Az-Zariyat

  1. Home
  2. Translation
  3. Uzbek: Muhammad Sodik Muhammad Yusuf
Change Language
Change Surah
Change Recitation

Uzbek: Muhammad Sodik Muhammad Yusuf

 Play All
# Translation Ayah
1 Чанг тўзитувчи(шамол) лар билан қасам. وَالذَّارِيَاتِ ذَرْوًا
2 Юк кўтарувчи(булут)лар билан қасам. فَالْحَامِلَاتِ وِقْرًا
3 Осон юрувчи(кема)лар билан қасам; فَالْجَارِيَاتِ يُسْرًا
4 Иш тақсимловчи(фаришта)лар билан қасам. فَالْمُقَسِّمَاتِ أَمْرًا
5 Албатта, сизга ваъда қилинган нарса ростдир. إِنَّمَا تُوعَدُونَ لَصَادِقٌ
6 Ва, албатта, қиёмат воқеъ бўлгувчидир. وَإِنَّ الدِّينَ لَوَاقِعٌ
7 Гўзал, мустаҳкам осмон билан қасам. وَالسَّمَاء ذَاتِ الْحُبُكِ
8 Албатта, сиз ихтилофли гапдасиз. إِنَّكُمْ لَفِي قَوْلٍ مُّخْتَلِفٍ
9 У(Қуръон)дан ким бурилса, (бир йўла) буриб қўйилур. (Қуръондан бурилиб, бошқа нарсани тутмоқчи бўлган, ҳеч қачон нажот топмабди. Чунки, бир йўла залолатга бурилиб қолган бўлади.) يُؤْفَكُ عَنْهُ مَنْ أُفِكَ
10 Ёлғончиларга лаънат бўлсин! قُتِلَ الْخَرَّاصُونَ
11 Улар жаҳолатдаги ғофиллардир. الَّذِينَ هُمْ فِي غَمْرَةٍ سَاهُونَ
12 Улар ҳисоб-китоб куни қачон, деб сўрарлар. يَسْأَلُونَ أَيَّانَ يَوْمُ الدِّينِ
13 Бу кунда улар оловда азобланурлар. يَوْمَ هُمْ عَلَى النَّارِ يُفْتَنُونَ
14 «Азобингизни татиб кўринг», сиз қачон бўлур? деб шошилган нарса-шу» (дейилур). ذُوقُوا فِتْنَتَكُمْ هَذَا الَّذِي كُنتُم بِهِ تَسْتَعْجِلُونَ
15 Албатта, тақводорлар жаннатлар ва булоқлардадир. إِنَّ الْمُتَّقِينَ فِي جَنَّاتٍ وَعُيُونٍ
16 Роббилари берган нарсаларни олувчилардир. Чунки улар бундан олдин эҳсон қилувчилардан бўлганлардир. آخِذِينَ مَا آتَاهُمْ رَبُّهُمْ إِنَّهُمْ كَانُوا قَبْلَ ذَلِكَ مُحْسِنِينَ
17 Улар кечалари оз ухлар эдилар. كَانُوا قَلِيلًا مِّنَ اللَّيْلِ مَا يَهْجَعُونَ
18 Ва улар саҳарларда истиғфор айтар эдилар. وَبِالْأَسْحَارِ هُمْ يَسْتَغْفِرُونَ
19 Ва молу мулкларида, сўровчи ва бечораларнинг ҳақи бордир. وَفِي أَمْوَالِهِمْ حَقٌّ لِّلسَّائِلِ وَالْمَحْرُومِ
20 Ва ер юзида чуқур ишонувчилар учун белгилар бордир. وَفِي الْأَرْضِ آيَاتٌ لِّلْمُوقِنِينَ
21 Ва ўзларингизда ҳам. Ёки кўрмаяпсизларми?! وَفِي أَنفُسِكُمْ أَفَلَا تُبْصِرُونَ
22 Ва осмонда ризқингиз ҳамда сизга ваъда қилинаётган нарсалар (бор). وَفِي السَّمَاء رِزْقُكُمْ وَمَا تُوعَدُونَ
23 Осмону ернинг Роббиси ила қасамки, албатта, у(гап) мисоли сиз нутқ қилаётганингиздек ҳақиқатдир. فَوَرَبِّ السَّمَاء وَالْأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ
24 Сенга Иброҳимнинг карамли меҳмонларининг хабари келмадими? هَلْ أَتَاكَ حَدِيثُ ضَيْفِ إِبْرَاهِيمَ الْمُكْرَمِينَ
25 Улар унинг ҳузурига кириб, «Салом» деганларида, у: «Салом, нотаниш қавмлар», деди. إِذْ دَخَلُوا عَلَيْهِ فَقَالُوا سَلَامًا قَالَ سَلَامٌ قَوْمٌ مُّنكَرُونَ
26 Ва аҳлига бориб, (пиширилган) семиз бузоқни келтирди. فَرَاغَ إِلَى أَهْلِهِ فَجَاء بِعِجْلٍ سَمِينٍ
