Al-Mursalat

  1. Home
  2. Translation
  3. Urdu: Tahir ul Qadri
Change Language
Change Surah
Change Recitation

Urdu: Tahir ul Qadri

 Play All
# Translation Ayah
1 نرم و خوش گوار ہواؤں کی قَسم جو پے در پے چلتی ہیں، وَالْمُرْسَلَاتِ عُرْفًا
2 پھر تند و تیز ہواؤں کی قَسم جو شدید جھونکوں سے چلتی ہیں، فَالْعَاصِفَاتِ عَصْفًا
3 اور ان کی قَسم جو بادلوں کو ہر طرف پھیلا دیتی ہیں، وَالنَّاشِرَاتِ نَشْرًا
4 پھر ان کی قَسم جو (اُنہیں) پھاڑ کر جدا جدا کر دیتی ہیں، فَالْفَارِقَاتِ فَرْقًا
5 پھر ان کی قَسم جو نصیحت لانے والی ہیں، فَالْمُلْقِيَاتِ ذِكْرًا
6 حجت تمام کرنے یا ڈرانے کے لئے، عُذْرًا أَوْ نُذْرًا
7 بیشک جو وعدۂ (قیامت) تم سے کیا جا رہا ہے وہ ضرور پورا ہو کر رہے گا، إِنَّمَا تُوعَدُونَ لَوَاقِعٌ
8 پھر جب ستاروں کی روشنی زائل کر دی جائے گی، فَإِذَا النُّجُومُ طُمِسَتْ
9 اور جب آسمانی کائنات میں شگاف ہو جائیں گے، وَإِذَا السَّمَاء فُرِجَتْ
10 اور جب پہاڑ (ریزہ ریزہ کر کے) اُڑا دیے جائیں گے، وَإِذَا الْجِبَالُ نُسِفَتْ
11 اور جب پیغمبر وقتِ مقررہ پر (اپنی اپنی اُمتوں پر گواہی کے لئے) جمع کئے جائیں گے، وَإِذَا الرُّسُلُ أُقِّتَتْ
12 بھلا کس دن کے لئے (ان سب اُمور کی) مدت مقرر کی گئی ہے، لِأَيِّ يَوْمٍ أُجِّلَتْ
13 فیصلہ کے دن کے لئے، لِيَوْمِ الْفَصْلِ
14 اور آپ کو کس نے بتایا کہ فیصلہ کا دن کیا ہے، وَمَا أَدْرَاكَ مَا يَوْمُ الْفَصْلِ
15 اس دن جھٹلانے والوں کے لئے خرابی (و تباہی) ہے، وَيْلٌ يَوْمَئِذٍ لِّلْمُكَذِّبِينَ
16 کیا ہم نے اگلے (جھٹلانے والے) لوگوں کو ہلاک نہیں کر ڈالا تھا، أَلَمْ نُهْلِكِ الْأَوَّلِينَ
17 پھر ہم بعد کے لوگوں کو بھی (ہلاکت میں) ان کے پیچھے چلائے دیتے ہیں، ثُمَّ نُتْبِعُهُمُ الْآخِرِينَ
18 ہم مجرموں کے ساتھ اِسی طرح (کا معاملہ) کرتے ہیں، كَذَلِكَ نَفْعَلُ بِالْمُجْرِمِينَ
19 اُس دن جھٹلانے والوں کے لئے بڑی خرابی ہے، وَيْلٌ يَوْمَئِذٍ لِّلْمُكَذِّبِينَ
20 کیا ہم نے تمہیں حقیر پانی (کی ایک بوند) سے پیدا نہیں کیا، أَلَمْ نَخْلُقكُّم مِّن مَّاء مَّهِينٍ
21 پھر اس کو محفوظ جگہ (یعنی رحمِ مادر) میں رکھا، فَجَعَلْنَاهُ فِي قَرَارٍ مَّكِينٍ
22 (وقت کے) ایک معیّن اندازے تک، إِلَى قَدَرٍ مَّعْلُومٍ
23 پھر ہم نے (نطفہ سے تولّد تک تمام مراحل کے لئے) وقت کے اندازے مقرر کئے، پس (ہم) کیا ہی خوب اندازے مقرر کرنے والے ہیں، فَقَدَرْنَا فَنِعْمَ الْقَادِرُونَ
24 اُس دن جھٹلانے والوں کے لئے بڑی تباہی ہے، وَيْلٌ يَوْمَئِذٍ لِّلْمُكَذِّبِينَ
25 کیا ہم نے زمین کو سمیٹ لینے والی نہیں بنایا، أَلَمْ نَجْعَلِ الْأَرْضَ كِفَاتًا
26 (جو سمیٹتی ہے) زندوں کو (بھی) اور مُردوں کو (بھی)، أَحْيَاء وَأَمْوَاتًا
