Ash-Shu'araa

  1. Home
  2. Translation
  3. Swahili: Ali Muhsin Al-Barwani
Change Language
Change Surah
Change Recitation

Swahili: Ali Muhsin Al-Barwani

 Play All
# Translation Ayah
1 T'aa Siin Miim. (T'. S. M.) طسم
2 Hizi ni Aya za Kitabu kinacho bainisha. تِلْكَ آيَاتُ الْكِتَابِ الْمُبِينِ
3 Huenda labda ukajikera nafsi yako kwa kuwa hawawi Waumini. لَعَلَّكَ بَاخِعٌ نَّفْسَكَ أَلَّا يَكُونُوا مُؤْمِنِينَ
4 Tunge penda tungeli wateremshia kutoka mbinguni Ishara zikanyenyekea shingo zao. إِن نَّشَأْ نُنَزِّلْ عَلَيْهِم مِّن السَّمَاء آيَةً فَظَلَّتْ أَعْنَاقُهُمْ لَهَا خَاضِعِينَ
5 Wala hauwafikii ukumbusho mpya kutoka kwa Arrahman ila wao hujitenga nao. وَمَا يَأْتِيهِم مِّن ذِكْرٍ مِّنَ الرَّحْمَنِ مُحْدَثٍ إِلَّا كَانُوا عَنْهُ مُعْرِضِينَ
6 Kwa yakini wamekanusha; kwa hivyo zitakuja wafikia khabari za yale waliyo kuwa wakiyafanyia mzaha. فَقَدْ كَذَّبُوا فَسَيَأْتِيهِمْ أَنبَاء مَا كَانُوا بِهِ يَسْتَهْزِئُون
7 Je! Hawakuiona ardhi, mimea mingapi tumeiotesha humo, ya kila namna nzuri? أَوَلَمْ يَرَوْا إِلَى الْأَرْضِ كَمْ أَنبَتْنَا فِيهَا مِن كُلِّ زَوْجٍ كَرِيمٍ
8 Hakika katika haya zipo Ishara. Lakini wengi wao hawakuwa wenye kuamini. إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ
9 Na hakika Mola wako Mlezi ndiye Yeye Mwenye nguvu Mwenye kurehemu. وَإِنَّ رَبَّكَ لَهُوَ الْعَزِيزُ الرَّحِيمُ
10 Na Mola wako Mlezi, alipo mwita Musa, akamwambia: Fika kwa watu madhaalimu, وَإِذْ نَادَى رَبُّكَ مُوسَى أَنِ ائْتِ الْقَوْمَ الظَّالِمِينَ
11 Watu wa Firauni. Hawaogopi? قَوْمَ فِرْعَوْنَ أَلَا يَتَّقُونَ
12 Akasema: Hakika mimi nachelea wasinikanushe. قَالَ رَبِّ إِنِّي أَخَافُ أَن يُكَذِّبُونِ
13 Na kifua changu kina dhiki, na ulimi wangu haukunjuki vyema. Basi mtumie ujumbe Harun. وَيَضِيقُ صَدْرِي وَلَا يَنطَلِقُ لِسَانِي فَأَرْسِلْ إِلَى هَارُونَ
14 Na wao wana kisasi juu yangu, kwa hivyo naogopa wasije kuniuwa. وَلَهُمْ عَلَيَّ ذَنبٌ فَأَخَافُ أَن يَقْتُلُونِ
15 Akasema: Siyo hivyo kabisa! Nendeni na miujiza yetu. Hakika Sisi tu pamoja nanyi, tunasikiliza. قَالَ كَلَّا فَاذْهَبَا بِآيَاتِنَا إِنَّا مَعَكُم مُّسْتَمِعُونَ
16 Basi mfikieni Firauni na mwambieni: Hakika sisi ni Mitume wa Mola Mlezi wa walimwengu wote. فَأْتِيَا فِرْعَوْنَ فَقُولَا إِنَّا رَسُولُ رَبِّ الْعَالَمِينَ
17 Waachilie Wana wa Israili wende nasi. أَنْ أَرْسِلْ مَعَنَا بَنِي إِسْرَائِيلَ
18 (Firauni) akasema: Sisi hatukukulea wewe utotoni, na ukakaa kwetu katika umri wako miaka mingi? قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ
19 Na ukatenda kitendo chako ulicho tenda, nawe ukawa miongoni mwa wasio na shukrani? وَفَعَلْتَ فَعْلَتَكَ الَّتِي فَعَلْتَ وَأَنتَ مِنَ الْكَافِرِينَ
20 (Musa) akasema: Nilitenda hayo hapo nilipo kuwa miongoni mwa wale walio potea. قَالَ فَعَلْتُهَا إِذًا وَأَنَا مِنَ الضَّالِّينَ
21 Basi nikakukimbieni nilipo kuogopeni, tena Mola wangu Mlezi akanitunukia hukumu, na akanijaalia niwe miongoni mwa Mitume. فَفَرَرْتُ مِنكُمْ لَمَّا خِفْتُكُمْ فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ
22 Na hiyo ndiyo neema ya kunisumbulia, na wewe umewatia utumwani Wana wa Israili? وَتِلْكَ نِعْمَةٌ تَمُنُّهَا عَلَيَّ أَنْ عَبَّدتَّ بَنِي إِسْرَائِيلَ
23 Firauni akasema: Na nani huyo Mola Mlezi wa walimwengu wote? قَالَ فِرْعَوْنُ وَمَا رَبُّ الْعَالَمِينَ
