Al-Inshiqaq

  1. Home
  2. Translation
  3. Urdu: Tahir ul Qadri
Change Language
Change Surah
Change Recitation

Urdu: Tahir ul Qadri

 Play All
# Translation Ayah
1 جب (سب) آسمانی کرّے پھٹ جائیں گے، إِذَا السَّمَاء انشَقَّتْ
2 اور اپنے رب کا حکمِ (اِنشقاق) بجا لائیں گے اور (یہی تعمیلِ اَمر) اُس کے لائق ہے، وَأَذِنَتْ لِرَبِّهَا وَحُقَّتْ
3 اور جب زمین (ریزہ ریزہ کر کے) پھیلا دی جائے گی، وَإِذَا الْأَرْضُ مُدَّتْ
4 اور جو کچھ اس کے اندر ہے وہ اسے نکال باہر پھینکے گی اور خالی ہو جائے گی، وَأَلْقَتْ مَا فِيهَا وَتَخَلَّتْ
5 اور (وہ بھی) اپنے رب کا حکمِ (اِنشقاق) بجا لائے گی اور (یہی اِطاعت) اُس کے لائق ہے، وَأَذِنَتْ لِرَبِّهَا وَحُقَّتْ
6 اے انسان! تو اپنے رب تک پہنچنے میں سخت مشقتیں برداشت کرتا ہے بالآخر تجھے اسی سے جا ملنا ہے، يَا أَيُّهَا الْإِنسَانُ إِنَّكَ كَادِحٌ إِلَى رَبِّكَ كَدْحًا فَمُلَاقِيهِ
7 پس جس شخص کا نامۂ اعمال اس کے داہنے ہاتھ میں دیا جائے گا، فَأَمَّا مَنْ أُوتِيَ كِتَابَهُ بِيَمِينِهِ
8 تو عنقریب اس سے آسان سا حساب لیا جائے گا، فَسَوْفَ يُحَاسَبُ حِسَابًا يَسِيرًا
9 اور وہ اپنے اہلِ خانہ کی طرف مسرور و شاداں پلٹے گا، وَيَنقَلِبُ إِلَى أَهْلِهِ مَسْرُورًا
10 اور البتہ وہ شخص جس کا نامۂ اعمال اس کی پیٹھ کے پیچھے سے دیا جائے گا، وَأَمَّا مَنْ أُوتِيَ كِتَابَهُ وَرَاء ظَهْرِهِ
11 تو وہ عنقریب موت کو پکارے گا، فَسَوْفَ يَدْعُو ثُبُورًا
12 اور وہ دوزخ کی بھڑکتی ہوئی آگ میں داخل ہوگا، وَيَصْلَى سَعِيرًا
13 بیشک وہ (دنیا میں) اپنے اہلِ خانہ میں خوش و خرم رہتا تھا، إِنَّهُ كَانَ فِي أَهْلِهِ مَسْرُورًا
14 بیشک اس نے یہ گمان کر لیا تھا کہ وہ حساب کے لئے (اللہ کے پاس) ہرگز لوٹ کر نہ جائے گا، إِنَّهُ ظَنَّ أَن لَّن يَحُورَ
15 کیوں نہیں! بیشک اس کا رب اس کو خوب دیکھنے والا ہے، بَلَى إِنَّ رَبَّهُ كَانَ بِهِ بَصِيرًا
16 سو مجھے قَسم ہے شفق (یعنی شام کی سرخی یا اس کے بعد کے اُجالے) کی، فَلَا أُقْسِمُ بِالشَّفَقِ
17 اور رات کی اور ان چیزوں کی جنہیں وہ (اپنے دامن میں) سمیٹ لیتی ہے، وَاللَّيْلِ وَمَا وَسَقَ
18 اور چاند کی جب وہ پورا دکھائی دیتا ہے، وَالْقَمَرِ إِذَا اتَّسَقَ
19 تم یقیناً طبق در طبق ضرور سواری کرتے ہوئے جاؤ گے، لَتَرْكَبُنَّ طَبَقًا عَن طَبَقٍ
20 تو انہیں کیا ہو گیا ہے کہ (قرآنی پیشین گوئی کی صداقت دیکھ کر بھی) ایمان نہیں لاتے، فَمَا لَهُمْ لَا يُؤْمِنُونَ
21 اور جب ان پر قرآن پڑھا جاتا ہے تو (اللہ کے حضور) سجدہ ریز نہیں ہوتے، وَإِذَا قُرِئَ عَلَيْهِمُ الْقُرْآنُ لَا يَسْجُدُونَ
22 بلکہ کافر لوگ (اسے مزید) جھٹلا رہے ہیں، بَلِ الَّذِينَ كَفَرُواْ يُكَذِّبُونَ
23 اور اللہ (کفر و عداوت کے اس سامان کو) خوب جانتا ہے جو وہ جمع کر رہے ہیں، وَاللَّهُ أَعْلَمُ بِمَا يُوعُونَ
24 سو آپ انہیں دردناک عذاب کی بشارت دے دیں، فَبَشِّرْهُم بِعَذَابٍ أَلِيمٍ
25 مگر جو لوگ ایمان لائے اور نیک عمل کرتے ہیں ان کے لئے غیر منقطع (دائمی) ثواب ہے، إِلَّا الَّذِينَ آمَنُواْ وَعَمِلُواْ الصَّالِحَاتِ لَهُمْ أَجْرٌ غَيْرُ مَمْنُونٍ
Next Surah Al-Buruj
;