Al-Alaq

  1. Home
  2. Translation
  3. Urdu: Tahir ul Qadri
Change Language
Change Surah
Change Recitation

Urdu: Tahir ul Qadri

 Play All
# Translation Ayah
1 (اے حبیب!) اپنے رب کے نام سے (آغاز کرتے ہوئے) پڑھئے جس نے (ہر چیز کو) پیدا فرمایا، اقْرَأْ بِاسْمِ رَبِّكَ الَّذِي خَلَقَ
2 اس نے انسان کو (رحمِ مادر میں) جونک کی طرح معلّق وجود سے پیدا کیا، خَلَقَ الْإِنسَانَ مِنْ عَلَقٍ
3 پڑھیئے اور آپ کا رب بڑا ہی کریم ہے، اقْرَأْ وَرَبُّكَ الْأَكْرَمُ
4 جس نے قلم کے ذریعے (لکھنے پڑھنے کا) علم سکھایا، الَّذِي عَلَّمَ بِالْقَلَمِ
5 جس نے انسان کو (اس کے علاوہ بھی) وہ (کچھ) سکھا دیا جو وہ نہیں جانتا تھا۔ (یا- جس نے (سب سے بلند رتبہ) انسان (محمد مصطفی صلی اللہ علیہ وآلہ وسلم) کو (بغیر ذریعۂ قلم کے) وہ سارا علم عطا فرما دیا جو وہ پہلے نہ جانتے تھے، عَلَّمَ الْإِنسَانَ مَا لَمْ يَعْلَمْ
6 (مگر) حقیقت یہ ہے کہ (نافرمان) انسان سر کشی کرتا ہے، كَلَّا إِنَّ الْإِنسَانَ لَيَطْغَى
7 اس بنا پر کہ وہ اپنے آپ کو (دنیا میں ظاہراً) بے نیاز دیکھتا ہے، أَن رَّآهُ اسْتَغْنَى
8 بیشک (ہر انسان کو) آپ کے رب ہی کی طرف لوٹنا ہے، إِنَّ إِلَى رَبِّكَ الرُّجْعَى
9 کیا آپ نے اس شخص کو دیکھا جو منع کرتا ہے، أَرَأَيْتَ الَّذِي يَنْهَى
10 (اﷲ کے) بندے کو جب وہ نماز پڑھتا ہے۔ (یا:- (اللہ کے محبوب و برگزیدہ) بندے (محمد مصطفی صلی اللہ علیہ وآلہ وسلم) کو جب وہ نماز پڑھتے ہیں)، عَبْدًا إِذَا صَلَّى
11 بھلا دیکھئے تو اگر وہ ہدایت پر ہوتا، أَرَأَيْتَ إِن كَانَ عَلَى الْهُدَى
12 یا وہ (لوگوں کو) پرہیزگاری کا حکم دیتا (تو کیا خوب ہوتا)، أَوْ أَمَرَ بِالتَّقْوَى
13 اب بتائیے! اگر اس نے (دینِ حق کو) جھٹلایا ہے اور (آپ سے) منہ پھیر لیا ہے (تو اس کا کیا حشر ہوگا)، أَرَأَيْتَ إِن كَذَّبَ وَتَوَلَّى
14 کیا وہ نہیں جانتا کہ اﷲ (اس کے سارے کردار کو) دیکھ رہا ہے، أَلَمْ يَعْلَمْ بِأَنَّ اللَّهَ يَرَى
15 خبر دار! اگر وہ (گستاخئ رسالت اور دینِ حق کی عداوت سے) باز نہ آیا تو ہم ضرور (اسے) پیشانی کے بالوں سے پکڑ کر گھسیٹیں گے، كَلَّا لَئِن لَّمْ يَنتَهِ لَنَسْفَعًا بِالنَّاصِيَةِ
16 وہ پیشانی جو جھوٹی (اور) خطا کار ہے، نَاصِيَةٍ كَاذِبَةٍ خَاطِئَةٍ
17 پس وہ اپنے ہم نشینوں کو (مدد کے لئے) بلا لے، فَلْيَدْعُ نَادِيَه
18 ہم بھی عنقریب (اپنے) سپاہیوں (یعنی دوزخ کے عذاب پر مقرر فرشتوں) کو بلا لیں گے، سَنَدْعُ الزَّبَانِيَةَ
19 ہرگز نہیں! آپ اس کے کئے کی پرواہ نہ کیجئے، اور (اے حبیبِ مکرّم!) آپ سر بسجود رہئے اور (ہم سے مزید) قریب ہوتے جائیے، كَلَّا لَا تُطِعْهُ وَاسْجُدْ وَاقْتَرِبْ
Next Surah Al-Qadr
;