہتا ہے کہ) میں تیرے رب کی طرف تیری رہنمائی کروں تاکہ تو (اس سے) ڈرنے لگے، وَأَهْدِيَكَ إِلَى رَبِّكَ فَتَخْشَى
20 پھر موسٰی (علیہ السلام) نے اسے بڑی نشانی دکھائی، فَأَرَاهُ الْآيَةَ الْكُبْرَى
21 تو اس نے جھٹلا دیا اور نافرمانی کی، فَكَذَّبَ وَعَصَى
22 پھر وہ (حق سے) رُوگرداں ہو کر (موسٰی علیہ السلام کی مخالفت میں) سعی و کاوش کرنے لگا، ثُمَّ أَدْبَرَ يَسْعَى
23 پھر اس نے (لوگوں کو) جمع کیا اور پکارنے لگا، فَحَشَرَ فَنَادَى
24 پھر اس نے کہا: میں تمہارا سب سے بلند و بالا رب ہوں، فَقَالَ أَنَا رَبُّكُمُ الْأَعْلَى
25 تو اللہ نے اسے آخرت اور دنیا کی (دوہری) سزا میں پکڑ لیا، فَأَخَذَهُ اللَّهُ نَكَالَ الْآخِرَةِ وَالْأُولَى
26 بیشک اس (واقعہ) میں اس شخص کے لئے بڑی عبرت ہے جو (اللہ سے) ڈرتا ہے، إِنَّ فِي ذَلِكَ لَعِبْرَةً لِّمَن يَخْشَى
27 کیا تمہارا پیدا کرنا زیادہ مشکل ہے یا (پوری) سماوی کائنات کا، جسے اس نے بنایا، أَأَنتُمْ أَشَدُّ خَلْقًا أَمِ السَّمَاء بَنَاهَا
28 اس نے آسمان کے تمام کرّوں (ستاروں) کو (فضائے بسیط میں پیدا کر کے) بلند کیا، پھر ان (کی ترکیب و تشکیل اور افعال و حرکات) میں اعتدال، توازن اور استحکام پیدا کر دیا، رَفَعَ سَمْكَهَا فَسَوَّاهَا
29 اور اُسی نے آسمانی خلا کی رات کو (یعنی سارے خلائی ماحول کو مثلِ شب) تاریک بنایا، اور (اِس خلا سے) ان (ستاروں) کی روشنی (پیدا کر کے) نکالی، وَأَغْطَشَ لَيْلَهَا وَأَخْرَجَ ضُحَاهَا
30 اور اُسی نے زمین کو اِس (ستارے: سورج کے وجود میں آجانے) کے بعد (اِس سے) الگ کر کے زور سے پھینک دیا (اور اِسے قابلِ رہائش بنانے کے لئے بچھا دیا)، وَالْأَرْضَ بَعْدَ ذَلِكَ دَحَاهَا
31 اسی نے زمین میں سے اس کا پانی (الگ) نکال لیا اور (بقیہ خشک قطعات میں) اس کی نباتات نکالیں، أَخْرَجَ مِنْهَا مَاءهَا وَمَرْعَاهَا
32 اور اسی نے (بعض مادوں کو باہم ملا کر) زمین سے محکم پہاڑوں کو ابھار دیا، وَالْجِبَالَ أَرْسَاهَا
33 (یہ سب کچھ) تمہارے اور تمہارے چوپایوں کے فائدہ کے لئے (کیا)، مَتَاعًا لَّكُمْ وَلِأَنْعَامِكُمْ
34 پھر اس وقت (کائنات کے) بڑھتے بڑھتے (اس کی انتہا پر) ہر چیز پر غالب آجانے والی بہت سخت آفتِ (قیامت) آئے گی، فَإِذَا جَاءتِ الطَّامَّةُ الْكُبْرَى
35 اُس دن انسان اپنی (ہر) کوشش و عمل کو یاد کرے گا، يَوْمَ يَتَذَكَّرُ الْإِنسَانُ مَا سَعَى
36 اور ہر دیکھنے والے کے لئے دوزخ ظاہر کر دی جائے گی، وَبُرِّزَتِ الْجَحِيمُ لِمَن يَرَى
37 پھر جس شخص نے سرکشی کی ہوگی، فَأَمَّا مَن طَغَى
38 اور دنیاوی زندگی کو (آخرت پر) ترجیح دی ہوگی، وَآثَرَ الْحَيَاةَ الدُّنْيَا
39 تو بیشک دوزخ ہی (اُس کا) ٹھکانا ہوگا، فَإِنَّ الْجَحِيمَ هِيَ الْمَأْوَى
40 اور جو شخص اپنے رب کے حضور کھڑا ہونے سے ڈرتا رہا اور اُس نے (اپنے) نفس کو (بری) خواہشات و شہوات سے باز رکھا، وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى
41 تو بیشک جنت ہی (اُس کا) ٹھکانا ہوگا، فَإِنَّ الْجَنَّةَ هِيَ الْمَأْوَى
42 (کفّار) آپ سے قیامت کے بارے میں پوچھتے ہیں کہ اس کا وقوع کب ہوگا، يَسْأَلُونَكَ عَنِ السَّاعَةِ أَيَّانَ مُرْسَاهَا
43 تو آپ کو اس کے (وقت کے) ذکر سے کیا غرض، فِيمَ أَنتَ مِن ذِكْرَاهَا
44 اس کی انتہا تو آپ کے رب تک ہے (یعنی ابتداء کی طرح انتہاء میں بھی صرف وحدت رہ جائے گی)، إِلَى رَبِّكَ مُنتَهَاهَا
45 آپ تو محض اس شخص کو ڈر سنانے والے ہیں جو اس سے خائف ہے، إِنَّمَا أَنتَ مُنذِرُ مَن يَخْشَاهَا
46 گویا وہ جس دن اسے دیکھ لیں گے تو (یہ خیال کریں گے کہ) وہ (دنیا میں) ایک شام یا اس کی صبح کے سوا ٹھہرے ہی نہ تھے، كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا
Next Surah Abasa
;