Al-Balad

  1. Home
  2. Translation
  3. Urdu: Tahir ul Qadri
Change Language
Change Surah
Change Recitation

Urdu: Tahir ul Qadri

 Play All
# Translation Ayah
1 میں اس شہر (مکہ) کی قَسم کھاتا ہوں، لَا أُقْسِمُ بِهَذَا الْبَلَدِ
2 (اے حبیبِ مکرّم!) اس لئے کہ آپ اس شہر میں تشریف فرما ہیں٭، ٭ یہ ترجمہ ”لا زائدہ“ کے اعتبار سے ہے۔ لا ”نفئ صحیح“ کے لئے ہو تو ترجمہ یوں ہوگا: میں (اس وقت) اس شہر کی قَسم نہیں کھاؤں گا (اے حبیب!) جب آپ اس شہر سے رخصت ہو جائیں گے۔ وَأَنتَ حِلٌّ بِهَذَا الْبَلَدِ
3 (اے حبیبِ مکرّم! آپ کے) والد (آدم یا ابراہیم علیہما السلام) کی قَسم اور (ان کی) قَسم جن کی ولادت ہوئی٭، ٭ یعنی آدم علیہ السلام کی ذریّتِ صالحہ یا آپ ہی کی ذات گرامی جن کے باعث یہ شہرِ مکہ بھی لائقِ قَسم ٹھہرا ہے۔ وَوَالِدٍ وَمَا وَلَدَ
4 بیشک ہم نے انسان کو مشقت میں (مبتلا رہنے والا) پیدا کیا ہے، لَقَدْ خَلَقْنَا الْإِنسَانَ فِي كَبَدٍ
5 کیا وہ یہ گمان کرتا ہے کہ اس پر ہرگز کوئی بھی قابو نہ پا سکے گا؟، أَيَحْسَبُ أَن لَّن يَقْدِرَ عَلَيْهِ أَحَدٌ
6 وہ (بڑے فخر سے) کہتا ہے کہ میں نے ڈھیروں مال خرچ کیا ہے، يَقُولُ أَهْلَكْتُ مَالًا لُّبَدًا
7 کیا وہ یہ خیال کرتا ہے کہ اسے (یہ فضول خرچیاں کرتے ہوئے) کسی نے نہیں دیکھا، أَيَحْسَبُ أَن لَّمْ يَرَهُ أَحَدٌ
8 کیا ہم نے اس کے لئے دو آنکھیں نہیں بنائیں، أَلَمْ نَجْعَل لَّهُ عَيْنَيْنِ
9 اور (اسے) ایک زبان اور دو ہونٹ (نہیں دئیے)، وَلِسَانًا وَشَفَتَيْنِ
10 اور ہم نے اسے (خیر و شر کے) دو نمایاں راستے (بھی) دکھا دیئے، وَهَدَيْنَاهُ النَّجْدَيْنِ
11 وہ تو (دینِ حق اور عملِ خیر کی) دشوار گزار گھاٹی میں داخل ہی نہیں ہوا، فَلَا اقْتَحَمَ الْعَقَبَةَ
12 اور آپ کیا سمجھے ہیں کہ وہ (دینِ حق کے مجاہدہ کی) گھاٹی کیا ہے، وَمَا أَدْرَاكَ مَا الْعَقَبَةُ
13 وہ (غلامی و محکومی کی زندگی سے) کسی گردن کا آزاد کرانا ہے، فَكُّ رَقَبَةٍ
14 یا بھوک والے دن (یعنی قحط و اَفلاس کے دور میں غریبوں اور محروم المعیشت لوگوں کو) کھانا کھلانا ہے (یعنی ان کے معاشی تعطل اور ابتلاء کو ختم کرنے کی جدّ و جہد کرنا ہے)، أَوْ إِطْعَامٌ فِي يَوْمٍ ذِي مَسْغَبَةٍ
15 قرابت دار یتیم کو، يَتِيمًا ذَا مَقْرَبَةٍ
16 یا شدید غربت کے مارے ہوئے محتاج کو جو محض خاک نشین (اور بے گھر) ہے، أَوْ مِسْكِينًا ذَا مَتْرَبَةٍ
17 پھر (شرط یہ ہے کہ ایسی جدّ و جہد کرنے والا) وہ شخص ان لوگوں میں سے ہو جو ایمان لائے ہیں اور ایک دوسرے کو صبر و تحمل کی نصیحت کرتے ہیں اور باہم رحمت و شفقت کی تاکید کرتے ہیں، ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ
18 یہی لوگ دائیں طرف والے (یعنی اہلِ سعادت و مغفرت) ہیں، أُوْلَئِكَ أَصْحَابُ الْمَيْمَنَةِ
19 اور جن لوگوں نے ہماری آیتوں کا انکار کیا وہ بائیں طرف والے ہیں (یعنی اہلِ شقاوت و عذاب) ہیں، وَالَّذِينَ كَفَرُوا بِآيَاتِنَا هُمْ أَصْحَابُ الْمَشْأَمَةِ
20 ان پر (ہر طرف سے) بند کی ہوئی آگ (چھائی) ہوگی، عَلَيْهِمْ نَارٌ مُّؤْصَدَةٌ
Next Surah Ash-Shams
;