24 Akasema: Ndiye Mola Mlezi wa mbingu na ardhi, na viliomo baina yao, ikiwa nyinyi ni wenye yakini. قَالَ رَبُّ السَّمَاوَاتِ وَالْأَرْضِ وَمَا بَيْنَهُمَا إن كُنتُم مُّوقِنِينَ
25 (Firauni) akawaambia walio mzunguka: Hamsikilizi? قَالَ لِمَنْ حَوْلَهُ أَلَا تَسْتَمِعُونَ
26 (Musa) akasema: Ndiye Mola wenu Mlezi, na Mola Mlezi wa baba zenu wa kwanza. قَالَ رَبُّكُمْ وَرَبُّ آبَائِكُمُ الْأَوَّلِينَ
27 (Firauni) akasema: Hakika huyu Mtume wenu aliye tumwa kwenu ni mwendawazimu. قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ
28 (Musa) akasema: Ndiye Mola Mlezi wa Mashariki na Magharibi na viliomo baina yao, ikiwa nyinyi mnatia akilini. قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا إِن كُنتُمْ تَعْقِلُونَ
29 (Firauni) akasema: Ukimfuata mungu mwengine asiye kuwa mimi, basi bila ya shaka nitakufunga gerezani. قَالَ لَئِنِ اتَّخَذْتَ إِلَهًا غَيْرِي لَأَجْعَلَنَّكَ مِنَ الْمَسْجُونِينَ
30 Akasema: Je! Ijapo kuwa nitakuletea kitu cha kubainisha wazi? قَالَ أَوَلَوْ جِئْتُكَ بِشَيْءٍ مُّبِينٍ
31 Akasema: Kilete basi, kama wewe ni katika wasemao kweli. قَالَ فَأْتِ بِهِ إِن كُنتَ مِنَ الصَّادِقِينَ
32 Basi akaitupa fimbo yake, mara ikawa nyoka wa kuonekana dhaahiri. فَأَلْقَى عَصَاهُ فَإِذَا هِيَ ثُعْبَانٌ مُّبِينٌ
33 Na akautoa mkono wake, na mara ukawa mweupe kwa watazamao. وَنَزَعَ يَدَهُ فَإِذَا هِيَ بَيْضَاء لِلنَّاظِرِينَ
34 (Firauni) akawaambia waheshimiwa walio mzunguka: Hakika huyu ni mchawi mtaalamu. قَالَ لِلْمَلَإِ حَوْلَهُ إِنَّ هَذَا لَسَاحِرٌ عَلِيمٌ
35 Anataka kukutoeni katika nchi yenu kwa uchawi wake. Basi mna shauri gani? يُرِيدُ أَن يُخْرِجَكُم مِّنْ أَرْضِكُم بِسِحْرِهِ فَمَاذَا تَأْمُرُونَ
36 Wakasema: Mpe muda yeye na nduguye na uwatume mijini wapigao mbiu ya mgambo. قَالُوا أَرْجِهِ وَأَخَاهُ وَابْعَثْ فِي الْمَدَائِنِ حَاشِرِينَ
37 Wakuletee kila mchawi bingwa mtaalamu. يَأْتُوكَ بِكُلِّ سَحَّارٍ عَلِيمٍ
38 Basi wakakusanywa wachawi wakati na siku maalumu. فَجُمِعَ السَّحَرَةُ لِمِيقَاتِ يَوْمٍ مَّعْلُومٍ
39 Na watu wakaambiwa: Je! Mtakusanyika? وَقِيلَ لِلنَّاسِ هَلْ أَنتُم مُّجْتَمِعُونَ
40 Huenda tutawafuata wachawi wakiwa wao ndio watakao shinda. لَعَلَّنَا نَتَّبِعُ السَّحَرَةَ إِن كَانُوا هُمُ الْغَالِبِينَ
41 Basi walipo kuja wachawi wakamwambia Firauni: Je! Tutapata ujira tukiwa sisi ndio tulio shinda? فَلَمَّا جَاء السَّحَرَةُ قَالُوا لِفِرْعَوْنَ أَئِنَّ لَنَا لَأَجْرًا إِن كُنَّا نَحْنُ الْغَالِبِينَ
42 Naam! Na hakika mtakuwa katika watu wa mbele. قَالَ نَعَمْ وَإِنَّكُمْ إِذًا لَّمِنَ الْمُقَرَّبِينَ
43 Musa akwaambia: Tupeni mnavyo taka kutupa. قَالَ لَهُم مُّوسَى أَلْقُوا مَا أَنتُم مُّلْقُونَ
44 Basi wakatupa kamba zao na fimbo zao, na wakasema: Kwa nguvu za Firauni hakika sisi hapana shaka ni wenye kushinda. فَأَلْقَوْا حِبَالَهُمْ وَعِصِيَّهُمْ وَقَالُوا بِعِزَّةِ فِرْعَوْنَ إِنَّا لَنَحْنُ الْغَالِبُونَ
45 Musa tena akatupa fimbo yake, nayo mara ikavimeza walivyo vizua. فَأَلْقَى مُوسَى عَصَاهُ فَإِذَا هِيَ تَلْقَفُ مَا يَأْفِكُونَ
46 Hapo wachawi walipinduka wakasujudu. فَأُلْقِيَ السَّحَرَةُ سَاجِدِينَ
47 Wakasema: Tunamuamini Mola Mlezi wa walimwengu wote. قَالُوا آمَنَّا بِرَبِّ الْعَالَمِينَ
48 Mola Mlezi wa Musa na Harun. رَبِّ مُوسَى وَهَارُونَ
