Al-Waqi'a

  1. Home
  2. Translation
  3. Urdu: Abul A'ala Maududi
Change Language
Change Surah
Change Recitation

Urdu: Abul A'ala Maududi

 Play All
# Translation Ayah
1 جب وہ ہونے والا واقعہ پیش آ جائے گا إِذَا وَقَعَتِ الْوَاقِعَةُ
2 تو کوئی اس کے وقوع کو جھٹلانے والا نہ ہوگا لَيْسَ لِوَقْعَتِهَا كَاذِبَةٌ
3 وہ تہ و بالا کر دینے والی آفت ہوگی خَافِضَةٌ رَّافِعَةٌ
4 زمین اس وقت یکبارگی ہلا ڈالی جائے گی إِذَا رُجَّتِ الْأَرْضُ رَجًّا
5 اور پہاڑ اس طرح ریزہ ریزہ کر دیے جائیں گے وَبُسَّتِ الْجِبَالُ بَسًّا
6 کہ پراگندہ غبار بن کر رہ جائیں گے فَكَانَتْ هَبَاء مُّنبَثًّا
7 تم لوگ اُس وقت تین گروہوں میں تقسیم ہو جاؤ گے وَكُنتُمْ أَزْوَاجًا ثَلَاثَةً
8 دائیں بازو والے، سو دائیں بازو والوں (کی خوش نصیبی) کا کیا کہنا فَأَصْحَابُ الْمَيْمَنَةِ مَا أَصْحَابُ الْمَيْمَنَةِ
9 اور بائیں بازو والے، تو بائیں بازو والوں (کی بد نصیبی کا) کا کیا ٹھکانا وَأَصْحَابُ الْمَشْأَمَةِ مَا أَصْحَابُ الْمَشْأَمَةِ
10 اور آگے والے تو پھر آگے وا لے ہی ہیں وَالسَّابِقُونَ السَّابِقُونَ
11 وہی تو مقرب لوگ ہیں أُوْلَئِكَ الْمُقَرَّبُونَ
12 نعمت بھری جنتوں میں رہیں گے فِي جَنَّاتِ النَّعِيمِ
13 اگلوں میں سے بہت ہوں گے ثُلَّةٌ مِّنَ الْأَوَّلِينَ
14 اور پچھلوں میں سے کم وَقَلِيلٌ مِّنَ الْآخِرِينَ
15 مرصع تختوں پر عَلَى سُرُرٍ مَّوْضُونَةٍ
16 تکیے لگا ئے آمنے سامنے بیٹھیں گے مُتَّكِئِينَ عَلَيْهَا مُتَقَابِلِينَ
17 اُن کی مجلسوں میں ابدی لڑکے شراب چشمہ جاری سے يَطُوفُ عَلَيْهِمْ وِلْدَانٌ مُّخَلَّدُونَ
18 لبریز پیالے کنٹر اور ساغر لیے دوڑتے پھرتے ہونگے بِأَكْوَابٍ وَأَبَارِيقَ وَكَأْسٍ مِّن مَّعِينٍ
19 جسے پی کر نہ اُن کا سر چکرائے گا نہ ان کی عقل میں فتور آئے گا لَا يُصَدَّعُونَ عَنْهَا وَلَا يُنزِفُونَ
20 اور وہ اُن کے سامنے طرح طرح کے لذیذ پھل پیش کریں گے جسے چاہیں چن لیں وَفَاكِهَةٍ مِّمَّا يَتَخَيَّرُونَ
21 اور پرندوں کے گوشت پیش کریں گے کہ جس پرندے کا چاہیں استعمال کریں وَلَحْمِ طَيْرٍ مِّمَّا يَشْتَهُونَ
22 اور ان کے لیے خوبصورت آنکھوں والی حوریں ہونگی وَحُورٌ عِينٌ
23 ایسی حسین جیسے چھپا کر رکھے ہوئے موتی كَأَمْثَالِ اللُّؤْلُؤِ الْمَكْنُونِ
24 یہ سب کچھ اُن اعمال کی جزا کے طور پر انہیں ملے گا جو وہ دنیا میں کرتے رہے تھے جَزَاء بِمَا كَانُوا يَعْمَلُونَ