27 ہم نے اس پر بلند و مضبوط پہاڑ رکھ دئیے اور ہم نے تمہیں (شیریں چشموں کے ذریعے) میٹھا پانی پلایا، وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاء فُرَاتًا
28 اس دن جھٹلانے والوں کے لئے بڑی بربادی ہوگی، وَيْلٌ يوْمَئِذٍ لِّلْمُكَذِّبِينَ
29 (اب) تم اس (عذاب) کی طرف چلو جسے تم جھٹلایا کرتے تھے، انطَلِقُوا إِلَى مَا كُنتُم بِهِ تُكَذِّبُونَ
30 تم (دوزخ کے دھویں پر مبنی) اس سائے کی طرف چلو جس کے تین حصے ہیں، انطَلِقُوا إِلَى ظِلٍّ ذِي ثَلَاثِ شُعَبٍ
31 جو نہ (تو) ٹھنڈا سایہ ہے اور نہ ہی آگ کی تپش سے بچانے والا ہے، لَا ظَلِيلٍ وَلَا يُغْنِي مِنَ اللَّهَبِ
32 بیشک وہ (دوزخ) اونچے محل کی طرح (بڑے بڑے) شعلے اور چنگاریاں اڑاتی ہے، إِنَّهَا تَرْمِي بِشَرَرٍ كَالْقَصْرِ
33 (یوں بھی لگتا ہے) گویا وہ (چنگاریاں) زرد رنگ والے اونٹ ہیں، كَأَنَّهُ جِمَالَتٌ صُفْرٌ
34 اس دن جھٹلانے والوں کے لئے بڑی تباہی ہے، وَيْلٌ يَوْمَئِذٍ لِّلْمُكَذِّبِينَ
35 یہ ایسا دن ہے کہ وہ (اس میں) بول بھی نہ سکیں گے، هَذَا يَوْمُ لَا يَنطِقُونَ
36 اور نہ ہی انہیں اجازت دی جائے گی کہ وہ معذرت کرسکیں، وَلَا يُؤْذَنُ لَهُمْ فَيَعْتَذِرُونَ
37 اُس دن جھٹلانے والوں کے لئے بڑی ہلاکت ہے، وَيْلٌ يَوْمَئِذٍ لِّلْمُكَذِّبِينَ
38 یہ فیصلے کا دن ہے (جس میں) ہم تمہیں اور (سب) پہلے لوگوں کو جمع کریں گے، هَذَا يَوْمُ الْفَصْلِ جَمَعْنَاكُمْ وَالْأَوَّلِينَ
39 پھر اگر تمہارے پاس (عذاب سے بچنے کا) کوئی حیلہ (اور داؤ) ہے تو (وہ) داؤ مجھ پر چلا لو، فَإِن كَانَ لَكُمْ كَيْدٌ فَكِيدُونِ
40 اس دن جھٹلانے والوں کے لئے بڑا افسوس ہے، وَيْلٌ يَوْمَئِذٍ لِّلْمُكَذِّبِينَ
41 بیشک پرہیزگار ٹھنڈے سایوں اور چشموں میں (عیش و راحت کے ساتھ) ہوں گے، إِنَّ الْمُتَّقِينَ فِي ظِلَالٍ وَعُيُونٍ
42 اور پھل اور میوے جس کی بھی وہ خواہش کریں گے (ان کے لئے موجود ہوں گے)، وَفَوَاكِهَ مِمَّا يَشْتَهُونَ
43 (ان سے کہا جائے گا:) تم خوب مزے سے کھاؤ پیو اُن اَعمالِ (صالحہ) کے عوض جو تم کرتے رہے تھے، كُلُوا وَاشْرَبُوا هَنِيئًا بِمَا كُنتُمْ تَعْمَلُونَ
44 بے شک ہم اِسی طرح نیکو کاروں کو جزا دیا کرتے ہیں، إِنَّا كَذَلِكَ نَجْزِي الْمُحْسِنينَ
45 اس دن جھٹلانے والوں کے لئے بڑی خرابی ہے، وَيْلٌ يَوْمَئِذٍ لِّلْمُكَذِّبِينَ
46 (اے حق کے منکرو!) تم تھوڑا عرصہ کھا لو اور فائدہ اٹھا لو، بے شک تم مجرم ہو، كُلُوا وَتَمَتَّعُوا قَلِيلًا إِنَّكُم مُّجْرِمُونَ
47 اس دن جھٹلانے والوں کے لئے بڑی خرابی ہے، وَيْلٌ يَوْمَئِذٍ لِّلْمُكَذِّبِينَ
48 اور جب ان سے کہا جاتا ہے کہ تم (اﷲ کے حضور) جھکو تو وہ نہیں جھکتے، وَإِذَا قِيلَ لَهُمُ ارْكَعُوا لَا يَرْكَعُونَ
49 اس دن جھٹلانے والوں کے لئے بڑی تباہی ہے، وَيْلٌ يَوْمَئِذٍ لِّلْمُكَذِّبِينَ
50 پھر وہ اِس (قرآن) کے بعد کس کلام پر ایمان لائیں گے؟، فَبِأَيِّ حَدِيثٍ بَعْدَهُ يُؤْمِنُونَ
Next Surah An-Nabaa
;