49 (Firauni) akasema: Je! Mmemuamini kabla sijakuruhusuni? Bila ya shaka yeye basi ndiye mkubwa wenu aliye kufunzeni uchawi. Basi mtakuja jua! Nitakata mikono yenu na miguu yenu kwa kutafautisha. Na nitakubandikeni misalabani nyote. قَالَ آمَنتُمْ لَهُ قَبْلَ أَنْ آذَنَ لَكُمْ إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَسَوْفَ تَعْلَمُونَ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَافٍ وَلَأُصَلِّبَنَّكُمْ أَجْمَعِينَ
50 Wakasema: Haidhuru, kwani sisi ni wenye kurejea kwa Mola wetu Mlezi. قَالُوا لَا ضَيْرَ إِنَّا إِلَى رَبِّنَا مُنقَلِبُونَ
51 Hakika sisi tunatumai Mola wetu Mlezi atatusamehe makosa yetu, kwa kuwa ndio wa kwanza wa kuamini. إِنَّا نَطْمَعُ أَن يَغْفِرَ لَنَا رَبُّنَا خَطَايَانَا أَن كُنَّا أَوَّلَ الْمُؤْمِنِينَ
52 Na tulimuamrisha Musa kwa wahyi: Nenda na waja wangu wakati wa usiku. Kwa hakika mtafuatwa. وَأَوْحَيْنَا إِلَى مُوسَى أَنْ أَسْرِ بِعِبَادِي إِنَّكُم مُّتَّبَعُونَ
53 Basi Firauni akawatuma mijini wapiga mbiu za mgambo. فَأَرْسَلَ فِرْعَوْنُ فِي الْمَدَائِنِ حَاشِرِينَ
54 (Wakieneza): Hakika hawa ni kikundi kidogo. إِنَّ هَؤُلَاء لَشِرْذِمَةٌ قَلِيلُونَ
55 Nao wanatuudhi. وَإِنَّهُمْ لَنَا لَغَائِظُونَ
56 Na sisi ni wengi, wenye kuchukua hadhari. وَإِنَّا لَجَمِيعٌ حَاذِرُونَ
57 Basi tukawatoa katika mabustani na chemchem, فَأَخْرَجْنَاهُم مِّن جَنَّاتٍ وَعُيُونٍ
58 Na makhazina, na vyeo vya hishima, وَكُنُوزٍ وَمَقَامٍ كَرِيمٍ
59 Kadhaalika; na tukawarithisha hayo Wana wa Israili. كَذَلِكَ وَأَوْرَثْنَاهَا بَنِي إِسْرَائِيلَ
60 Basi wakawafuata lilipo chomoza jua. فَأَتْبَعُوهُم مُّشْرِقِينَ
61 Na yalipo onana majeshi mawili haya, watu wa Musa wakasema: Hakika sisi bila ya shaka tumepatikana! فَلَمَّا تَرَاءى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ
62 (Musa) akasema: Hasha! Hakika yu pamoja nami Mola wangu Mlezi. Yeye ataniongoa! قَالَ كَلَّا إِنَّ مَعِيَ رَبِّي سَيَهْدِينِ
63 Tulimletea wahyi Musa tukamwambia: Piga bahari kwa fimbo yako. Basi ikatengana, na kila sehemu ikawa kama mlima mkubwa. فَأَوْحَيْنَا إِلَى مُوسَى أَنِ اضْرِب بِّعَصَاكَ الْبَحْرَ فَانفَلَقَ فَكَانَ كُلُّ فِرْقٍ كَالطَّوْدِ الْعَظِيمِ
64 Na tukawajongeza hapo wale wengine. وَأَزْلَفْنَا ثَمَّ الْآخَرِينَ
65 Tukawaokoa Musa na walio kuwa pamoja naye wote. وَأَنجَيْنَا مُوسَى وَمَن مَّعَهُ أَجْمَعِينَ
66 Kisha tukawazamisha hao wengine. ثُمَّ أَغْرَقْنَا الْآخَرِينَ
67 Hakika bila ya shaka katika hayo ipo Ishara; lakini wengi wao si katika wenye kuamini. إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ
68 Na kwa hakika Mola wako Mlezi ndiye Mwenye nguvu Mwenye kurehemu. وَإِنَّ رَبَّكَ لَهُوَ الْعَزِيزُ الرَّحِيمُ
69 Na wasomee khabari za Ibrahim. وَاتْلُ عَلَيْهِمْ نَبَأَ إِبْرَاهِيمَ
70 Alipo mwambia baba yake na kaumu yake: Mnaabudu nini? إِذْ قَالَ لِأَبِيهِ وَقَوْمِهِ مَا تَعْبُدُونَ
71 Wakasema: Tunaabudu masanamu, daima tunayanyenyekea. قَالُوا نَعْبُدُ أَصْنَامًا فَنَظَلُّ لَهَا عَاكِفِينَ
72 Akasema: Je! Yanakusikieni mnapo yaita? قَالَ هَلْ يَسْمَعُونَكُمْ إِذْ تَدْعُونَ
73 Au yanakufaeni, au yanakudhuruni? أَوْ يَنفَعُونَكُمْ أَوْ يَضُرُّونَ
74 Wakasema: Bali tumewakuta baba zetu wakifanya hivyo hivyo. قَالُوا بَلْ وَجَدْنَا آبَاءنَا كَذَلِكَ يَفْعَلُونَ
75 Je! Mmewaona hawa mnao waabudu- قَالَ أَفَرَأَيْتُم مَّا كُنتُمْ تَعْبُدُونَ