25 وہاں وہ کوئی بیہودہ کلام یا گناہ کی بات نہ سنیں گے لَا يَسْمَعُونَ فِيهَا لَغْوًا وَلَا تَأْثِيمًا
26 جو بات بھی ہوگی ٹھیک ٹھیک ہوگی إِلَّا قِيلًا سَلَامًا سَلَامًا
27 اور دائیں بازو والے، دائیں بازو والوں کی خوش نصیبی کا کیا کہنا وَأَصْحَابُ الْيَمِينِ مَا أَصْحَابُ الْيَمِينِ
28 وہ بے خار بیریوں فِي سِدْرٍ مَّخْضُودٍ
29 اور تہ بر تہ چڑھے ہوئے کیلوں وَطَلْحٍ مَّنضُودٍ
30 اور دور تک پھیلی ہوئی چھاؤں وَظِلٍّ مَّمْدُودٍ
31 اور ہر دم رواں پانی وَمَاء مَّسْكُوبٍ
32 اور کبھی ختم نہ ہونے والے وَفَاكِهَةٍ كَثِيرَةٍ
33 اور بے روک ٹوک ملنے والے بکثرت پھلوں لَّا مَقْطُوعَةٍ وَلَا مَمْنُوعَةٍ
34 اور اونچی نشست گاہوں میں ہوں گے وَفُرُشٍ مَّرْفُوعَةٍ
35 ان کی بیویوں کو ہم خاص طور پر نئے سرے سے پیدا کریں گے إِنَّا أَنشَأْنَاهُنَّ إِنشَاء
36 اور انہیں با کرہ بنا دیں گے فَجَعَلْنَاهُنَّ أَبْكَارًا
37 اپنے شوہروں کی عاشق اور عمر میں ہم سن عُرُبًا أَتْرَابًا
38 یہ کچھ دائیں بازو والوں کے لیے ہے لِّأَصْحَابِ الْيَمِينِ
39 وہ اگلوں میں سے بہت ہوں گے ثُلَّةٌ مِّنَ الْأَوَّلِينَ
40 اور پچھلوں میں سے بھی بہت وَثُلَّةٌ مِّنَ الْآخِرِينَ
41 اور بائیں بازو والے، بائیں بازو والوں کی بد نصیبی کا کیا پوچھنا وَأَصْحَابُ الشِّمَالِ مَا أَصْحَابُ الشِّمَالِ
42 وہ لو کی لپٹ اور کھولتے ہوئے پانی فِي سَمُومٍ وَحَمِيمٍ
43 اور کالے دھوئیں کے سائے میں ہوں گے وَظِلٍّ مِّن يَحْمُومٍ
44 جو نہ ٹھنڈا ہوگا نہ آرام دہ لَّا بَارِدٍ وَلَا كَرِيمٍ
45 یہ وہ لوگ ہوں گے جو اِس انجام کو پہنچنے سے پہلے خوشحال تھے إِنَّهُمْ كَانُوا قَبْلَ ذَلِكَ مُتْرَفِينَ
46 اور گناہ عظیم پر اصرار کرتے تھے وَكَانُوا يُصِرُّونَ عَلَى الْحِنثِ الْعَظِيمِ
47 کہتے تھے "کیا جب ہم مر کر خاک ہو جائیں گے اور ہڈیوں کا پنجر رہ جائیں گے تو پھر اٹھا کھڑے کیے جائیں گے؟ وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَئِنَّا لَمَبْعُوثُونَ
48 اور کیا ہمارے وہ باپ دادا بھی اٹھائے جائیں گے جو پہلے گزر چکے ہیں؟" أَوَ آبَاؤُنَا الْأَوَّلُونَ
49 اے نبیؐ، اِن لوگوں سے کہو، یقیناً اگلے اور پچھلے سب قُلْ إِنَّ الْأَوَّلِينَ وَالْآخِرِينَ
50 ایک دن ضرور جمع کیے جانے والے ہیں جس کا وقت مقرر کیا جا چکا ہے لَمَجْمُوعُونَ إِلَى مِيقَاتِ يَوْمٍ مَّعْلُومٍ
51 پھر اے گمراہو اور جھٹلانے والو! ثُمَّ إِنَّكُمْ أَيُّهَا الضَّالُّونَ الْمُكَذِّبُونَ
