Al-Ma'arij

  1. Home
  2. Translation
  3. Urdu: Syed Zeeshan Haider Jawadi
Change Language
Change Surah
Change Recitation

Urdu: Syed Zeeshan Haider Jawadi

 Play All
# Translation Ayah
1 ایک مانگنے والے نے واقع ہونے والے عذاب کا سوال کیا سَأَلَ سَائِلٌ بِعَذَابٍ وَاقِعٍ
2 جس کا کافروں کے حق میں کوئی دفع کرنے والا نہیں ہے لِّلْكَافِرينَ لَيْسَ لَهُ دَافِعٌ
3 یہ بلندیوں والے خدا کی طرف سے ہے مِّنَ اللَّهِ ذِي الْمَعَارِجِ
4 جس کی طرف فرشتے اور روح الامین بلند ہوتے ہیں اس ایک دن میں جس کی مقدار پچاس ہزار سال کے برابر ہے تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ
5 لہذا آپ بہترین صبر سے کام لیں فَاصْبِرْ صَبْرًا جَمِيلًا
6 یہ لوگ اسے دور سمجھ رہے ہیں إِنَّهُمْ يَرَوْنَهُ بَعِيدًا
7 اور ہم اسے قریب ہی دیکھ رہے ہیں وَنَرَاهُ قَرِيبًا
8 جس دن آسمان پگھلے ہوئے تانبے کے مانند ہوجائے گا يَوْمَ تَكُونُ السَّمَاء كَالْمُهْلِ
9 اور پہاڑ دھنکے ہوئے اون جیسے وَتَكُونُ الْجِبَالُ كَالْعِهْنِ
10 اور کوئی ہمدرد کسی ہمدرد کا پرسانِ حال نہ ہوگا وَلَا يَسْأَلُ حَمِيمٌ حَمِيمًا
11 وہ سب ایک دوسرے کو دکھائے جائیں گے تو مجرم چاہے گا کہ کاش آج کے دن کے عذاب کے بدلے اس کی اولاد کو لے لیا جائے يُبَصَّرُونَهُمْ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ
12 اوربیوی اور بھائی کو وَصَاحِبَتِهِ وَأَخِيهِ
13 اور اس کنبہ کو جس میں وہ رہتا تھا وَفَصِيلَتِهِ الَّتِي تُؤْويهِ
14 اور روئے زمین کی ساری مخلوقات کو اور اسے نجات دے دی جائے وَمَن فِي الْأَرْضِ جَمِيعًا ثُمَّ يُنجِيهِ
15 ہرگز نہیں یہ آتش جہنمّ ہے كَلَّا إِنَّهَا لَظَى
16 کھال اتار دینے والی نَزَّاعَةً لِّلشَّوَى
17 ان سب کو آواز دے رہی ہے جو منہ پھیر کر جانے والے تھے تَدْعُو مَنْ أَدْبَرَ وَتَوَلَّى
18 اور جنہوں نے مال جمع کرکے بند کر رکھا تھا وَجَمَعَ فَأَوْعَى
19 بیشک انسان بڑا لالچی ہے إِنَّ الْإِنسَانَ خُلِقَ هَلُوعًا
20 جب تکلیف پہنچ جاتی ہے تو فریادی بن جاتا ہے إِذَا مَسَّهُ الشَّرُّ جَزُوعًا
21 اور جب مال مل جاتا ہے تو بخیل ہو جاتا ہے وَإِذَا مَسَّهُ الْخَيْرُ مَنُوعًا
22 علاوہ ان نمازیوں کے إِلَّا الْمُصَلِّينَ
23 جو اپنی نمازوں کی پابندی کرنے والے ہیں الَّذِينَ هُمْ عَلَى صَلَاتِهِمْ دَائِمُونَ
24 اور جن کے اموال میں ایک مقررہ حق معین ہے وَالَّذِينَ فِي أَمْوَالِهِمْ حَقٌّ مَّعْلُومٌ
25 مانگنے والے کے لئے اور نہ مانگنے والے کے لئے لِّلسَّائِلِ وَالْمَحْرُومِ
26 اور جو لوگ روز قیامت کی تصدیق کرنے والے ہیں وَالَّذِينَ يُصَدِّقُونَ بِيَوْمِ الدِّينِ