76 Nyinyi na baba zenu wa zamani? أَنتُمْ وَآبَاؤُكُمُ الْأَقْدَمُونَ
77 Kwani hakika hao ni adui zangu, isipo kuwa Mola Mlezi wa walimwengu wote. فَإِنَّهُمْ عَدُوٌّ لِّي إِلَّا رَبَّ الْعَالَمِينَ
78 Ambaye ndiye aliye niumba, na Yeye ndiye ananiongoa, الَّذِي خَلَقَنِي فَهُوَ يَهْدِينِ
79 Na ambaye ndiye ananilisha na kuninywesha. وَالَّذِي هُوَ يُطْعِمُنِي وَيَسْقِينِ
80 Na ninapo ugua ni Yeye ndiye anaye niponesha. وَإِذَا مَرِضْتُ فَهُوَ يَشْفِينِ
81 Na ambaye atanifisha, na kisha atanihuisha. وَالَّذِي يُمِيتُنِي ثُمَّ يُحْيِينِ
82 Na ambaye ndiye ninaye mtumai kunisamehe makosa yangu Siku ya Malipo. وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ
83 Mola wangu Mlezi! Nitunukie hukumu na uniunganishe na watendao mema. رَبِّ هَبْ لِي حُكْمًا وَأَلْحِقْنِي بِالصَّالِحِينَ
84 Na unijaalie nitajwe kwa wema na watu watakao kuja baadaye. وَاجْعَل لِّي لِسَانَ صِدْقٍ فِي الْآخِرِينَ
85 Na unijaalie katika warithi wa Bustani za neema. وَاجْعَلْنِي مِن وَرَثَةِ جَنَّةِ النَّعِيمِ
86 Na umsamehe baba yangu, kwani hakika alikuwa miongoni mwa wapotovu. وَاغْفِرْ لِأَبِي إِنَّهُ كَانَ مِنَ الضَّالِّينَ
87 Wala usinihizi Siku watapo fufuliwa. وَلَا تُخْزِنِي يَوْمَ يُبْعَثُونَ
88 Siku ambayo kwamba mali hayato faa kitu wala wana. يَوْمَ لَا يَنفَعُ مَالٌ وَلَا بَنُونَ
89 Isipo kuwa mwenye kumjia Mwenyezi Mungu na moyo safi. إِلَّا مَنْ أَتَى اللَّهَ بِقَلْبٍ سَلِيمٍ
90 Na Pepo itasogezwa kwa wachamngu. وَأُزْلِفَتِ الْجَنَّةُ لِلْمُتَّقِينَ
91 Na Jahannamu itadhihirishwa kwa wapotovu. وَبُرِّزَتِ الْجَحِيمُ لِلْغَاوِينَ
92 Na wataambiwa: Wako wapi mlio kuwa mkiwaabudu وَقِيلَ لَهُمْ أَيْنَ مَا كُنتُمْ تَعْبُدُونَ
93 Badala ya Mwenyezi Mungu? Je! Wanakusaidieni, au wanajisaidia wenyewe? مِن دُونِ اللَّهِ هَلْ يَنصُرُونَكُمْ أَوْ يَنتَصِرُونَ
94 Basi watavurumizwa humo wao na hao wakosefu, فَكُبْكِبُوا فِيهَا هُمْ وَالْغَاوُونَ
95 Na majeshi ya Ibilisi yote. وَجُنُودُ إِبْلِيسَ أَجْمَعُونَ
96 Watasema, na hali ya kuwa wanazozana humo: قَالُوا وَهُمْ فِيهَا يَخْتَصِمُونَ
97 Wallahi! Kwa yakini tulikuwa katika upotovu ulio dhaahiri, تَاللَّهِ إِن كُنَّا لَفِي ضَلَالٍ مُّبِينٍ
98 Tulipo kufanyeni ni sawa na Mola Mlezi wa walimwengu wote. إِذْ نُسَوِّيكُم بِرَبِّ الْعَالَمِينَ
99 Na hawakutupoteza ila wale wakosefu. وَمَا أَضَلَّنَا إِلَّا الْمُجْرِمُونَ
100 Basi hatuna waombezi. فَمَا لَنَا مِن شَافِعِينَ
101 Wala rafiki wa dhati. وَلَا صَدِيقٍ حَمِيمٍ
102 Laiti tungeli pata kurejea tena tungeli kuwa katika Waumini. فَلَوْ أَنَّ لَنَا كَرَّةً فَنَكُونَ مِنَ الْمُؤْمِنِينَ
103 Hakika katika haya ipo Ishara, lakini wengi wao hawakuwa wenye kuamini. إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ
104 Na hakika Mola wako Mlezi ndiye Mwenye nguvu Mwenye kurehemu. وَإِنَّ رَبَّكَ لَهُوَ الْعَزِيزُ الرَّحِيمُ
105 Kaumu ya Nuhu waliwakadhibisha Mitume. كَذَّبَتْ قَوْمُ نُوحٍ الْمُرْسَلِينَ
106 Alipo waambia ndugu yao, Nuhu: Je! Hamchimngu? إِذْ قَالَ لَهُمْ أَخُوهُمْ نُوحٌ أَلَا تَتَّقُونَ
107 Hakika mimi kwenu ni Mtume muaminifu. إِنِّي لَكُمْ رَسُولٌ أَمِينٌ
108 Basi Mcheni Mwenyezi Mungu, na nit'iini mimi. فَاتَّقُوا اللَّهَ وَأَطِيعُونِ
109 Na sikutakini juu yake ujira, kwani ujira wangu hauko ila kwa Mola Mlezi wa walimwengu wote. وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ
110 Basi Mcheni Mwenyezi Mungu, na nit'iini mimi. فَاتَّقُوا اللَّهَ وَأَطِيعُونِ
111 Wakasema: Je! Tukuamini wewe, hali wanao kufuata ni watu wa chini? قَالُوا أَنُؤْمِنُ لَكَ وَاتَّبَعَكَ الْأَرْذَلُونَ
112 Akasema: Nayajuaje waliyo kuwa wakiyafanya? قَالَ وَمَا عِلْمِي بِمَا كَانُوا يَعْمَلُونَ
113 Hisabu yao haiko ila kwa Mola wao Mlezi, laiti mngeli tambua! إِنْ حِسَابُهُمْ إِلَّا عَلَى رَبِّي لَوْ تَشْعُرُونَ
114 Wala mimi si wa kuwafukuza Waumini. وَمَا أَنَا بِطَارِدِ الْمُؤْمِنِينَ
115 Mimi si cho chote ila ni Mwonyaji wa dhaahiri shaahiri. إِنْ أَنَا إِلَّا نَذِيرٌ مُّبِينٌ
116 Wakasema: Ikiwa huachi, ewe Nuhu, bila ya shaka utapigwa mawe. قَالُوا لَئِن لَّمْ تَنتَهِ يَا نُوحُ لَتَكُونَنَّ مِنَ الْمَرْجُومِينَ
117 Akasema: Mola wangu Mlezi! Hakika watu wangu wamenikanusha. قَالَ رَبِّ إِنَّ قَوْمِي كَذَّبُونِ
118 Basi hukumu baina yangu na wao kwa hukumu yako, na uniokoe mimi na walio pamoja nami, Waumini. فَافْتَحْ بَيْنِي وَبَيْنَهُمْ فَتْحًا وَنَجِّنِي وَمَن مَّعِي مِنَ الْمُؤْمِنِينَ
119 Kwa hivyo tukamwokoa yeye na walio kuwa pamoja naye katika marikebu iliyo sheheni. فَأَنجَيْنَاهُ وَمَن مَّعَهُ فِي الْفُلْكِ الْمَشْحُونِ
120 Kisha tukawazamisha baadaye walio bakia. ثُمَّ أَغْرَقْنَا بَعْدُ الْبَاقِينَ
121 Hakika katika haya ipo Ishara, lakini si wengi wao walio kuwa Waumini. إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ
122 Na hakika Mola wako Mlezi ndiye Yeye Mwenye nguvu Mwenye kurehemu. وَإِنَّ رَبَّكَ لَهُوَ الْعَزِيزُ الرَّحِيمُ
123 Kina A'd waliwakanusha Mitume. كَذَّبَتْ عَادٌ الْمُرْسَلِينَ
124 Alipo waambia ndugu yao, Hud: Je! Hamchimngu? إِذْ قَالَ لَهُمْ أَخُوهُمْ هُودٌ أَلَا تَتَّقُونَ
125 Hakika mimi kwenu ni Mtume muaminifu. إِنِّي لَكُمْ رَسُولٌ أَمِينٌ
126 Basi mcheni Mwenyezi Mungu, na nit'iini mimi. فَاتَّقُوا اللَّهَ وَأَطِيعُونِ
127 Wala sikutakeni juu yake ujira, kwani ujira wangu hauko ila kwa Mola Mlezi wa walimwengu wote. وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ
128 Je! Mnajenga juu ya kila mnyanyuko kumbusho la kufanyia upuuzi? أَتَبْنُونَ بِكُلِّ رِيعٍ آيَةً تَعْبَثُونَ
129 Na mnajenga majengo ya fakhari kama kwamba mtaishi milele! وَتَتَّخِذُونَ مَصَانِعَ لَعَلَّكُمْ تَخْلُدُونَ
130 Na mnapo tumia nguvu mnatumia nguvu kwa ujabari. وَإِذَا بَطَشْتُم بَطَشْتُمْ جَبَّارِينَ
131 Basi mcheni Mwenyezi Mungu, na nit'iini. فَاتَّقُوا اللَّهَ وَأَطِيعُونِ
132 Na mcheni aliye kupeni haya mnayo yajua. وَاتَّقُوا الَّذِي أَمَدَّكُم بِمَا تَعْلَمُونَ
133 Amekupeni wanyama wa kufuga na wana. أَمَدَّكُم بِأَنْعَامٍ وَبَنِينَ
134 Na mabustani na chemchem. وَجَنَّاتٍ وَعُيُونٍ
135 Hakika mimi ninakukhofieni adhabu ya Siku Kubwa. إِنِّي أَخَافُ عَلَيْكُمْ عَذَابَ يَوْمٍ عَظِيمٍ
136 Wakasema: Ni mamoja kwetu, ukitupa mawaidha au hukuwa miongoni mwa watoao mawaidha. قَالُوا سَوَاء عَلَيْنَا أَوَعَظْتَ أَمْ لَمْ تَكُن مِّنَ الْوَاعِظِينَ
137 Haya si chochote ila ni mtindo wa watu wa tokea zamani. إِنْ هَذَا إِلَّا خُلُقُ الْأَوَّلِينَ
138 Wala sisi hatutaadhibiwa. وَمَا نَحْنُ بِمُعَذَّبِينَ
139 Wakamkanusha; nasi tukawaangamiza. Hakika bila ya shaka katika haya ipo Ishara. Lakini hawakuwa wengi wao wenye kuamini. فَكَذَّبُوهُ فَأَهْلَكْنَاهُمْ إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ
140 Na hakika Mola wako Mlezi ndiye Mwenye nguvu Mwenye kurehemu. وَإِنَّ رَبَّكَ لَهُوَ الْعَزِيزُ الرَّحِيمُ
141 Kina Thamud waliwakanusha Mitume. كَذَّبَتْ ثَمُودُ الْمُرْسَلِينَ
142 Alipo waambia ndugu yao Saleh: Je! Hamumchimngu? إِذْ قَالَ لَهُمْ أَخُوهُمْ صَالِحٌ أَلَا تَتَّقُونَ
143 Hakika mimi kwenu ni Mtume muaminifu. إِنِّي لَكُمْ رَسُولٌ أَمِينٌ
144 Basi mcheni Mwenyezi Mungu, na nit'iini. فَاتَّقُوا اللَّهَ وَأَطِيعُونِ
145 Wala sikutakini ujira juu yake. Ujira wangu hauko ila kwa Mola Mlezi wa walimwengu wote. وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ
146 Je! Mtaachwa salama usalimina katika haya yaliyopo hapa? أَتُتْرَكُونَ فِي مَا هَاهُنَا آمِنِينَ
147 Katika mabustani, na chemchem? فِي جَنَّاتٍ وَعُيُونٍ
148 Na konde na mitende yenye makole yaliyo wiva. وَزُرُوعٍ وَنَخْلٍ طَلْعُهَا هَضِيمٌ
149 Na mnachonga milimani majumba kwa ustadi. وَتَنْحِتُونَ مِنَ الْجِبَالِ بُيُوتًا فَارِهِينَ
150 Basi mcheni Mwenyezi Mungu, na nit'iini mimi. فَاتَّقُوا اللَّهَ وَأَطِيعُونِ
151 Wala msit'ii amri za walio pindukia mipaka, وَلَا تُطِيعُوا أَمْرَ الْمُسْرِفِينَ
152 Ambao wanafanya ufisadi katika nchi, wala hawatengenezi. الَّذِينَ يُفْسِدُونَ فِي الْأَرْضِ وَلَا يُصْلِحُونَ
153 Wakasema: Hakika wewe ni miongoni mwa walio rogwa. قَالُوا إِنَّمَا أَنتَ مِنَ الْمُسَحَّرِينَ
154 Wewe si chochote ila ni mtu kama sisi. Basi lete Ishara ukiwa wewe ni miongoni mwa wasemao kweli. مَا أَنتَ إِلَّا بَشَرٌ مِّثْلُنَا فَأْتِ بِآيَةٍ إِن كُنتَ مِنَ الصَّادِقِينَ
155 Akasema: Huyu ngamia jike; awe na zamu yake ya kunywa, na nyinyi muwe na zamu yenu ya kunywa katika siku maalumu. قَالَ هَذِهِ نَاقَةٌ لَّهَا شِرْبٌ وَلَكُمْ شِرْبُ يَوْمٍ مَّعْلُومٍ
156 Wala msimguse kwa uwovu, isije ikakushikeni adhabu ya Siku Kubwa. وَلَا تَمَسُّوهَا بِسُوءٍ فَيَأْخُذَكُمْ عَذَابُ يَوْمٍ عَظِيمٍ
157 Lakini wakamuuwa, na wakawa wenye kujuta. فَعَقَرُوهَا فَأَصْبَحُوا نَادِمِينَ
158 Basi ikawapata adhabu. Hakika katika hayo ipo Ishara. Lakini hawakuwa wengi wao wenye kuamini. فَأَخَذَهُمُ الْعَذَابُ إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ
159 Na hakika Mola wako Mlezi ndiye Mwenye nguvu Mwenye kurehemu. وَإِنَّ رَبَّكَ لَهُوَ الْعَزِيزُ الرَّحِيمُ
160 Watu wa Lut'i waliwakanusha Mitume. كَذَّبَتْ قَوْمُ لُوطٍ الْمُرْسَلِينَ
161 Alipo waambia ndugu yao, Lut'i: Je! Hamumchimngu? إِذْ قَالَ لَهُمْ أَخُوهُمْ لُوطٌ أَلَا تَتَّقُونَ
162 Hakika mimi kwenu ni Mtume muaminifu kwenu. إِنِّي لَكُمْ رَسُولٌ أَمِينٌ
163 Basi mcheni Mwenyezi Mungu na nit'iini mimi. فَاتَّقُوا اللَّهَ وَأَطِيعُونِ
164 Wala mimi sikutakini ujira juu yake; ujira wangu hauko ila kwa Mola Mlezi wa walimwengu wote. وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ
165 Je! Katika viumbe vyote mnawaingilia wanaume? أَتَأْتُونَ الذُّكْرَانَ مِنَ الْعَالَمِينَ
166 Na mnaacha alicho kuumbieni Mola wenu Mlezi katika wake zenu? Ama kweli nyinyi ni watu mnao ruka mipaka! وَتَذَرُونَ مَا خَلَقَ لَكُمْ رَبُّكُمْ مِنْ أَزْوَاجِكُم بَلْ أَنتُمْ قَوْمٌ عَادُونَ
167 Wakasema: Ewe Lut'i! Usipo acha, hapana shaka utakuwa miongoni mwa wanao tolewa mji! قَالُوا لَئِن لَّمْ تَنتَهِ يَا لُوطُ لَتَكُونَنَّ مِنَ الْمُخْرَجِينَ
168 Akasema: Hakika mimi ni katika wanao kichukia hichi kitendo chenu. قَالَ إِنِّي لِعَمَلِكُم مِّنَ الْقَالِينَ