52 تم شجر زقوم کی غذا کھانے والے ہو لَآكِلُونَ مِن شَجَرٍ مِّن زَقُّومٍ
53 اُسی سے تم پیٹ بھرو گے فَمَالِؤُونَ مِنْهَا الْبُطُونَ
54 اور اوپر سے کھولتا ہوا پانی فَشَارِبُونَ عَلَيْهِ مِنَ الْحَمِيمِ
55 تونس لگے ہوئے اونٹ کی طرح پیو گے فَشَارِبُونَ شُرْبَ الْهِيمِ
56 یہ ہے بائیں والوں کی ضیافت کا سامان روز جزا میں هَذَا نُزُلُهُمْ يَوْمَ الدِّينِ
57 ہم نے تمہیں پیدا کیا ہے پھر کیوں تصدیق نہیں کرتے؟ نَحْنُ خَلَقْنَاكُمْ فَلَوْلَا تُصَدِّقُونَ
58 کبھی تم نے غور کیا، یہ نطفہ جو تم ڈالتے ہو أَفَرَأَيْتُم مَّا تُمْنُونَ
59 اس سے بچہ تم بناتے ہو یا اس کے بنانے والے ہم ہیں؟ أَأَنتُمْ تَخْلُقُونَهُ أَمْ نَحْنُ الْخَالِقُونَ
60 ہم نے تمہارے درمیان موت کو تقسیم کیا ہے، اور ہم اِس سے عاجز نہیں ہیں نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ
61 کہ تمہاری شکلیں بدل دیں اور کسی ایسی شکل میں تمہیں پیدا کر دیں جس کو تم نہیں جانتے عَلَى أَن نُّبَدِّلَ أَمْثَالَكُمْ وَنُنشِئَكُمْ فِي مَا لَا تَعْلَمُونَ
62 اپنی پہلی پیدائش کو تو تم جانتے ہو، پھر کیوں سبق نہیں لیتے؟ وَلَقَدْ عَلِمْتُمُ النَّشْأَةَ الْأُولَى فَلَوْلَا تَذكَّرُونَ
63 کبھی تم نے سوچا، یہ بیج جو تم بوتے ہو أَفَرَأَيْتُم مَّا تَحْرُثُونَ
64 اِن سے کھیتیاں تم اگاتے ہو یا اُن کے اگانے والے ہم ہیں؟ أَأَنتُمْ تَزْرَعُونَهُ أَمْ نَحْنُ الزَّارِعُونَ
65 ہم چاہیں تو ان کھیتیوں کو بھس بنا کر رکھ دیں اور تم طرح طرح کی باتیں بناتے رہ جاؤ لَوْ نَشَاء لَجَعَلْنَاهُ حُطَامًا فَظَلْتُمْ تَفَكَّهُونَ
66 کہ ہم پر تو الٹی چٹی پڑ گئی إِنَّا لَمُغْرَمُونَ
67 بلکہ ہمارے تو نصیب ہی پھوٹے ہوئے ہیں بَلْ نَحْنُ مَحْرُومُونَ
68 کبھی تم نے آنکھیں کھول کر دیکھا، یہ پانی جو تم پیتے ہو أَفَرَأَيْتُمُ الْمَاء الَّذِي تَشْرَبُونَ
69 اِسے تم نے بادل سے برسایا ہے یا اِس کے برسانے والے ہم ہیں؟ أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ
70 ہم چاہیں تو اسے سخت کھاری بنا کر رکھ دیں، پھر کیوں تم شکر گزار نہیں ہوتے؟ لَوْ نَشَاء جَعَلْنَاهُ أُجَاجًا فَلَوْلَا تَشْكُرُونَ
71 کبھی تم نے خیال کیا، یہ آگ جو تم سلگاتے ہو أَفَرَأَيْتُمُ النَّارَ الَّتِي تُورُونَ
72 اِس کا درخت تم نے پیدا کیا ہے، یا اس کے پیدا کرنے والے ہم ہیں؟ أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِؤُونَ
