Al-A'la

  1. Home
  2. Translation
  3. Urdu: Tahir ul Qadri
Change Language
Change Surah
Change Recitation

Urdu: Tahir ul Qadri

 Play All
# Translation Ayah
1 اپنے رب کے نام کی تسبیح کریں جو سب سے بلند ہے، سَبِّحِ اسْمَ رَبِّكَ الْأَعْلَى
2 جس نے (کائنات کی ہر چیز کو) پیدا کیا پھر اسے (جملہ تقاضوں کی تکمیل کے ساتھ) درست توازن دیا، الَّذِي خَلَقَ فَسَوَّى
3 اور جس نے (ہر ہر چیز کے لئے) قانون مقرر کیا پھر (اسے اپنے اپنے نظام کے مطابق رہنے اور چلنے کا) راستہ بتایا، وَالَّذِي قَدَّرَ فَهَدَى
4 اور جس نے (زمین سے) چارہ نکالا، وَالَّذِي أَخْرَجَ الْمَرْعَى
5 پھر اسے سیاہی مائل خشک کردیا، فَجَعَلَهُ غُثَاء أَحْوَى
6 (اے حبیبِ مکرّم!) ہم آپ کو خود (ایسا) پڑھائیں گے کہ آپ (کبھی) نہیں بھولیں گے، سَنُقْرِؤُكَ فَلَا تَنسَى
7 مگر جو اﷲ چاہے، بیشک وہ جہر اور خفی (یعنی ظاہر و پوشیدہ اور بلند و آہستہ) سب باتوں کو جانتا ہے، إِلَّا مَا شَاء اللَّهُ إِنَّهُ يَعْلَمُ الْجَهْرَ وَمَا يَخْفَى
8 اور ہم آپ کو اس آسان (شریعت پر عمل پیرا ہونے) کے لئے (بھی) سہولت فراہم فرمائیں گے، وَنُيَسِّرُكَ لِلْيُسْرَى
9 پس آپ نصیحت فرماتے رہیے بشرطیکہ نصیحت (سننے والوں کو) فائدہ دے، فَذَكِّرْ إِن نَّفَعَتِ الذِّكْرَى
10 البتہ وہی نصیحت قبول کرے گا جو اﷲ سے ڈرتا ہوگا، سَيَذَّكَّرُ مَن يَخْشَى
11 اور بدبخت اس (نصیحت) سے پہلو تہی کرے گا، وَيَتَجَنَّبُهَا الْأَشْقَى
12 جو (قیامت کے دن) سب سے بڑی آگ میں داخل ہوگا، الَّذِي يَصْلَى النَّارَ الْكُبْرَى
13 پھر وہ اس میں نہ مرے گا اور نہ جیئے گا، ثُمَّ لَا يَمُوتُ فِيهَا وَلَا يَحْيَى
14 بیشک وہی بامراد ہوا جو (نفس کی آفتوں اور گناہ کی آلودگیوں سے) پاک ہوگیا، قَدْ أَفْلَحَ مَن تَزَكَّى
15 اور وہ اپنے رب کے نام کا ذکر کرتا رہا اور (کثرت و پابندی سے) نماز پڑھتا رہا، وَذَكَرَ اسْمَ رَبِّهِ فَصَلَّى
16 بلکہ تم (اﷲ کی طرف رجوع کرنے کی بجائے) دنیاوی زندگی (کی لذتوں) کو اختیار کرتے ہو، بَلْ تُؤْثِرُونَ الْحَيَاةَ الدُّنْيَا
17 حالانکہ آخرت (کی لذت و راحت) بہتر اور ہمیشہ باقی رہنے والی ہے، وَالْآخِرَةُ خَيْرٌ وَأَبْقَى
18 بیشک یہ (تعلیم) اگلے صحیفوں میں (بھی مذکور) ہے، إِنَّ هَذَا لَفِي الصُّحُفِ الْأُولَى
19 (جو) ابراہیم اور موسٰی (علیہما السلام) کے صحائف ہیں، صُحُفِ إِبْرَاهِيمَ وَمُوسَى
Next Surah Al-Gashiya
;