169 Mola wangu Mlezi! Niokoe mimi na ahali zangu na haya wayatendayo. رَبِّ نَجِّنِي وَأَهْلِي مِمَّا يَعْمَلُونَ
170 Basi tukamwokoa yeye na ahali zake wote, فَنَجَّيْنَاهُ وَأَهْلَهُ أَجْمَعِينَ
171 Isipo kuwa kikongwe katika walio kaa nyuma. إِلَّا عَجُوزًا فِي الْغَابِرِينَ
172 Kisha tukawaangamiza wale wengine. ثُمَّ دَمَّرْنَا الْآخَرِينَ
173 Na tukawanyeshea mvua, basi ni ovu mno mvua ya waliyo onywa. وَأَمْطَرْنَا عَلَيْهِم مَّطَرًا فَسَاء مَطَرُ الْمُنذَرِينَ
174 Hakika katika hayo ipo Ishara. Na hawakuwa wengi wao wenye kuamini. إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ
175 Na hakika Mola wako Mlezi bila ya shaka ndiye Mwenye nguvu, Mwenye kurehemu. وَإِنَّ رَبَّكَ لَهُوَ الْعَزِيزُ الرَّحِيمُ
176 Watu wa Machakani waliwakanusha Mitume. كَذَّبَ أَصْحَابُ الْأَيْكَةِ الْمُرْسَلِينَ
177 Shuaibu alipo waambia: Je! Hamfanyi mkamchamngu? إِذْ قَالَ لَهُمْ شُعَيْبٌ أَلَا تَتَّقُونَ
178 Hakika mimi kwenu ni Mtume muaminifu. إِنِّي لَكُمْ رَسُولٌ أَمِينٌ
179 Basi mcheni Mwenyezi Mungu, na nit'iini mimi. فَاتَّقُوا اللَّهَ وَأَطِيعُونِ
180 Wala sikutakini ujira juu yake. Ujira wangu hauko ila kwa Mola Mlezi wa walimwengu wote. وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ
181 Timizeni kipimo sawa sawa, wala msiwe katika wanao punja. أَوْفُوا الْكَيْلَ وَلَا تَكُونُوا مِنَ الْمُخْسِرِينَ
182 Na pimeni kwa haki iliyo nyooka; وَزِنُوا بِالْقِسْطَاسِ الْمُسْتَقِيمِ
183 Wala msiwapunje watu vitu vyao, wala msifanye jeuri kwa ufisadi. وَلَا تَبْخَسُوا النَّاسَ أَشْيَاءهُمْ وَلَا تَعْثَوْا فِي الْأَرْضِ مُفْسِدِينَ
184 Na mcheni aliye kuumbeni nyinyi na vizazi vilivyo tangulia. وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ
185 Wakasema: Hakika wewe ni katika walio rogwa. قَالُوا إِنَّمَا أَنتَ مِنَ الْمُسَحَّرِينَ
186 Na wewe si chochote ila ni mtu tu kama sisi, na kwa yakini tunakuona wewe ni katika waongo. وَمَا أَنتَ إِلَّا بَشَرٌ مِّثْلُنَا وَإِن نَّظُنُّكَ لَمِنَ الْكَاذِبِينَ
187 Hebu tuangushie vipande kutoka mbinguni ikiwa wewe ni miongoni mwa wasemao kweli. فَأَسْقِطْ عَلَيْنَا كِسَفًا مِّنَ السَّمَاء إِن كُنتَ مِنَ الصَّادِقِينَ
188 Akasema: Mola wangu Mlezi anajua zaidi mnayo yatenda. قَالَ رَبِّي أَعْلَمُ بِمَا تَعْمَلُونَ
189 Basi walimkanusha, na ikawashika adhabu ya siku ya kivuli. Hakika hiyo ilikuwa adhabu ya siku kubwa. فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ إِنَّهُ كَانَ عَذَابَ يَوْمٍ عَظِيمٍ
190 Hakika katika hayo ipo Ishara, lakini hawakuwa wengi wao wenye kuamini. إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ
191 Na hakika Mola wako Mlezi bila ya shaka ndiye Yeye Mwenye nguvu Mwenye kurehemu. وَإِنَّ رَبَّكَ لَهُوَ الْعَزِيزُ الرَّحِيمُ
192 Na bila ya shaka hii ni Uteremsho wa Mola Mlezi wa walimwengu wote. وَإِنَّهُ لَتَنزِيلُ رَبِّ الْعَالَمِينَ
193 Ameuteremsha Roho muaminifu, نَزَلَ بِهِ الرُّوحُ الْأَمِينُ
194 Juu ya moyo wako, ili uwe katika Waonyaji, عَلَى قَلْبِكَ لِتَكُونَ مِنَ الْمُنذِرِينَ
195 Kwa ulimi wa Kiarabu ulio wazi. بِلِسَانٍ عَرَبِيٍّ مُّبِينٍ
196 Na hakika bila ya shaka haya yamo katika Vitabu vya kale. وَإِنَّهُ لَفِي زُبُرِ الْأَوَّلِينَ
197 Je! Haikuwa kwao ni Ishara kwamba wanayajua haya wanazuoni wa Wana wa Israili? أَوَلَمْ يَكُن لَّهُمْ آيَةً أَن يَعْلَمَهُ عُلَمَاء بَنِي إِسْرَائِيلَ