27 Уни уларга яқинига сурди ва: «Емайсизларми?» деди. فَقَرَّبَهُ إِلَيْهِمْ قَالَ أَلَا تَأْكُلُونَ
28 Улардан хавфсиради. Улар: «қўрқма», дедилар ва унга илмли ўғил башоратини бердилар. فَأَوْجَسَ مِنْهُمْ خِيفَةً قَالُوا لَا تَخَفْ وَبَشَّرُوهُ بِغُلَامٍ عَلِيمٍ
29 Хотини қичқириб келди ва ўз юзига шапалоқ тушириб: «Туғмас кампир-а?!» деди. فَأَقْبَلَتِ امْرَأَتُهُ فِي صَرَّةٍ فَصَكَّتْ وَجْهَهَا وَقَالَتْ عَجُوزٌ عَقِيمٌ
30 Улар: «Сенинг Роббинг шундай деди. Албатта, Унинг Ўзи ўта ҳаким ва ўта билувчидир», дедилар. قَالُوا كَذَلِكَ قَالَ رَبُّكِ إِنَّهُ هُوَ الْحَكِيمُ الْعَلِيمُ
31 У: «Эй элчилар! Сизнинг ишингиз надир», деди. قَالَ فَمَا خَطْبُكُمْ أَيُّهَا الْمُرْسَلُونَ
32 Улар: «Албатта, биз жиноятчи қавмга юборилганмиз. قَالُوا إِنَّا أُرْسِلْنَا إِلَى قَوْمٍ مُّجْرِمِينَ
33 Уларнинг устидан лойдан (пиширилган) тошларни ташлаш учун. لِنُرْسِلَ عَلَيْهِمْ حِجَارَةً مِّن طِينٍ
34 Роббинг ҳузурида исрофчилар учун белгилаб қўйилган(тош)ларни», дедилар. مُسَوَّمَةً عِندَ رَبِّكَ لِلْمُسْرِفِينَ
35 Ва Биз у жойдан мўминларни чиқардик. فَأَخْرَجْنَا مَن كَانَ فِيهَا مِنَ الْمُؤْمِنِينَ
36 У ерда бир хонадондан бошқа мусулмонларни топмадик. فَمَا وَجَدْنَا فِيهَا غَيْرَ بَيْتٍ مِّنَ الْمُسْلِمِينَ
37 Ва у ерда аламли азобдан қўрқадиганлар учун белги қолдирдик. وَتَرَكْنَا فِيهَا آيَةً لِّلَّذِينَ يَخَافُونَ الْعَذَابَ الْأَلِيمَ
38 Ва Мусода ҳам. Биз уни Фиръавнга равшан ҳужжат ила юбоганимизда... وَفِي مُوسَى إِذْ أَرْسَلْنَاهُ إِلَى فِرْعَوْنَ بِسُلْطَانٍ مُّبِينٍ
39 У юз ўгириб, ишонгани томон юрди ва: «Бу сеҳргар ёки мажнундир», деди. فَتَوَلَّى بِرُكْنِهِ وَقَالَ سَاحِرٌ أَوْ مَجْنُونٌ
40 Бас, Биз уни ва аскарларини тутиб денгизга ташладик ва у маломатга лойиқ иш қилувчи эди. فَأَخَذْنَاهُ وَجُنُودَهُ فَنَبَذْنَاهُمْ فِي الْيَمِّ وَهُوَ مُلِيمٌ
41 Ва Одда ҳам (белги) бор. Вақтики, Биз уларга туғмас шамолни юбордик. (Одатда, шамол ёмғир ёғишига сабаб бўлади. Од қавмига келган шамол эса уларга ёмғир эмас, бало-офат, ҳалокатни олиб келган, шунинг учун унинг туғмас, яъни бефойда деб сифатланяпти.) وَفِي عَادٍ إِذْ أَرْسَلْنَا عَلَيْهِمُ الرِّيحَ الْعَقِيمَ
42 У қайси нарсага етиб борса, титиб ташламасдан қўймас. مَا تَذَرُ مِن شَيْءٍ أَتَتْ عَلَيْهِ إِلَّا جَعَلَتْهُ كَالرَّمِيمِ
43 Ва Самудда ҳам (белги) бор. Уларга вақтинчалик маза қилиб туринглар, дейилган вақтда... وَفِي ثَمُودَ إِذْ قِيلَ لَهُمْ تَمَتَّعُوا حَتَّى حِينٍ
44 Аллоҳнинг амридан бош тортдилар, бас, қараб турган ҳолларида уларни қаттиқ овоз тутди. فَعَتَوْا عَنْ أَمْرِ رَبِّهِمْ فَأَخَذَتْهُمُ الصَّاعِقَةُ وَهُمْ يَنظُرُونَ
45 Бас, улар ўринларидан туролмадилар ва ёрдам ҳам ололмадилар. فَمَا اسْتَطَاعُوا مِن قِيَامٍ وَمَا كَانُوا مُنتَصِرِينَ
