Al-Lail

  1. Home
  2. Translation
  3. Urdu: Muhammad Hussain Najafi
Change Language
Change Surah
Change Recitation

Urdu: Muhammad Hussain Najafi

 Play All
# Translation Ayah
1 قَسم ہے رات کی جب کہ وہ (دن کو) ڈھانپ لے۔ وَاللَّيْلِ إِذَا يَغْشَى
2 اور قَسم ہے دن کی جب کہ وہ روشن ہو جائے۔ وَالنَّهَارِ إِذَا تَجَلَّى
3 اور اس ذات کی قَسم جس نے نر اور مادہ کو پیدا کیا۔ وَمَا خَلَقَ الذَّكَرَ وَالْأُنثَى
4 یقیناً تمہاری کوششیں مختلف قِسم کی ہیں۔ إِنَّ سَعْيَكُمْ لَشَتَّى
5 تو جس نے (راہِ خدا میں) مال دیا اور پرہیزگاری اختیار کی۔ فَأَمَّا مَن أَعْطَى وَاتَّقَى
6 اور اچھی بات (اسلام) کی تصدیق کی۔ وَصَدَّقَ بِالْحُسْنَى
7 تو ہم اسے آسان راستہ کیلئے سہو لت دیں گے۔ فَسَنُيَسِّرُهُ لِلْيُسْرَى
8 اور جس نے بُخل کیا اور (خدا سے) بےپرواہی کی۔ وَأَمَّا مَن بَخِلَ وَاسْتَغْنَى
9 اور اچھی بات کو جھٹلایا۔ وَكَذَّبَ بِالْحُسْنَى
10 تو ہم اسے سخت راستے کی سہولت دیں گے۔ فَسَنُيَسِّرُهُ لِلْعُسْرَى
11 اور اس کا مال اسے کوئی فائدہ نہ دے گا جب وہ (ہلاکت کے) گڑھے میں گرے گا۔ وَمَا يُغْنِي عَنْهُ مَالُهُ إِذَا تَرَدَّى
12 بےشک راہ دکھانا ہمارے ذمہ ہے۔ إِنَّ عَلَيْنَا لَلْهُدَى
13 اور بےشک آخرت اور دنیا ہمارے ہی قبضہ میں ہیں۔ وَإِنَّ لَنَا لَلْآخِرَةَ وَالْأُولَى
14 سو میں نے تمہیں بھڑکتی ہوئی آگ سے ڈرایا ہے۔ فَأَنذَرْتُكُمْ نَارًا تَلَظَّى
15 اس میں وہ داخل ہوگا(اور جلے گا) جو بڑا بدبخت ہوگا۔ لَا يَصْلَاهَا إِلَّا الْأَشْقَى
16 جس نے جھٹلایا اور رُوگردانی کی۔ الَّذِي كَذَّبَ وَتَوَلَّى
17 اور جو بڑا پرہیزگار ہوگا وہ اس سے دور رکھا جائے گا۔ وَسَيُجَنَّبُهَا الْأَتْقَى
18 جو پاکیزگی حاصل کرنے کیلئے اپنا مال دیتا ہے۔ الَّذِي يُؤْتِي مَالَهُ يَتَزَكَّى
19 اور اس پر کسی کا کوئی احسان نہیں ہے جس کا بدلہ دیا جائے۔ وَمَا لِأَحَدٍ عِندَهُ مِن نِّعْمَةٍ تُجْزَى
20 بلکہ وہ تو صرف اپنے بالا و برتر پروردگار کی خوشنودی چاہتا ہے۔ إِلَّا ابْتِغَاء وَجْهِ رَبِّهِ الْأَعْلَى
21 اور عنقریب وہ اس سے ضرور خوش ہوجائے گا۔ وَلَسَوْفَ يَرْضَى
Next Surah Adh-Dhuha
;