73 ہم نے اُس کو یاد دہانی کا ذریعہ اور حاجت مندوں کے لیے سامان زیست بنایا ہے نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ
74 پس اے نبیؐ، اپنے رب عظیم کے نام کی تسبیح کرو فَسَبِّحْ بِاسْمِ رَبِّكَ الْعَظِيمِ
75 پس نہیں، میں قسم کھاتا ہوں تاروں کے مواقع کی فَلَا أُقْسِمُ بِمَوَاقِعِ النُّجُومِ
76 اور اگر تم سمجھو تو یہ بہت بڑی قسم ہے وَإِنَّهُ لَقَسَمٌ لَّوْ تَعْلَمُونَ عَظِيمٌ
77 کہ یہ ایک بلند پایہ قرآن ہے إِنَّهُ لَقُرْآنٌ كَرِيمٌ
78 ایک محفوظ کتاب میں ثبت فِي كِتَابٍ مَّكْنُونٍ
79 جسے مطہرین کے سوا کوئی چھو نہیں سکتا لَّا يَمَسُّهُ إِلَّا الْمُطَهَّرُونَ
80 یہ رب العالمین کا نازل کردہ ہے تَنزِيلٌ مِّن رَّبِّ الْعَالَمِينَ
81 پھر کیا اس کلام کے ساتھ تم بے اعتنائی برتتے ہو أَفَبِهَذَا الْحَدِيثِ أَنتُم مُّدْهِنُونَ
82 اور اِس نعمت میں اپنا حصہ تم نے یہ رکھا ہے کہ اِسے جھٹلاتے ہو؟ وَتَجْعَلُونَ رِزْقَكُمْ أَنَّكُمْ تُكَذِّبُونَ
83 تو جب مرنے والے کی جان حلق تک پہنچ چکی ہوتی ہے فَلَوْلَا إِذَا بَلَغَتِ الْحُلْقُومَ
84 اور تم آنکھوں سے دیکھ رہے ہوتے ہو کہ وہ مر رہا ہے، وَأَنتُمْ حِينَئِذٍ تَنظُرُونَ
85 اُس وقت تمہاری بہ نسبت ہم اُس کے زیادہ قریب ہوتے ہیں مگر تم کو نظر نہیں آتے وَنَحْنُ أَقْرَبُ إِلَيْهِ مِنكُمْ وَلَكِن لَّا تُبْصِرُونَ
86 اب اگر تم کسی کے محکوم نہیں ہو اور اپنے اِس خیال میں سچے ہو، فَلَوْلَا إِن كُنتُمْ غَيْرَ مَدِينِينَ
87 اُس وقت اُس کی نکلتی ہوئی جان کو واپس کیوں نہیں لے آتے؟ تَرْجِعُونَهَا إِن كُنتُمْ صَادِقِينَ
88 پھر وہ مرنے والا اگر مقربین میں سے ہو فَأَمَّا إِن كَانَ مِنَ الْمُقَرَّبِينَ
89 تو اس کے لیے راحت اور عمدہ رزق اور نعمت بھری جنت ہے فَرَوْحٌ وَرَيْحَانٌ وَجَنَّةُ نَعِيمٍ
90 اور اگر وہ اصحاب یمین میں سے ہو وَأَمَّا إِن كَانَ مِنَ أَصْحَابِ الْيَمِينِ
91 تو اس کا استقبال یوں ہوتا ہے کہ سلام ہے تجھے، تو اصحاب الیمین میں سے ہے فَسَلَامٌ لَّكَ مِنْ أَصْحَابِ الْيَمِينِ
92 اور اگر وہ جھٹلانے والے گمراہ لوگوں میں سے ہو وَأَمَّا إِن كَانَ مِنَ الْمُكَذِّبِينَ الضَّالِّينَ
93 تو اس کی تواضع کے لیے کھولتا ہوا پانی ہے فَنُزُلٌ مِّنْ حَمِيمٍ
94 اور جہنم میں جھونکا جانا وَتَصْلِيَةُ جَحِيمٍ
95 یہ سب کچھ قطعی حق ہے إِنَّ هَذَا لَهُوَ حَقُّ الْيَقِينِ
96 پس اے نبیؐ، اپنے رب عظیم کے نام کی تسبیح کرو فَسَبِّحْ بِاسْمِ رَبِّكَ الْعَظِيمِ
Next Surah Al-Hadid
;