198 Na lau kuwa tungeli iteremsha juu ya mmoja wa wasio kuwa Waarabu, وَلَوْ نَزَّلْنَاهُ عَلَى بَعْضِ الْأَعْجَمِينَ
199 Na akawasomea, wasingeli kuwa wenye kuamini. فَقَرَأَهُ عَلَيْهِم مَّا كَانُوا بِهِ مُؤْمِنِينَ
200 Namna hivi tunaingiza katika nyoyo za wakosefu. كَذَلِكَ سَلَكْنَاهُ فِي قُلُوبِ الْمُجْرِمِينَ
201 Hawataiamini mpaka waione adhabu chungu. لَا يُؤْمِنُونَ بِهِ حَتَّى يَرَوُا الْعَذَابَ الْأَلِيمَ
202 Basi itawafikia kwa ghafla, na hali hawana khabari. فَيَأْتِيَهُم بَغْتَةً وَهُمْ لَا يَشْعُرُونَ
203 Na watasema: Je, tutapewa muhula? فَيَقُولُوا هَلْ نَحْنُ مُنظَرُونَ
204 Basi, je, wanaihimiza adhabu yetu? أَفَبِعَذَابِنَا يَسْتَعْجِلُونَ
205 Waonaje kama tukiwastarehesha kwa miaka, أَفَرَأَيْتَ إِن مَّتَّعْنَاهُمْ سِنِينَ
206 Kisha yakawafikia waliyo kuwa wakiahidiwa, ثُمَّ جَاءهُم مَّا كَانُوا يُوعَدُونَ
207 Yatawafaa nini yale waliyo stareheshewa? مَا أَغْنَى عَنْهُم مَّا كَانُوا يُمَتَّعُونَ
208 Wala hatukuangamiza mji wo wote ila ulikuwa na waonyaji - وَمَا أَهْلَكْنَا مِن قَرْيَةٍ إِلَّا لَهَا مُنذِرُونَ
209 Kuwa ni ukumbusho. Wala Sisi hatukuwa wenye kudhulumu. ذِكْرَى وَمَا كُنَّا ظَالِمِينَ
210 Wala Mashet'ani hawakuteremka nayo, وَمَا تَنَزَّلَتْ بِهِ الشَّيَاطِينُ
211 Wala haitakiwi kwao, na wala hawawezi. وَمَا يَنبَغِي لَهُمْ وَمَا يَسْتَطِيعُونَ
212 Hakika hao wametengwa na kusikia. إِنَّهُمْ عَنِ السَّمْعِ لَمَعْزُولُونَ
213 Basi usimwombe mungu mwingine pamoja na Mwenyezi Mungu ukawa miongoni mwa watakao adhibiwa. فَلَا تَدْعُ مَعَ اللَّهِ إِلَهًا آخَرَ فَتَكُونَ مِنَ الْمُعَذَّبِينَ
214 Na uwaonye jamaa zako walio karibu nawe. وَأَنذِرْ عَشِيرَتَكَ الْأَقْرَبِينَ
215 Na watwae kwa upole wanao kufuata miongoni mwa Waumini. وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ
216 Na ikiwa watakuasi basi sema: Mimi najitenga mbali na hayo mnayo yatenda. فَإِنْ عَصَوْكَ فَقُلْ إِنِّي بَرِيءٌ مِّمَّا تَعْمَلُونَ
217 Na umtegemee Mtukufu Mwenye nguvu Mwenye kurehemu. وَتَوَكَّلْ عَلَى الْعَزِيزِ الرَّحِيمِ
218 Ambaye anakuona unapo simama, الَّذِي يَرَاكَ حِينَ تَقُومُ
219 Na mageuko yako kati ya wanao sujudu. وَتَقَلُّبَكَ فِي السَّاجِدِينَ
220 Hakika Yeye ndiye Mwenye kusikia Mwenye kujua. إِنَّهُ هُوَ السَّمِيعُ الْعَلِيمُ
221 Je! Nikwambieni nani wanawashukia Mashet'ani? هَلْ أُنَبِّئُكُمْ عَلَى مَن تَنَزَّلُ الشَّيَاطِينُ
222 Wanamshukia kila mzushi mkubwa mwingi wa dhambi. تَنَزَّلُ عَلَى كُلِّ أَفَّاكٍ أَثِيمٍ
223 Wanawapelekea yale wanayo yasikia; na wengi wao ni waongo. يُلْقُونَ السَّمْعَ وَأَكْثَرُهُمْ كَاذِبُونَ
224 Na watungaji mashairi ni wapotofu ndio wanawafuata. وَالشُّعَرَاء يَتَّبِعُهُمُ الْغَاوُونَ
225 Je! Huwaoni kwamba wao wanatangatanga katika kila bonde? أَلَمْ تَرَ أَنَّهُمْ فِي كُلِّ وَادٍ يَهِيمُونَ
226 Na kwamba wao husema wasiyo yatenda? وَأَنَّهُمْ يَقُولُونَ مَا لَا يَفْعَلُونَ
227 Isipo kuwa wale walio amini, na wakatenda mema, na wakamkumbuka Mwenyezi Mungu kwa wingi, na wakajitetea wanapo dhulumiwa. Na wanao dhulumu watakuja jua mgeuko gani watakao geuka. إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيراً وَانتَصَرُوا مِن بَعْدِ مَا ظُلِمُوا وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
Next Surah An-Naml
;