27 اور جو اپنے پروردگار کے عذاب سے ڈرنے والے ہیں وَالَّذِينَ هُم مِّنْ عَذَابِ رَبِّهِم مُّشْفِقُونَ
28 بیشک عذاب پروردگار بے خوف رہنے والی چیز نہیں ہے إِنَّ عَذَابَ رَبِّهِمْ غَيْرُ مَأْمُونٍ
29 اور جو اپنی شرمگاہوں کی حفاظت کرنے والے ہیں وَالَّذِينَ هُمْ لِفُرُوجِهِمْ حَافِظُونَ
30 علاوہ اپنی بیویوں اور کنیزوں کے کہ اس پر ملامت نہیں کی جاتی ہے إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ
31 پھر جو اس کے علاوہ کا خواہشمند ہو وہ حد سے گزر جانے والا ہے فَمَنِ ابْتَغَى وَرَاء ذَلِكَ فَأُوْلَئِكَ هُمُ الْعَادُونَ
32 اور جو اپنی امانتوں اور عہد کا خیال رکھنے والے ہیں وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ
33 اور جو اپنی گواہیوں پر قائم رہنے والے ہیں وَالَّذِينَ هُم بِشَهَادَاتِهِمْ قَائِمُونَ
34 اور جو اپنی نمازوں کا خیال رکھنے والے ہیں وَالَّذِينَ هُمْ عَلَى صَلَاتِهِمْ يُحَافِظُونَ
35 یہی لوگ جنّت میں باعزّت طریقہ سے رہنے والے ہیں أُوْلَئِكَ فِي جَنَّاتٍ مُّكْرَمُونَ
36 پھر ان کافروں کو کیا ہوگیا ہے کہ آپ کی طرف بھاگے چلے آرہے ہیں فَمَالِ الَّذِينَ كَفَرُوا قِبَلَكَ مُهْطِعِينَ
37 داہیں بائیں سے گروہ در گروہ عَنِ الْيَمِينِ وَعَنِ الشِّمَالِ عِزِينَ
38 کیا ان میں سے ہر ایک کی طمع یہ ہے کہ اسے جنت النعیم میں داخل کردیا جائے أَيَطْمَعُ كُلُّ امْرِئٍ مِّنْهُمْ أَن يُدْخَلَ جَنَّةَ نَعِيمٍ
39 ہرگز نہیں انہیں تو معلوم ہے کہ ہم نے انہیں کس چیز سے پیدا کیا ہے كَلَّا إِنَّا خَلَقْنَاهُم مِّمَّا يَعْلَمُونَ
40 میں تمام مشرق و مغرب کے پروردگار کی قسم کھا کر کہتا ہوں کہ ہم قدرت رکھنے والے ہیں فَلَا أُقْسِمُ بِرَبِّ الْمَشَارِقِ وَالْمَغَارِبِ إِنَّا لَقَادِرُونَ
41 اس بات پر کہ ان کے بدلے ان سے بہتر افراد لے آئیں اور ہم عاجز نہیں ہیں عَلَى أَن نُّبَدِّلَ خَيْرًا مِّنْهُمْ وَمَا نَحْنُ بِمَسْبُوقِينَ
42 لہذا انہیں چھوڑ دیجئے یہ اپنے باطل میں ڈوبے رہیں اور کھیل تماشہ کرتے رہیں یہاں تک کہ اس دن سے ملاقات کریں جس کا وعدہ کیا گیا ہے فَذَرْهُمْ يَخُوضُوا وَيَلْعَبُوا حَتَّى يُلَاقُوا يَوْمَهُمُ الَّذِي يُوعَدُونَ
43 جس دن یہ سب قبروں سے تیزی کے ساتھ نکلیں گے جس طرح کسی پرچم کی طرف بھاگے جارہے ہوں يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَى نُصُبٍ يُوفِضُونَ
44 ان کی نگاہیں جھکی ہوں گی اور ذلت ان پر چھائی ہوگی اور یہی وہ دن ہوگا جس کا ان سے وعدہ کیا گیا ہے خَاشِعَةً أَبْصَارُهُمْ تَرْهَقُهُمْ ذِلَّةٌ ذَلِكَ الْيَوْمُ الَّذِي كَانُوا يُوعَدُونَ
Next Surah Nuh
;