46 Ва бундан аввал Нуҳ қавмини ҳам (ҳалок этганмиз). Албатта, улар фосиқ қавм эдилар. وَقَوْمَ نُوحٍ مِّن قَبْلُ إِنَّهُمْ كَانُوا قَوْمًا فَاسِقِينَ
47 Осмонни Ўз қудратимиз ила бино қилдик. Албатта, Биз кенг қилувчимиз. وَالسَّمَاء بَنَيْنَاهَا بِأَيْدٍ وَإِنَّا لَمُوسِعُونَ
48 Ва ерни тўшаб қўйдик. Биз қандоқ ҳам яхши тайёрловчимиз! وَالْأَرْضَ فَرَشْنَاهَا فَنِعْمَ الْمَاهِدُونَ
49 Ва Биз ҳар бир нарсани жуфт яратдик. Шоядки эсласангиз. وَمِن كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ
50 Бас, фақат Аллоҳгагина қочинг. Албатта, мен сизларга Ундан (келган) очиқ-ойдин огоҳлантирувчиман. (Одатда инсон хавфу хатардан, бало-офатдан қочади. Бу оятда тилга олинган хавф-хатар - динсизлик, ғафлат ва осийликдир, ундан қочиш гуноҳ ва ҳаром ишларни тарк этиб, Аллоҳга илтижо этиш билан бўлади. Аллоҳга қочишда инсон учун улуғ саодат ва мартаба бордир.) فَفِرُّوا إِلَى اللَّهِ إِنِّي لَكُم مِّنْهُ نَذِيرٌ مُّبِينٌ
51 Ва Аллоҳга бошқа маъбудни шерик қилманглар. Албатта, мен сизларга Ундан (келган) очиқ-ойдин огоҳлантирувчиман. وَلَا تَجْعَلُوا مَعَ اللَّهِ إِلَهًا آخَرَ إِنِّي لَكُم مِّنْهُ نَذِيرٌ مُّبِينٌ
52 Худди шундай, булардан аввалгиларга ҳам ҳар бир Пайғамбар келган вақт, уни, сеҳргар ёки мажнун, деганлар. كَذَلِكَ مَا أَتَى الَّذِينَ مِن قَبْلِهِم مِّن رَّسُولٍ إِلَّا قَالُوا سَاحِرٌ أَوْ مَجْنُونٌ
53 Келишиб олганмилар?! Йўқ, улар туғёнга кетган қавмлардир! أَتَوَاصَوْا بِهِ بَلْ هُمْ قَوْمٌ طَاغُونَ
54 Улардан юз ўгир. Бас, сен маломатга қолувчи эмассан. (Пайғамбарнинг вазифаси Аллоҳнинг амрини етказиш. У зот бу ишни ўз ўрнида адо этдилар. Мушриклар гапга кирмадилар, Пайғамбар алайҳиссалом улардан юз ўгирсалар, у зотга маломат йўқ.) فَتَوَلَّ عَنْهُمْ فَمَا أَنتَ بِمَلُومٍ
55 Ва эслатгин. Албатта, эслатиш мўминларга манфаат берур. وَذَكِّرْ فَإِنَّ الذِّكْرَى تَنفَعُ الْمُؤْمِنِينَ
56 Жин ва инсонни фақат Менга ибодат қилиш учунгина яратдим. وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ
57 Мен улардан ризқ хоҳламасман ва Мени тоамлантиришларини ҳам хоҳламасман. مَا أُرِيدُ مِنْهُم مِّن رِّزْقٍ وَمَا أُرِيدُ أَن يُطْعِمُونِ
58 Албатта, Аллоҳ Ўзи ризқ берувчи, қувват эгаси, шиддатлидир. (Демак, Аллоҳ таоло инсу жиндан ризқ сўрамайди, балки уларга ризқ беради. Аллоҳнинг бирдан-бир ирода қилгани ибодатдир, инсу жинни яратишдан мақсад ҳам шудир. Лекин ибодатдан кимга фойда бор? Ибодат қилувчининг ўзига. Унга икки дунёнинг бахтини ибодат беради.) إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ
59 Албатта, зулм қилганларга ўз биродарлари азобичалик азоб бор, шошилмасинлар. فَإِنَّ لِلَّذِينَ ظَلَمُوا ذَنُوبًا مِّثْلَ ذَنُوبِ أَصْحَابِهِمْ فَلَا يَسْتَعْجِلُونِ
60 Кофирларга ваъда қилинаётган кунларида ҳалокат бўлсин. فَوَيْلٌ لِّلَّذِينَ كَفَرُوا مِن يَوْمِهِمُ الَّذِي يُوعَدُونَ
Next Surah At-Tur
;