Abasa

  1. Home
  2. Translation
  3. Urdu: Tahir ul Qadri
Change Language
Change Surah
Change Recitation

Urdu: Tahir ul Qadri

 Play All
# Translation Ayah
1 ان کے چہرۂ (اقدس) پر ناگواری آئی اور رخِ (انور) موڑ لیا، عَبَسَ وَتَوَلَّى
2 اس وجہ سے کہ ان کے پاس ایک نابینا آیا (جس نے آپ کی بات کو ٹوکا)، أَن جَاءهُ الْأَعْمَى
3 اور آپ کو کیا خبر شاید وہ (آپ کی توجہ سے مزید) پاک ہو جاتا، وَمَا يُدْرِيكَ لَعَلَّهُ يَزَّكَّى
4 یا (آپ کی) نصیحت قبول کرتا تو نصیحت اس کو (اور) فائدہ دیتی، أَوْ يَذَّكَّرُ فَتَنفَعَهُ الذِّكْرَى
5 لیکن جو شخص (دین سے) بے پروا ہے، أَمَّا مَنِ اسْتَغْنَى
6 تو آپ اس کے (قبولِ اسلام کے) لیے زیادہ اہتمام فرماتے ہیں، فَأَنتَ لَهُ تَصَدَّى
7 حالانکہ آپ پر کوئی ذمہ داری (کا بوجھ) نہیں اگرچہ وہ پاکیزگی (ایمان) اختیار نہ بھی کرے، وَمَا عَلَيْكَ أَلَّا يَزَّكَّى
8 اور وہ جو آپ کے پا س (خود طلبِ خیر کی) کوشش کرتا ہوا آیا، وَأَمَّا مَن جَاءكَ يَسْعَى
9 اور وہ (اپنے رب سے) ڈرتا بھی ہے، وَهُوَ يَخْشَى
10 تو آپ اُس سے بے توجہی فرما رہے ہیں، فَأَنتَ عَنْهُ تَلَهَّى
11 (اے حبیبِ مکرّم!) یوں نہیں بیشک یہ (آیاتِ قرآنی) تو نصیحت ہیں، كَلَّا إِنَّهَا تَذْكِرَةٌ
12 جو شخص چاہے اسے قبول (و اَزبر) کر لے، فَمَن شَاء ذَكَرَهُ
13 (یہ) معزّز و مکرّم اوراق میں (لکھی ہوئی) ہیں، فِي صُحُفٍ مُّكَرَّمَةٍ
14 جو نہایت بلند مرتبہ (اور) پاکیزہ ہیں، مَّرْفُوعَةٍ مُّطَهَّرَةٍ
15 ایسے سفیروں (اور کاتبوں) کے ہاتھوں سے (آگے پہنچی) ہیں، بِأَيْدِي سَفَرَةٍ
16 جو بڑے صاحبانِ کرامت (اور) پیکرانِ طاعت ہیں، كِرَامٍ بَرَرَةٍ
17 ہلاک ہو (وہ بد بخت منکر) انسان کیسا نا شکرا ہے (جو اتنی عظیم نعمت پا کر بھی اس کی قدر نہیں کرتا)، قُتِلَ الْإِنسَانُ مَا أَكْفَرَهُ
18 اللہ نے اسے کس چیز سے پیدا فرمایا ہے، مِنْ أَيِّ شَيْءٍ خَلَقَهُ
19 نطفہ میں سے اس کو پیدا فرمایا، پھر ساتھ ہی اس کا (خواص و جنس کے لحاظ سے) تعین فرما دیا، مِن نُّطْفَةٍ خَلَقَهُ فَقَدَّرَهُ
20 پھر (تشکیل، ارتقاء اور تکمیل کے بعد بطنِ مادر سے نکلنے کی) راہ اس کے لئے آسان فرما دی، ثُمَّ السَّبِيلَ يَسَّرَهُ
21 پھر اسے موت دی، پھر اسے قبر میں (دفن) کر دیا گیا، ثُمَّ أَمَاتَهُ فَأَقْبَرَهُ
22 پھر جب وہ چاہے گا اسے (دوبارہ زندہ کر کے) کھڑا کرے گا، ثُمَّ إِذَا شَاء أَنشَرَهُ
23 یقیناً اس (نافرمان انسان) نے وہ (حق) پورا نہ کیا جس کا اسے (اللہ نے) حکم دیا تھا، كَلَّا لَمَّا يَقْضِ مَا أَمَرَهُ
24 پس انسان کو چاہیے کہ اپنی غذا کی طرف دیکھے (اور غور کرے)، فَلْيَنظُرِ الْإِنسَانُ إِلَى طَعَامِهِ
25 بیشک ہم نے خوب زور سے پانی برسایا، أَنَّا صَبَبْنَا الْمَاء صَبًّا
26 پھر ہم نے زمین کو پھاڑ کر چیر ڈالا، ثُمَّ شَقَقْنَا الْأَرْضَ شَقًّا
27 پھر ہم نے اس میں اناج اگایا، فَأَنبَتْنَا فِيهَا حَبًّا
28 اور انگور اور ترکاری، وَعِنَبًا وَقَضْبًا
29 اور زیتون اور کھجور، وَزَيْتُونًا وَنَخْلًا
30 اور گھنے گھنے باغات، وَحَدَائِقَ غُلْبًا
31 اور (طرح طرح کے) پھل میوے اور (جانوروں کا) چارہ، وَفَاكِهَةً وَأَبًّا
32 خود تمہارے اور تمہارے مویشیوں کے لئے متاعِ (زیست)، مَّتَاعًا لَّكُمْ وَلِأَنْعَامِكُمْ
33 پھر جب کان پھاڑ دینے والی آواز آئے گی، فَإِذَا جَاءتِ الصَّاخَّةُ
34 اُس دن آدمی اپنے بھائی سے بھاگے گا، يَوْمَ يَفِرُّ الْمَرْءُ مِنْ أَخِيهِ
35 اور اپنی ماں اور اپنے باپ سے (بھی)، وَأُمِّهِ وَأَبِيهِ
36 اور اپنی بیوی اور اپنی اولاد سے (بھی)، وَصَاحِبَتِهِ وَبَنِيهِ
37 اس دن ہر شخص کو ایسی (پریشان کن) حالت لاحق ہوگی جو اسے (ہر دوسرے سے) بے پروا کر دے گی، لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ
38 اسی دن بہت سے چہرے (ایسے بھی ہوں گے جو نور سے) چمک رہے ہوں گے، وُجُوهٌ يَوْمَئِذٍ مُّسْفِرَةٌ
39 (وہ) مسکراتے ہنستے (اور) خوشیاں مناتے ہوں گے، ضَاحِكَةٌ مُّسْتَبْشِرَةٌ
40 اور بہت سے چہرے ایسے ہوں گے جن پر اس دن گرد پڑی ہوگی، وَوُجُوهٌ يَوْمَئِذٍ عَلَيْهَا غَبَرَةٌ
41 (مزید) ان (چہروں) پر سیاہی چھائی ہوگی، تَرْهَقُهَا قَتَرَةٌ
42 یہی لوگ کافر (اور) فاجر (بدکردار) ہوں گے، أُوْلَئِكَ هُمُ الْكَفَرَةُ الْفَجَرَةُ
Next Surah At-Takwir
;